Palaguin ang Negosyo

Palaguin ang Negosyo sa 5 Paraan na Ito

ni Homer Nievera, CDE, CVM | Nais mong palaguin ang negosyo mo ngunit di ka sigurdo paano ‘to gagawin?

Narito ang limang tips ko upang makatulong sa pagpasya paano ito magagawa. Tara!

#1 Pasukan ang isang Kilalang Merkado

Lagi nating sinsabi na ang mga milenyal ang susunod na malaking henerasyon na syang nakaposisyon upang maging malaking merkado sa ngayon. May ginagawa ka ba para mapasukan ang merkado o niche na ito? Magsaliksik kung ano ang mga produkto o serbisyo na makakaakit sa merkadong iyong nais pasukan. Tingnan ang mga kumpetisyon na nandyan na. Sa pag-aaral mo ng mga bagay na ito malalaman kung paano mo magagawang ayusin ang negosyo mo at palaguin ito lalu na kung nariyan na pala ang mga mamimili, di ba?

#2 Palawakin ang Merkado

Kung napasukan mon a ang merkadong ginagalawan mo sa ngayon, baka naman panahon na upang palawakin ang area na iyong ginagalawan? Isang halimbawa ay ang negosyong hamburger kung saan ang pangunahing kostumer mo ay kabataan. Kung lalagyan mo ng mga salad o mas magulay na hamburger sandwich, maaakit mo ang mga 40’s pataas o kaya ang mga health-conscious. Kung maliit na say o ang merkadong ginagalawan mo, palawakin ang sakop ng serbisyo o negosyo. O kaya ay sa ibang lugar ka naman magtayo.

#3 Refferals

Madalas marinig ang salitang “Referral” sa mga negosyong insurance, MLM at direct selling. Dahil na din ang pag-endorso say o ng ibang tao patungkol sa binebenta mo ay napakalaking bagay. Ito din ay isa sa paraan ng paglago ng negosyo mo. Kaya nga nauso ang pagkuha ng kilalatao o artista sap ag-endorso ng negosyo dahil mas mabilis makauha ng tiwala ng ibang tao dahil dito. Gumawa ka ng referral-program simula sa iyong mga empleyado at tungnan paano ito makakatulong sa yo. Lagyan mol ang ng insentibo sa bawat ma-refer nila sa yo.

#4 Niche Marketing

Ang isang “market niche” ay ang mas masinsing pagtuon sa isang merkado mo. Gaya ng pagtuon sa mga milenyal, puede mo pang tingnan ang “niche” (o mas focused na merkado) gaya ng mga babaeng milenyal na nakatira sa mga condo. Maaring mas maliit ang merkado na ito ngunit mas madaling pagmulan ng benta at unti-unting palakihin pa. Ang mahala, masinsin mong pagtutuunan ang mga bagay na maaring magbenta ng mga produkto o serbisyo mo sa kanila. Dyan ka magsimula kasi mural ang ang marketing.

#5 Palawakin ang Pagsaliksik sa Merkado Mo

Minsan kasi, kailangan mol ang saliksikin pang maigi ang merkadong ginagalawan mo ngayon bago ka pa lumabas ditto. Gamitin ang Google at Facebook sa panimula ng pagsaliksik dahil meron silang mga metrics na magagamit mo na agad. Kumunsulta na rin sa mga eksperto sa marketing para mas mabilis mong maituon ang plano patungkol dito.

Sa lahat ng bagay, di tsamba-tsamba ang paglago. Pag-aralang mabuti ang mga hakbang, samahan ng dasal, at ikaw ay lalago!

Si Homer Nievera ay isang digital evangelist at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com.

Maayos na Pagnenegosyo

Ibalik ang Maayos na Pagnenegosyo sa 5 Paraan na Ito

ni Homer Nievera, CDE, CVM | Ayon sa isang pag-aaral, 30 porsyento ng mga startup na negosyo ay nagsasara sa loob ng unang dalawang taon. Madalas kasi, gumugulo ang maraming bagay habang pilit na pilapalaki ang isang startup.

Narito ang limang tips ko upang maging mas maayos ang pagnenegosyo mo. Ano, tara na!

#1 Huwag pilit gawin ang lahat nang mag-isa

Sa ilang taon kong pagnenegosyo, sadyang mahirap talagang pigilan ang sarili na sarilinin ang lahat ng mahahalagang gawain sa isang negosyo,m lalu na kung nagsisimula ka pa lamang. Sa totoo lang, ang delegasyon ng ilang trabaho ay dapat na ibigay sa mga eksperto o doon sa iyong na-train na tauhan. Mas mainam kasi na bilang pinuno, maging abala ka sa “vision” ng kumpanya mo kesa sa maliliit na bagay ituon ang pansin. Puwede ka ding mag-outsource. Ang mahalaga, wag angkinin ang lahat ng trabaho.

#2 Mag-Invest sa “Digitization”

Marami nang mga bagay na digital na ang solusyon. Simula yan sa simpleng website na siya mong tindahan sa Internet, gayundin sa social media kung saan ito’y kapareha na din ng customer service.

