Maka-target ng Tamang Kostumer

3 Paraan Para Maka-target ng Tamang Kostumer

ni Homer Nievera, CDE, CVM | Ano man ang iyong negosyo, tiyak na may iba’t ibang uri ng kostumer ang yong nakakasalamuha. Ngunit may ilang uri lamang ng kostumer ang nakakapagdala ng malaking benta sa negosyo mo. Itong mga klaseng kostumer na ‘to ang dapat na tutukan at pagtuunan ng pansin.

Sa tinatawag na Pareto’s Principle, sinasabi na 20% ng iyong mga kostumer ang nagdadala ng 80% ng benta mo. Maaari din sabihing ang 20% ng isang uri ng mga kostumer mo ang nag-aakyat ng 80% ng kita mo. Kung gayun, paano mo malalaman kung sino ang mga ito?

Narito ang ilang tips…

#1 Saliksikin ang datos ng mga benta at kostumer

Ang unang gawain sa masinsin na pagpili ng kostumer na tatargetin ay ang pagsaliksik ng mga datos ng mga benta mo kung saan makikita ang uri ng kostumer na bumili sa yo. Kung online ang bentahan, mas madali itong makikita.  Ngunit kung wala ka pang datos, mas maiigi na yung magsimula kang mangalap ng datos na ito mula ngayon. Kung meron kang “feedback form,”mas ok. Ang mahalaga ay makuha mo ang pangunahing datos gaya ng gender, edad, lokasyon (tahanan), at kung ano ang binili o binibili sa yo. Kapag nakuha mo na ang mga datos na ito, mas madali mong mailagay sa kanya-kanyang kategorya ang mga mamimili mo.

Mula sa mga datos na ito malalaman mo ang porsyento ng mga klase ng bumibili sa yo at kung ano ang binibili at sa gaano kalaking halaga. Ang mga datos gaya ng edad, lokasyon at iba pa ay makakatulong ng malaki upang mapagpare-pareha ang uri ng kostumer sa uri ng mga binibili ng mga ito. Ang lahat ng datos na ito ang magbibigay sa yo ng kaalaman kung paanong promo o marketing ang gagamitin para pabalik-balik sila sa negosyo mo.

#2 Imaginary na Kapihan kasama ang isang imaginary na kostumer

Ang kunwaring pakikipag-kape sa isang kostumer (na imahinasyon mo din!) ang isa sa mga epektibong pamamaraan ng pag target sa isang kostumer mo. Ang tawag ko dito ay ang “Scarcity Thinking” kung saan nais mong sumentro sa iisang kostumer lamang dahil alam mong marami pang tulad ng kostumer na ito. Sa pagtutok sa iisang kostumer na ito mo malalaman ang maraming bagay sa sa kanya mula gender, edad, lokasyon, mga hilig (hobbies), ayaw, hanggang sa mga kasalukuyang pinagdadaanan niya. Maaari mo ding gawing makatotoohanan ang pakikipag-kape sa isang tunay na kostumer na sa tingin mo ay representate ng malaking bilang pa ng mga kostumer mo. Ang paraan ng pagsasaliksik na ito ay epektibo dahil mas ramdam mo ang kanyang sitwasyon, at naiintindihan ang mga rason kung bakit siya bumibili sa yo ng ilang bagay (o serbisyo), at bakit din hindi.

#3 Gamitin ang social media gaya ng Facebook

Ang social media gaya ng Facebook Page ay may mga datos na ang tawag ay “Insights.” Bukod sa “Shop”ng FB kung saan may ilang datos na makikita sa mga kostumer, ang mga FB Ads at FB Posts mo ay may mga katapat na datos kung saan makikita ang pinahahalagahan nila para sila ay mag-like, share o comment. Lalu na kung may link (papuntang website mo) ang mga posts, mas mabilis mapag-aralan ang galaw ng mga kostumer mo at makita ang porsyento ng “conversion”o pagbili nila sa yo.

Isang halimbawa ang pagbilang ng mga nabebentahan mo na nag-pm (personal message) sa FB Messenger. Makikita mo ang “conversion rate”o porsyento ng mga bumili sa yo mula nang nag pm sila. Kunin lang ang datos nila gaya ng bagay na binili at sap ag silip sa kanilang FB ccount, malalaman mon a din ang maraming bagay ukol sa mga kostumer na ito.

Sa dulo, ang mahalagang gawin ay pag-aralang mabuti ang mga kostumer mo na masasabing may halaga sa negosyo mo. Hindi po tsamba-tsamba ang bentahan. May datos po dapat para di masayang ang pera at pagod sa marketing mo.


Si Homer Nievera ay isang technopreneur. Mag email lang sa kanya ng mga katanungan ukol sa pitak na ito sa chief@negosentro.com.

Tama ang Pagbebenta

4 na Kaalaman Paano Simulan nang Tama ang Pagbebenta

ni Homer Nievera, CDE, CVM | Kahit na ano’ng negosyo pa ang pasukin mo kung di ka marunong magbenta, walang papasok na pera at magsasara ang negosyo mo. Kaya naman naisip ko na sa loob ng dalawang taon, di ko pa naisulat ang tungkol sa paksang ito. Kaya eto na.

#1 Kaalaman ukol sa iyong produkto o serbisyo

Di makakapagsimulang magbenta kung di mo kabisado ang produkto o serbisyo na iying ibebenta. Kaya naman sa umpisa pa lang ay dapat nakahanda na ang mga ilalahad ukol sa negosyo mo. Bukod sa mga pulyetos, dapat may website ka kung saan pupunta ang mga meron pang katanungan. Ngunit ang mahalaga any handa kang sagutin ang lahat ng patungkol sa binebenta mo. Gayundin dapat sa mga nakaharap mismo sa iyong kostumer.

#2 Depinisyon ng iyong merkado

Kung di mo kilala ang tatargetin mong kostumer o merkado, para kang hilong-talilong na paikot-ikot sa pagbebenta mo. Ibig sabihin ay mahihirapan kang makapagbenta dahil mali ang pinagbebentahan mo o di ka sigurado kung sila nga mismo ang bibili sa yo. Kaya sa umpisa ay ayusin ang depinisyon ng merkado mo para di masayang ang oras. Ilista ang mga maaaring solusyon na magagawa ng binebenta mo at i-match ang kostumer. Pag nagawa mo na ito, mas madali na ang pagbebenta.

#3 Ayusin ang script

At dahil alam mo na sino ang pagbebentahan mo, ayusin mo na ang script kung paano mo ilalatag ang offering mo. Lalu na ku g di ikaw lang ang haharap sa kostumer, mas mainam ang paggawa ng script. Isipin ang lahat ng maaaring tanungin para siguradong masasagot ang mga ito. Tandaan na maaaring di lang ikaw ang gagamit ng script kundi mga tauhan mo din kaya mainam ang magpraktis. Ayusin ang script kada may bagong kaalaman para updated ito.

#4 Gumamit ng social media at iba pang digital na uri ng oagbebenta

Kung naayos mo na ang unang tatlong inilahad ko dito sa pagbebenta, puwede mo nang subukan sa mga digital na channels gaya ng social media, email at pati sa mga mobile messeging apps. Sigurado naman may mga aayusin ka pa sa script na ginawa mo para umakma sa digital channels.

Sa lahat ng klaseng negosyo, di maiiwasan ang sales o pagbebenta. Kaya magpakabihasa ka dito kahit di ka sigurado. Ang mahalaga ay kaya mo tong gawin para kung umalis man ang mga salesman mo, kaya mong saluhin ang trabaho.

Si Homer Nievera ay isang technopreneur. Maaari siyang makontak sa email niya na chief@negosentro.com

bagong produkto

7 Bagay na Planuhin Bago Maglabas ng Bagong Produkto

ni Homer Nievera, CDE | Matagal ka man sa pagnenegosyo a magsismula pa lang, ang paglabas ng bagong produkto ay kritikal. Maraming dapat ikonsidera ditto dahil di basta-basta ang pagpaplano para dito.

Narito ang pitong bagay na dapat mong pagplanuhan bago sumalang sa bagong produkto mo:

#1 Alamin ang Pangagailangan

Ang solusyon sa isang problema ay madalas na nagtatagumpay kung maayos mong nasaliksik ang pangangailan ng mga tao.  Dito ka magsimula. Isulat ang mga ito sa isang kuwaderno o sa telepono mo. Balik-balikan ito hanggang sa mabuo ang tunay na pangangailangan.