Maraming bagay na puwede nang gamitan ng mobile apps. Madalas, libre ito kung kaunti lang naman ang gagamitin mo. Halimbawa, ang Google Drive ay maraming paraan na maging unlimited ang storage mo. Makakatulong ito sap ag-ayos ng mga files mo. Sa payrolling at HR services, meron na ding digital na solusyon. Ang mahalaga ay maayos ang sistema mo na di naman mahal, mas mabilis pa sa dating gawi. Di ka pa kailangang magkaroon ng maraming files na papel.

#3 Planuhin nang maaga ang mga Kampanya mo sa Social Media

Madalas makaubos ng oras ang pag-iisip, pagpaplano at pag-execute ng mga plano sa social media. Pero may paraan naman na i-schedule mo lang ang mga posting mo ay ayus na pala. Makakalibre ka na ng panahon na gagamitin sa ibang bagay. Simpleng scheduling lang panalo na!

#4 Paggamit ng mga Bagay Online at App sa mga Miting

Sana naman ay gumagamit ka na ng pag-schedule ng mga miting mo sa cellphone. Kung di pa, umpisahana mo na. Ang paggamit ng Google Calendar ay maari mong i-sync sa phone mo. May mga phone apps din mag-aayos ng mga schedule mo. Ang mhalaga, ay gumamit ka ng mga ganitong bagay at puwede na din i-sync sa mga tauhan mo kung saan makikita mo kung maayos din ang paggamit nila ng oras.

#5 Sumentro sa Malalaking Bagay

Ang karamihan sa mga kilala kong matagumpay na negosyante ay yung mga nakatuon sa mas malalaking bagay kesa sa mga maliliit. Ang tinatawag na “micro-managing” ay di naaayon sa panahon ngayon ng pagnenegosyo. Mabilis kasi ang pagtrabaho ngayon kaya naman kailangan, ikaw din ay ganun.

Tandaan na kung mawala ka sa pokus sa dapat na paroonan ng negosyo mo, lahat ng bagay ay susunod dun.

Si Homer Nievera ay isang digital evangelist at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com.

Magpapaangat ng Pangalan ng Negosyo Mo

5 Bagay na Magpapaangat ng Pangalan ng Negosyo Mo

ni Homer Nievera, CDE, CVM | Ang pagnenegosyo sa panahon ngayon kumpara sa dati ay sadyang Malaki na ang ipinagkaiba. Dahil sa Internet, social media at iba pang dala ng teknolohiya ay mas nagging mdali sa mga maliit na negosyante o startup na negosyo ang lumaban sa malalaking kumpanya.

Kaya naman sa pagnenegosyo, kailangang mai-angat agad ang estado ng iyong pangalan – ikaw bilang may-ari at ang pangalan mismo ng iyong negosyo o mga produkto. Dahil na din ito sa dami ng kumpetisyon na kumakain ng parehong merkado at teritoryo mo. Paano nga ito gagawin?

#1 Paangatin ang Serbisyo sa Kostumer

Ang loyalty ng isang kostumer ay lubhang mahalaga. May kasabihan na mahigit sampung beses ang halaga ng pagkuha ng gusto mong bumalik na kostumer kesa kumuha ng bagong kostumer. Gayundin ang halaga ng isang masayang kostumer na ipagkakalat ang negosyo mo sa mabuting paraan. Kaya ang lagi kong sinasabi ay ang patuloy na pag-angat ng serbisyo sa kostumer. Ang masayang kostumer ay paulit-ulit na magdadala ng negosyo sa yo.

#2 Palawigin ang Edukasyon sa Kostumer

Sa larangan ng Content Marketing, ang mahalga ay ang patuloy na edukasyon ng merkado mo ukol sa mga produkto o serbisyo na iyong inilalako. Ito kasi ang madalas makalimutan ng mga negosyante. Dahil ang kostumer na maraming impormasyon sa produkto o serbisyo mo ay mas mabilis na makumbinsing bumili at bumalik sa yo. Sila na din ang nagsasabi sa ibang tao ukol sayo. Paano ito gagawin? Siguraduhing sa lahat ng maaaring lugar na magsasaliksik ang isang kostumer ay nandun ka. Gaya ng sa Yotube, Google, Social Media at iba pa. Mas mainam na ikaw ang naglabas ng impormasyon kesa sa iba nila makuha na maaari pang “fake news.”

#3 Magandang presensiya sa Social Media

Bukod sa pagkakaroon ng website, ang magandang pagsasaayos ng Linkedin at Facebook page ng inyong kumpanya ay isa din sa pangunahing tinitingnan ng mga kostumer. Kung maayos ang pagkakagawa ng mga ito at madaling mainitindihan, isang puntos na ito sa inyo. Kung marami ding nangyayari na nakapaskil sa mga pages na ito, mas naaakit sila sa negosyo niyo. Kung may mga company events at promo kayo, ilagay ito sa FB at Linkedin niyo. Impormasyon ito na mabilis makakarating sa merkado.

#4 Ibigay ang hinihingi ng merkado

Kahit ano’ng mga produkto o serbisyo ang inilalabas mo at di naman ito ang hinihingi ng mga kostumer mo, bale wala lang ang lahat. Kaya laging humingi ng feedback mula sa mga kostumer. Makinig sa kanilang mga sinasabi at alamin ang pulso ng merkado.

#5 Ayusin ang mga mali

Ang bawat negosyo ay may pagkakamali sa maraming aspeto. Kung anu-ano man ito, aminin at ayusin. Yan ang sikreto ng tunay na pagnenegosyo. Kung di ka sensitibo sa mga kostumer mo, mabilis silang lilipat. Gaya ng sa mga online marketplaces tulad ng Lazada at Shopee kung saan may mga reviews at recommendations. Kung di agad natutugunan ang mga reklamo o mungkahi ng mga kostumer, lilipat lang sila sa mga mas sensitibo sa kahilingan nila. Ang Kostumer ay Hari – yan ang dapat tandaan.

Si Homer Nievera ay isang digital evangelist at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com.

Stressed sa Negosyo

Stressed sa Negosyo? Subukan ang 5 Tips na ‘to!

ni Homer Nievera, CDE, CVM | Lahat ng uri ng negosyo ay may kaakibat na hirap kung nais mong umangat. Parten a ito ng buhay ng isang entrepreneur, di ba?

Pero lahat naman din ng problema ay ay may solusyon, basta pagtutuunan mo ng pansin at oras. Kaya naman dapat, harapin mo din ang iyong kalusugan upang mas lalo mong matutukan ang pag-sasaayos ng iyong negosyo.

Narito ang limang tips ko upang maging mas exciting pa ang pagnenegosyo mo. Tara!

#1 Meditasyon

Ang isang partner ko sa negosyo ay halos kabaligtaran ko. Ako kasi, mabilis ma-excite at kakambal nito ang mabilis nap ag-init ng ulo kung may mga bagay na dapat na-solusyunan na ng isang tao naming pero iniaakyat pa sa akin (bilang CEO). Kaya nang tanungin ko kung bakit tila di siya nai-stress, eto ang sabi niya – meditasyon!

Ganito daw ang ginagawa niya. Una, maghanap ng isang lugar na tahimik. Maaaring umupo lang at alisin ang lahat ng iniisip. Kapag may papasok na bagay sa isipan, alisin kaagad ito (wag pansinin lang). Huminga ng malalim – mag inhale at mag exhale – at binibilang ito hanggang sa maka-sampung beses ka. Gawin yan sa loob ng limang minute. Kung kulang pa, ulitin lang. Mabilis itong makakaalis ng stress. Gawin ito araw-araw.

#2 Ehersiyo

Ang pisikal nap ag-ehersiyo ay kaakibat na din ng meditasyon. Dahil na din ang paggaalaw ng ating katawan ay natural na nakakaalis ng stress. Kaming mag-asawa ay nag-invest sa isang mamahaling treadmill para lang masigurong gagamitin naming ito ng araw-araw at pang-matagalan. Ang target ay 30 minutong paglalakad sa treadmill ng araw-araw. Kung umabot ka ng 1 oras, mas mainam. Pero syempre, mas mura ang maglakad-lakad sa labas ng bahay sa ganun ding oras. Maarawan ka pa! Kung ikaw naman ay mag-workout sa isang gym, gawin mo. Ang mahalaga ay ang maituon ang iyong oras sap ag-ehersiyo dahil nakakapagpatibay ito ng katawan laban sa stress.

#3 Project Planning

Bukod sa mga gawaing pangangatawan, narito naman ang pagplano ng mga gawain sa pagnenegosyo mula sa project planning. Ang lahat ng gawain sa opisina ay maari namang mapagplanuhan, di ba?

Kung sisimulang mo ang pagtingin sa mga gawain bilang proyekto at lalagyan ng mga laang oras sa paggawa dito, at mai-assign sa ibang tao ang mga gawain, mas maiibsan ang stress.

Magplano ng mabuti at ang buhay ay bubuti.

#4 Kumain ng Masustansyang Pagkain

Maraming guilty ng tinatawag na “stress-eating” di ba? Yung pagnai-istress, idinadaan sa kain. Kaya ayun, ang tataba. Kaya sa dulo, nai-stress ang katawan sa paglaban nito sa di masustansyang pagkain.

Maging conscious sa pagkain, lalu na sa gulay na dapat daw ay 60 porsyento ng iyong diet sa isang araw. Iwasan ang matatamis at maraming kanin na nagiging asukal din kapag di nasunog ng katawan. Ayaw natin na sa huli, ma-stress ang iyong bulsa sa gamut at pagpapa-ospital, di ba?

#5 Pagdarasal at Pagkakaroon ng Ispirituwalidad

Anuman ang iyong relihiyon o paniniwala, ang pagdarasal ang pinakamahalagang parte ng pag-alis ng stress. Ang paniniwalang hindi lang ikaw ang dapat inaasahan ay isang malaking bagay upang mawala ang stress sa negosyo man o sa buhay.

Ako, sa bawat araw ay inuumpisahan ko ng “One-on-One with God.” Naglalaan ako ng mga 30 minuto na pagdarasal. Yung kami lang ng Diyos. Ang tawag ko nga ditto ay “Breakfast with God.” Yung may hawak akong isang tasa ng kape at pandesal at nag-uusap kami sa umaga sa harap ng altar sa aking tahanan. Lahat ng bagay-bagay ay pinag-uusapan namin. Subukan mo to. Di lang mawawala ang stress, mawawala din ang pinagmumulan nito. Mas focused ka pa at positibo sa buong araw.