#2 Tanugin ang mga Kostumer

Sino pa ba ang bibili ng bago mong produkto kundi ang mga kostimer mo, di ba? Para medaling malaman ang mismong kailangan nila, sila mismo ang tanugin. Mag-survey ka muna. Kahit nga sa Facebook ay may “Polls” na magagamit. Puwede din ang Survey Monkey or Google Docs. Gawin mo na muna ito bago ang mga susunod na hakbang.

#3 Tanungin ang mga Designer

Ang mga designer ng mga produkto ay madalas may mga naiisip na solusyon o iba’t-ibang bagay na may kinalaman sa nais mong i-launch na produkto. Tanugin mo sila. Malaki ang maitutulong nila.

#4 Huwag Titigil sa isang Disenyo lang

Kung kuntento ka na sa isang disenyo na malamang ay galing din sa iyo, mali ito. Dapat may pagpipilian ka at ang iyong mga gusting sampulan na kostumer. Paghandaan ang di bababa sa tatlong disenyo na pagpipilian bago mag-desisyon.

#5 Materyales

Ang materyales ay siyang isa sa mga pinakamhalagang aspeto ng isang produkto lalu na sa larangan ng halaga nito at kalidad. Magsaliksik ng husto. Huwag lang aasa sa Internet. Magtanung-tanong sa maraming suplayer.

#6 Kapital

Kung di maayos ang pagpopondo sa bagong produkto, magkakaproblema ka. Kaya sa umpisa pa lang, siguraduhing may panggagalingan ka ng pondo para sa “product development.” Maraming nagpapahiram ng pera bilang investment o loan. Alamin kung ano ang mas mainam. Sa ganag akin, mas ok ang loan. Kahalili ko ang Fundko.com sa mga loan para sa mga startup at sideline. Check mo sila.

#7 Testing

Kung nabuo mo na ang bagong proukto, isalang sa testing. Kung ilang testing ang kailangan, sige lang. Hanggang sa makuntento ka bago ito ilabas sa merkado.

Mabuti na ang handing-handa kesa sa minamadali ang paglabas ng bagong produkto. Tandaan, pangalan mo at ng kumpanya ang nakataya dito.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

Kritikal

6 na Kritikal na Bagay na Paghahandaan Bago Magtayo ng Negosyo

ni Homer Nievera, CDE | Handa ka na ba talagang magtayo ng negosyo? Napag-isipan mo na ba ang maraming bagay na kalakip ng isang startup? Maraming katanugan at marami ding puwedeng kasagutan. Narito ang ilan lamang na kritikal na bagay na dapat mong ikonsidera sa pagtatayo ng negosyo:

#1 Pasasaliksik

Kaalaman sa maraming aspeto ng iyong negosyo ang pangunahing kailangan para magtagumpay. Maaring may plano ka na. Magsaliksik ka pa lalu na patungkol sa mga makabagong ideya na maaaring makatulong sayo o maaring gagawin ng makakalaban sa negosyo.

#2 Epektibong Business Plan

May business plan ka na ba? Baka naman nasa isipan mo lang ang lahat. Dapat nakasulat ang mga ito at may ilang tao kang napag-presentan na nito na napagkakatiwalaan. Ang pagkuha ng isang mentor ay mahalaga din sa pagbuo ng epektibong plano. Sigurado ka na ba? Sapat na ba ang pondo mo? Balikan mo uli.

#3 Kilalanin ang Kostumer

Sa pagsipat ng magiging kostumer nagsisimula ang epektibong marketing plan. Siguraduhing masinsin ang pagkilala sa magiging kostumer mo. Di naman kailangang malaki ang merkado agad. Magsimula sa maliit muna. Dun tumutok at makikita mo paano pa ito papalakihin. Magsaliksik pa.

#4 Maayos na Dokumentasyon

Madalas, kulang na papeles at dokumentasyon ang nagiging sagabal sa maayos na pagnenegosyo. Sa simula pa lang, inaayos na dapat ang rehistrasyon ng lahat mula sa SEC (naku, ang bagal pa naman nila ngayon!!!), BIR at local na pamahalaan. Ayusin ang lahat ng permit na kailangan bago sumalang. Mahirap na at baka magsisi kung tumatakbo na ito.

#5 Kumpitensiya

Salahat ng pagnenegosyo ay may kumpitensiya. Nasaliksik mo na ba itong spetong ito? Alamin ang mga galaw nila at saan sila magaling at mahina. Pag nalaman mo na ito, mas maayos ang stratehiya mong magagawa.