Si Homer Nievera ay isang digital evangelist at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com

Levelup ang Negosyo

4 Paraan Para Mag Levelup ang Negosyo

ni Homerun Nievera, CDE |

Kumusta naman ang negosyo mo ngayon? Malakas ba o matumal? Depende ndin kasi sa timing niyan. Lalu’t mainit, kung ice cream o halo-halo ang business mo, panalo, di ba?

Pero kung mabago-bnao pa lang negosyo mo, nais mong mag-level-up din. Gusto mong umangat pa dahil pero siyempre, maraming dapat gawin at iwasang balakid din.

Narito na ang ilang paraan para umungos na ang bisnes mo. Tara!

#1 Imbentaryo muna

Bago bumanat ng istratehiya, mag-imbentaryo ka muna ng negosyo mo. Kumustahin ang mga tauhan kung maayos ba ang kundisyon ng puso’t isipan nila. Tingnan mo din kung anon a ang estado ng merkado mo kumpara sa mga nakahain mong produkto o serbisyo. Pasok pa ba sa panlasa ng mga kostumer na tinatarget mo ang mga inihahain mo sa kanila?

Kumustahin mo din ang ginagawa ng mga kalaban sa negosyo. Silipin ang mga programa nila kung nag-level-up na sila at ikaw ay napag-iiwanan na.

Tingnan mo din ang istruktura ng organisasyon mo. Naayon pa bas a nararapat? O baka nahihirapan ka nang makahabol sa serbisyo?

#2 Kung di sira, wag ayusin

Kesa maguluhan ka pa sa ngayon, kung wala naming sira sa sistema mo, wag mo munang galawin. Unahin muna ang tila kumikinang na bato na problema. Iwasan ang pabago-bago dahil lamang sawa ka na sa isang bagay. Tingnan mo kung anu-anong mga produkto o serbisyo ang nagbibigay ng pinakamalaking benta – at sa paanong paraan.

Minsan kasi, dahil libre ang social media at epektibo sa yo, naghahanap ka ng babayaran dahil lang baka mas mainam yun. Kung di nga sira ang isang bagay, wag mo munang pakialaman. Unahin ang mga kitang-kita ang sira.

#3 Kung gumagana ng maayos, pahalagahan

Dito madalas nakakaligtaan ng mga negosyante ang mga taong nagdadala ng pera sa kanilang kumpanya. Di lang kasi taga-sales department ang pinanggagalingan ng pera. Naroon din ang mga produktibo o kaya’y matipid na empleyado. Pahalagahan mo ang mga taong nagpapahalaga din sa negosyo mo. Motibasyon ang sikreto ng pagpapalaki ng negosyo. Kung may motibasyon ang mga tauhan, mapapa-level-up nila ang bisnes mo. Pag-isipan ang insentibo. Mahalaga yun.

Tingnan mo din ang mga teknolohiyang ginagamit mo. Kung nakakatulong ito, mag-upgrade kung kinakailangan. Dito ka wag masyadong magtipid dahil malamang, Malaki na ang natipid mo sa paggamit nito.

#4 Humingi ng payo, opinion at balita

Ang mga taong nagbibigay ng mga opinion o payo nila’y dapat mong pakinggan at namnamin ang mga sinasabi. Makinig lang muna. Mas mahalaga kasi ang mga balitang nanggagaling sa iba kesa saw ala kang naririnig. Mas malala yun.

Kaya nga mag mga kumpanyang nanghihingi talaga ng “feedback” sa mga kostumer. Bukod sa pagiging mga kritiko lamang, mahalaga ang opinion na kung saa’y makapulutan mo ng mga bagong ideya.

O, ano, levelup na!

Si Homerun Nievera ay isang technopreneur at consultant sa iba’t ibang kumpanya nang may kinalaman sa tech at digital marketing. Kung nais mong makipag-ugnayan, email mo siya sa chief@negosentro.com.

Negosyong Panalo

4 na Bagay Paano Magsimula ng Negosyong Panalo!

ni Homerun Nievera, CDE |

Nag-iisip o nagpa-plano ka ng isang negosyo?

Bakit di natin simulang ang negosyong panalo! Ayus, di ba?

Pero teka. Alam mo namang di lahat ng negosyo ay nagwawagi, at ang iba pa nga ay nalulugi. Tama naman yun. Ngunit ang dapat mong pagtuunan ng pansin ay ang paano mo sisiguraduhing panalo ang magiging negosyo mo.

Narito ang tatlong paraan. Let’s go!

#1 Buksan ang kaisipan sa bagong negosyo

Minsan kasi, dun ka laging tumutuon sa nakagawian na. Yung tipong naiplano mo na ang lahat tungkol sa naisip mong negpsyo na kahit may mga bagong puwedeng ikonsidera, di mon a ito papansinin. Mali!

Dapat, limitless ang mindset mo. Yung bukas lang ang isip mo at walang bakod. Di sarado ang kaisipan sa nakagawian. Ganyan ang utak ng panalo!

Paano mo ito sisimulan? Makipag-brainstorming ka sa mga partners mo o kaya’y mga kaibigan. Sabi nga nila, ang mga magagandang ideya ay nakukuha sa panahon ng inuman o di pormal na pagtitipon. Mas mainam ang mas maraming tao na nag-iisip sa isang ideya. Yung pasalin-salin at paglinang ng isang ideya sa pamamagitan ng mga tao ay mainam para makabuo ng isang matagumpay na ideya na bubuo sa matagumpay na startup. Subukan mong gawin.

#2 Saliksiking mabuti ang merkado

Kung nakapag-simula ka na sa brainstorming, puwede mon a agad isunod ang pagsasaliksik sa mga napag-usapang ideya. Mas magkakaroon ka ng direksyon kung magsasaliksik ka at pag-aaralan ang bawat galaw, bago mismo magsimula ang unang hakbang.

Madalas, ang mga startup ay nagkakamali at nagsasayang ng pera sa pamamagitan pa lang ng maling kostumer.

Gumawa ka ng “persona” ng kostumer mo. Masinsin mong idetalye ang deskripsyon ng kostumer mo. Magsimula ka sa isang profile o persona ng kostumer at mula ditto ay bumuo ka ulit ng isa pa at susunod pa.

#3 Subukan ang iyong plano

Ang susunod na hakbang ay ang pag-test ng plano mo. Bago ka sumabak sa malakihang gastos ng marketing, i-test mom una ang plano mo. Ganyan talaga sa simula. Dapat masinop ka at may maraming baong pasensya. Kapag di mo ito nagawa, baka matalo ka ng big time.

Dahil na din mabilis magbago ang panahon at teknolohiya, gayundin kabilis magbago ng isipan ang mga kostumer mo. Kaya saliksikin at subukan muna ang Business Plan mo. Wag kang totodo agad ng galaw. Test market muna.

Anuman ang sitwasyon mo at anuman ang klase ng negosyo mo, tandaan at isa-puso ang tatlong bagay na aking nabanggit sa pitak na ito. Ipagdasal lagi ang negosyo dahil ang gabay ng Panginoon ang tanging makakatulong say o sa anumang sitwasyon.

Si Homerun Nievera ay isang technopreneur at consultant sa iba’t ibang kumpanya nang may kinalaman sa tech at digital marketing. Kung nais mong makipag-ugnayan, email mo siya sa chief@nego

Magtagumpay sa Negosyo

Tatlong Simpleng Bagay para Magtagumpay sa Negosyo

ni Homerun Nievera, CDE |

Maligayang Pasko po ng Pagkabuhay! Happy Easter po!

Kumusta ang bakasyon? Nakapagmuni-muni ka ba? O nagbabad nang husto sa beach o sa swimming pool? Kumusta ang mga kamag-anak sa probinsiya? Saan ka man galling, siguro naman ay nagpreskuhan ang iyong katawan, isipan at kaluluwa.

Kaya naman sa pagbabalik mo sa mundo ng negosyo, iiksian ko lang ang pitak na ito upang madali mong maisakatuparan ang mga tips na ito upang magtagumpay ka sa negosyo.

Maraming bagay ang dapat pagtuunan ng pansin kunbg nais palakihin at magtagumpay sa kahit na anong negosyo na iyong itatayo o naitayo na. malaking bagay ang sikap, tiyaga, pagkamasinop, timing sa merkado, magandang produkto o serbisyo, at iba pa.

Bilang isang negosyante, kailangan mo ding humingi ng payo sa mga eksperto at matuto sa ibang dumaan na sa pagdadaanan mo pa. Ang mahalaga ay ang pagnanais mong patuloy na umunlad ang negosyo.

#1 Pangasiwaan ang pakikipagsapalaran

Ang susi sa pagnenegosyo at patagumpay dito ay ang pagsiyasat at pag-aaral sa mga bagay na maaaring ikapahamak o ikalugi mo. Una, isa-isahin ang maaaring ikonsidera bilang panganib ayon sa mga gawain mo at ng mga tauhan mo, mga transaksyon, at gayundin ang mga pinanggagalingan ng supply. Kausaoin ang mga piling tao sa negosyo sa loob man o sa labas nito. Tingnan kung gaano ka kalapit sa sakuna o kung malayo naman ay kung ano pa ang dapat mong gawin para malayo sa panganib ang negosyo.

Ok lang naman ang makipagsapalaran sa negosyo. Kasama yan sa tagumpay. Ngunit ayusin lang ang pangangasiwa ditto dahil marami naming paraan para maiwasan ang pagkalugi o pagkatalo sa negosyo. Sa huli, mabuti na yung handa kesa sa mabibigla ka na lang.

#2 Pagplano sa negosyo

Malaking oras ang iginugugugol sa pagpaplano para sa negosyo. Maraming mga bagay ang pinag-aaralan para lamang maisakatuparan ito ng tama.

Balikan mo ang iyong Business Plan. Tingnan mo kung nasaan ka na at kung ano pa ang gagawin para maisapatupad ang kailangan. Paano naman kung kailangan mon a ding ibaling ang pansin sa ibang bahagi ng negosyo o industriya? Paano kung nagbago ang panlasa ng kostumer? May ginagawa ka ba ukol dito? Yan ang ila lamang sa dapat mong pag-isipan.