#6 Positibong Pananaw

Kung ayus na ang lahat, sa pananaw bumabagsak ang negosyo. Ang pagkakaroon ng patuloy na positibong pananaw sa buhay at sa pagnenegosyo ay mahalaga. Maging madasalin sa Diyos dahil ang sandigan sa pananampalataya ay nakakatulong sa pananaw mo sa lahat ng bagay. Kahit ano’ng sakuna ang dumating, kakayanin mo.

O, ano, game ka na?

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

Sideline

3 Sideline na Puwede Mong Simulan Ngayong Summer

Homer Nievera, CDE | Kung may trabaho o pag-aaral ka ngayon, at tila bitin ang kita, maaari ka naming mag sideline. At dahil summer, may mga side hustle na patok masimulan sa panahon ng tag-init. Maaari mo ding ipagpatuloy ang ilang sideline kung nakikita mong umuungos ka na dito.

Narito ang ilang side hustle na maaari mong simulan:

#1 Tour Guide

Kung magaling kang magplano ng mga trip niyong magbabarkada, baka naman panahon nang simulant ang pagiging tour guide. Marami naming uri ng tour guide. May mga pang-abroad at meron namang pang lokal. Ang suhestiyon ko ay alamin ang mas gamay mong rota at dito ka magsimula. May mga tour operator na puwede ka na lang pumanig para mas matuto ka sa larangang tourism. Di kasi basta basta ang sideline na pagiging tour guide pero tiyak kang kikita dito mula PhP1,000 hanggang PhP10,000 bawat araw, depende sa kliyente at pakete ng serbisyo. Madalas, may kasamang kumisyon sa mga lugar na pupuntahan o pagbibilhan ng kostumer kaya lumalaki ang kita mo. Paano magsimula? Gumawa ng sariling Facebook Page at dun mo ilahad ang mga lugar na puwede kang maging tour guide. Ilagay mo an gang iyong karanasan at mga napuntahan para ma-enganyo ang mga kostumer sa kakayahan mo.

#2 Virtual Assistant

Marami akong kilalang nagsimulang mag sideline bilang Virtual Assistant o VA, na ngayo’y full-time na nila. Ano nga ba ang VA? Maraming VA na trabaho na nagsimula bilang freelance lamang na assistant ng mga klieyente abroad (madalas sa Amerika). Nung magustuhan sila sa kanila serbisyo, ginawa na silang full-time. Otso oras lang naman ang trabaho sa halagang $5 pataas kada oras, depende sa negosyong sineserbisyuhan. Madalas sa real estate ang mga nangangailangan ng VA para mag-ayos ng mga appointment, mag-email, ayusin ang social media at iba pa. Ang importante, meron kang malakas na Internet, headphones at laptop. Mas mainam kung meron kang malapit na Internet shop o coffee shop na mapupuntahan kung biglang nawalan ka ng kuryente o Internet sa bahay. Paano magsimula? Punta lang sa Facebook at makikita mo ang mga groups at pages na naghahanap ng VA.

#3 Sales Agent

Dito ako sa ganitong sideline – ang pagtitinda ng kung anu-ano. Nagsimula akong maging ahente ng mga magasin (subscriptions) at nakakakuha ako ng 30% na kumisyon! Kung anu-ano na din ang mga sumunod na ibinibenta ko. Kaya ayun, nakahiligan ko ang maging sales agent. Hanggang ngayon, may ilang deals akong ginagawa dahil na din sa ganitong sideline ko noon. Ikaw naman, huwag kang matakot magbenta. Sa katunayan, lahat ng tao kailangang matutunan ang skill na ito dahil kahit sa paghahanap ng trabaho, dapat kaya mong maibenta ang sarili mo di ba? Sa pagiging sales agent, kumisyon ang basehan ng kita. Nariyan ang real estate, insurance, pagbebenta ng kotse at marami pang iba. Hanapin ang kakahiligan mo para pakiramdam mo, di ka nagtatrabaho. Marami ding nag sales agent sa Internet. Kung saan ka man magsimula, pag-aralan ang lahat ng bagay ukol dito para magtagumpay.

Marami pang sideline ang maaari mong simulan ngayong summer. Tatalakayin natin yan sa susunod na pitak. Kung may sideline ka ngayon na nais mong palakihin at ika’y nagtratrabaho na, check mo ang Fundko.com na siyang maaaring makatulong sa ‘yo sa kailangan mong loan.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.