Sa aming mga may startup na negosyo, may dalawang uri ng Business Plan. Ang isa ay ang tradisyonal na plano at ang isa ay tinatawag na Lean Startup Plan. Ibig sabihin nito ay maaari mong ituon ang plano ayon sa laki at estado ng negosyo mo. Kung mag-uumpisa ka pa lang, dun ka sa Lean Startup Plan. Magsaliksik ka ukol dito kung eto ang sitwasyon mo ngayon.

#3 Pag-aangkop sa negosyo

Kahit gaano ka-detalyado ang Business Plan mo, palaging may kailangang ayusin at ikaw na mismo ang minsa’y babaluktot para lamang mai-angkop ang plano sa sitwasyon. Madalas yan mangyari kung biglang kumikiling ang merkado sa panahon ng pagtaas ng mga presyo ng gasolina. Dapat napaghahandaan mo ang mga katulad niyan. Maaaring di gasolina ang makakaapekto sa negosyo mo, maaaring ang sitwasyon naman ng trapik. Sa panahon ng tag-init, lalu na’t may El Niño, kung nasa agrikultura ka, ano’ng pag-aangkop sa sitwasyon ang ginagawa mo? Pag-isipan yan ng mabuti, kesa magsisi sa huli.

Anuman ang sitwasyon mo at anuman ang klase ng negosyo mo, tandaan at isa-puso ang tatlong bagay na aking nabanggit sa pitak na ito. Ipagdasal lagi ang negosyo dahil ang gabay ng Panginoon ang tanging makakatulong say o sa anumang sitwasyon.

Si Homerun Nievera ay isang technopreneur at consultant sa iba’t ibang kumpanya nang may kinalaman sa tech at digital marketing. Kung nais mong makipag-ugnayan, email mo siya sa chief@negosentro.com.

Pag-Invest ng Pera Mo

5 Tips Para sa Maagang Pag-Invest ng Pera Mo

ni Homerun Nievera, CDE

Panahon ng pagmumuni-muni at pag-aayuno para sa milyon-milyong Katoliko sa buong bansa. Sa karamihan, panahon ito ng mahabang bakasyon. Kung anuman ang iyong gagawin sa halos isang linggo ng Semana Santa, maaari mo ding pag-iisipan kung ano ang gagawin para maka-ipon at maka-invest ng pera mo para sa iyong kinabukasan.

Ako kasi, ang investments ko ay malawak. Nasa negosyo ang malaking bahagi at meron ding iba’t-ibang instrument para sa malawak na portfolio na tinatawag. Ibabahagi ko ang ilang tip para naman makapag-simula ka.

#1 Magsimula ng maaga – Ngayon na!

Mas bata kang magsimulang mag-ipon mas okey.  Sa totoo lang, elementary pa lang ako nang magsimula sa pagpapa-renta ng komiks. Diyes sentimos lang noon. Oo, mga late 1970’s pa yun. Pero Malaki na ang halaga noon yun. Pero ang mahalaga, maaga akong natutong mag-negosyo at mag-ipon. Nilalagay ko sa maliit na kahon ang barya at inilalagak sa bangko. Isipin mo ang interes nun na gumugulong at lumalaki. Ang tip ko ay kung maaga kang mag-invest, insurance ang unahin mo. Dahil mura pa ang halaga nito at maaari mong hatiin sa mutual funds ang inilalagak nap era ditto. Magtanong sa mga financial planners. Kung nais mong may makausap na maayos na ahente, irerekomenda ko si Chino Caluag (faceboook.com/danilo.caluag) na siya ding umayos ng insurance ko noon pa.

#2 Gumawa ng Budget

Ang pagbadyet ng pera ay di madali. Kailangan mo ng disiplina para maipatupad ito ng maayos. Sa una pa lang, ilista na ang gastusin at pumapasok nap era. Ipagtabi ang mga ito at i-match kung pasok ang pera mo. Kung kulang, kayod pa! O kaya, magtanggal ng gastusin. Ganun kasimple mag-umpisa. Kung di ka magaling sa pagbadyet, magpatulong sa may alam. Tandaan na disiplina sa magtitipid ang kailangan dito.

#3 Alamin ang hangganan ng “Risk Tolerance”

Ang “risk tolerance” ay ang hangganan ng iyong pagtaya sa investment mo. Tinatanong yan madalas kung kumukuha ka ng life insurance. Ito ang pagtingin mo sa sarili mong kapasidad kung mas “risk-taker” ka o hindi. Kung agresibo ka sa investment, sa stock market ilalagay ang lahat ng pera mo. Kung di ka risk-taker, sa bonds ilalagay. Kung sa gitna, hati ng bonds at stocks ang investment mo. Pag-aaralan ang stock market muna kung para dun ka. Ang bonds kasi ay mas sigurado ang investment pero mas maliit siyempre ang kita o interes.

#4 I-set mo ang iyong short-term goals

Ang short-term goals ay ang nais mong makamtan sa maiksing panahon ng pag-invest. Maaari ito’y travel plans, sariling pag-aaral, sasakyan, emergency, kasal, kapital sa panimulang negosyo at iba pa. Dito mo kasi mailalaan ang kita sa investments mo sa maiksing panahon. Ang maiksing panahon ay hanggang limang taon ng pag-iipon o pag-invest.

#5 I-set mo ang iyong long-term goals

Ang long-term goals naman ay iyong higit sa limang taon mo nais magamit ang investment mo. Karamihan sa mga tao ay naglalaan nito para sa retirement, pag-aaral ng kolehiyo ng anak, negosyong pangmatagalan, at iba pa. Ang mahalaga ay nakahati at nakaplano na ang mga investments moa yon sa panahong gagamitin ito.

Ang payo ko ay mag-invest sa negosyo, gaano man ito kaliit. Mas maliit ang risk, mas okey. Kung walang kapital na negosyo, pinaka-okey naman! Ang mahalaga ay magsimula ng maaga.

Si Homerun Nievera ay isang technopreneur at consultant sa iba’t ibang kumpanya nang may kinalaman sa tech at digital marketing. Kung nais mong makipag-ugnayan, email mo siya sa chief@negosentro.com.

ideya sa negosyo

4 na Simpleng Tips Sa Pagtayo ng Bagong Negosyo

Homer Nievera, CDE, CVM | Magaling sa mga ideya. Yung mga taong naluluwentuhan mo ay bilib na bilib sa sa ‘yo. Tipong sila mismo ay magiging imbestor sa negosyo mo. Ang maganda pa nito, ikaw ay may mga puntos na nagsasabing magiging magling kang negosyante gaya ng: integridad, motibasyon, talino, sipag, at tiyaga.

Yun nga lang, di mo talaga alam paano at saan ka mag-uumpisa. Kung ikaw ‘to, narito ang apat na tips para makatulong mag-umpisa ng negosyo.

#1 Planuhin ang Vision mo sa negosyo

Mas mahirap mag-umpisa sa negosyo kung di mo nakikita sa utak mo ang nais mong itayo at paano ito lalaki nang husto. Lahat yan nag-uumpisa sa pagsusulat ng vision mo. Alisin mom una ang excitement o gigil mo. Mas mainam yung pinag-iisipan nang husto ang mga goals mo. Di ba kung di mo alam ang gusto mong resulta sa kahit na ano’ng bagay, wala kang patutunguhan?

Isulat mo ang iyong Mission Statement. Bakit mo nga ‘to gagawin? Pagkamal lang ba ng limpak-limpak na salapi ang miyon mo? Malamng hindi. Kadalasan, nais mong makatulong sa kapwa. Nais mong ayusin ang mundo sa pamamagitan ng negosyo mo, di ba? Pero ang isang tanong na dapat ding sagutin ay paano mo gagawin ang lahat ng ito? Paano ka makakarating sa puntong iyon? Sa simpleng tanong na paano mo popndohan ang negosyo mo ay makakatulong na maumopisahan ang pagsulat ng goals mo.

Ang mahalaga, siguraduhing malaking parte ng oras mo sa isang araw ay ang magiging negosyo mo. Ikaw ang driving force ng negosyo mo.

#2 Saliksikin nang husto ang merkado

Kostumer ang mahalaga sa pagtatayo ng negosyo. Ang pagplano para maabot sila ang pangunahing Gawain. Kaya naman nararapat lang na saliksikin ang merkado mo. Indtindihing mabuti ano ang maaari nilang magustuhan sa produkto o serbisyo mo. Alamin din sino ang kakumpitensiya mo at kung meron nang gumawa nito ngunit di nagtagumpay. Sa pag-alam ng mga ito ay mauumpisahan mo na ang pagsaliksik. Ang resulta nito ay siya mong gagamitin para malaman ang hitsura ng produkto o serbisyo na ilalabas mo sa merkado.

#3 Alamin ang mga limitasyon mo

Aminin mo na di ka si Superman o si Darna. Di mo kaya ang lahat ng nararapat gawin sa itinakdang mga oras at araw para magtagumpay sa pagnenegosyo.

Isang halimbawa ay ang sarili kong mga negosyo. Halos lahat ng mga pinag-imbestan ko ay meron akong tao na magaling sa pagsinsin ng mga numero. Di lang yan sa pinansyal. Bakit? Kasi alam ko na ang galling ko ay nasa istratehiya, marketing at teknolohiya. Pero di ako madetalye. Di na kasi kaya ng oras ko na tingnan ang lahat lahat ng detalye sa dami na din ng hinahawakan ko. Di kaya ng 24/7. Alam ko ang limitasyon ko kaya naman kumukuha ako ng partner na iba ang galling kesa sa akin. Sa aking business blog na Negosentro.com naman ay marami akong intentaional contributors dahil na din sa dami ng kinakailangang articles para magustuhan ng mga mambabasa ko. Ganun lang yun. Maging makatotohanan sa pag-alam ng iyong mga limitasyon.

#4 Bumuo ng Website at Social Media

Yan ang panimula mong gawain. Madalas, wala pa ang mismong opisina mo, ay itinatayo na ang website at Facebook account/page mo. Yan kasing dalawang yan ay magkatuwang upang makatulong sa mabilis na pagpapakilala sa negosyo mo. Ang mga tao kasi, sa Google at Facebook unang nagsasaliksik pag may nais sila bilin, tama? Ihanda ang negosyo na maging online. Yan ang realidad ng panahon natin.

Si Homer Nievera ay isang serial technopreneur. Siya ay isang Certified Distance Educator (University of the Philippines) at isang Certified Viral Marketer (Wharton Business School). Kung may katanungan, ang email niyta ay chief@negosentro.com.

Pagnenegosyo

7 Simpleng Tips sa Pang-araw-araw Mong Pagnenegosyo

Homer Nievera, CDE | Anuman ang liit o laki ng negosyo mo, pare-pareho lang naman ang pinagdadaanan mong mga hirap. Ang mga balakid na ito ay kayang-kaya mong maungusan kung gagawin mo ang mga bagay na ito.

#1 Ang Pagsabi ng “No” (Hindi/Huwag)

Mahirap bang tumanggi sa mga imbitasyon? Madalas, ganyan din sa mga proposal sa mga negosyo mo. Lalu na kung kilala mo ang kausap. Pero sa larangan ng pagnenegosyo, dapat alam mo kung kailan ka dapat tumitindig at nagsasabi ng “No.” Ang paggawa na ito ay hindi ganun kadali pero nagsisimula ito sat ono ng boses mon a may seryoso at mababang pagbigkas. Di kailangang may konting taas o galit. Ang mahala ay ang malumanay ngunit may pagtindig sa prinsipiyo. Sa huli, ang mga kausap mo ay makakaita ng sinseridad sa yo lalu na sa larangan ng pagkakaroon ng isang salita.

#2 Balanse ng Buhay at Trabaho

Meron tayong tinatawag na work/life balance na dapat pangalagaan sa ating pagnenegosyo. Di lahat ng bagay ay dapat umiikot sa trabaho dahil ang lahat ng ginagawa natin ay para sa mas mataas na antas na siyang ating buhay at pamilya. Ayusin ang skedyul mo para maging balanse ang buhay at trabaho. Magkaroon ng panahong makasama ang mga kaibigan na labas sa pagnenegosyo. Maglaan ka ng oras para sa mga gawaing magpapasaya sa puso mo at magpapatalas ng pag-iisip. Tandaan na ikaw dapat ang priyoridad kung nasa oras ka ng “life.”

#3 Mag-outsource ng gawain

Ito marahil ang isa sa mga sikreto ko bilang negosyante. Di ko kinukuha ang lahat ng trabaho at sa halip ay akin itong ibinabahagi. Di basta delegasyon ang tawag dito ngunit pag-outsource. Maraming bagay ang dapat na ina-outsource ngunit ang dapat na maging basehan ay ang mga trabahong di mo naman “core competence” o sadyang di ka eksperto sa mga yun. Madalas, mas makakatipid ka pa lalu na kapag nakita mong mas mabilis ang trabahong iyong in-outsource sa iba.

#4 Pagkakaroon ng mga Breaks

Ang pagpapahinga sa trabaho ay mahalaga. Para din tayong makina na kinakailangan ng paghinto upang maka-ipon na muli ng lakas. Ang pagtulog ay sadyang isa sa pinaka-mahalagang uri ng breaks. Noong araw ang siyesta sa opisina ay normal. Kung saan pagpatak ng alas-dose ng tanghali hanggang ala una, pinapatay ang ilaw at nag-siyesta ang mga tao matapos ang pananghalian. Sa ngayon ang breaks ay ang pagpunta sa iba’t-ibang lugar kung saan ika’y magpapalakas muli. Kasama na diyan ang yoga, Zumba at iba’t-ibang uri ng ehersiyo.

#5 Bukas na Komunikasyon

Nadiskubre ko na mas mainam ang bukas na komunikasyong personal kesa electronic gaya ng email o text. Ang pagkakaroon ng bukas na komunikasyon ay upang mapanatili ang kaayusan ng relasyon saan mang bagay ng negosyo o sa personal na pamumuhay. Kung sarado ang linya ng komunikasyon, babagal ang ugnayan at hihinto ang maraming aspeto ng pagnenegosyo. Simulan sa one-on-one meetings at tinatawag kong “stand-up meetings” kung saan di na kailangang pormal ang pag-uusap. Lumabas din minsan kasama ang mga empleyado o mag-outing.

#6 Pag-analisa ng mga dating Problema

Anumang naging krisis o problema noong mga nakaraan sa negosyo ay kailangang pahalagahan. Huwag hahayaang walang natutunang aral ditto para di na maulit. Ang simpleng aksyon ditto ay ang pag-analisa ng mga ito. Magkaroon ka ng panahon para gawin ito at gumawa ng mga rekomendasyon sa mga tauhan para maging maagap sila sa pagsugpo ng mga susunod na problema.

#7 Laging Positibo

Sa gitna ng kahit na anong unos, ang pagiging positibo ay laging panalo. Sa lahat ng bagay, huminga lang ng mamalim, magdasal at panatilihin ang malinaw na pag-iisip. Kung nega ka sa pagharap sa krisis, talo ka na agad. Be positive and stay positive!

Ilan lang yan sa mga simpleng paraan upang magtagumpay sa negosyo mo sa bahay. Maging masinop at matiyaga. Darating din ang araw ng tagumpay.


Si Homer Nievera ay isang serial technopreneur. Maaari po siyang ma-kontak para sa katanungan sa negosyo sa chief@negosentro.com