Online Business

Maging Mas Epektibo ang pag Work from Home Mo
 by Homerun Nievera

10 Tips Para Maging Mas Epektibo ang pag Work from Home Mo

ni Homer Nievera, CDE, CVM | 10 Tips Para Maging Mas Epektibo ang pag Work from Home Mo | Kumusta ka-negosyo? Sa panahon ng pandemya, mas pinili ng mga tao at ng mga negosyante ang mag work-from-home. Kaya naman sinaliksik namin ang iba’t-ibang mga payo ng mga matagumpay na entrepreneur at mga nagtatrabaho sa kanilang tahanan. Tiningnan natin ang kanilang mga gawain at kagamitan para maibahagi sa inyo.

Tara na at matuto!

#1 Pagbabago ng Mindset

Ito marahil ang pinaka-karaniwan sa lahat nang nabasa ko at napanood, gayundin sa mga nakausap kong mga entrepreneur. Ang pagkakaroon ng panibagong perspektibo ang unang kailangan mong magkaroon upang maka-adjust ka sa panibagong setup.

Narito ka na sa New Normal na tinatawag. Matagal-tagal ang panahong lilipas bago bumalik tayo sa dati hangga’t walang bakuna sa Covid 19 virus. Maraming mababago, gaya nang kawalang ng mga ka-opisina o kaya’y ang naghahalong kapaligiran ng trabaho at bahay. Bago na ang lahat. Tanggapin mo ito.

#2 Permanenteng lugar

Ang unang gagawin mo ay ang maghanap nga isang maayos na lugar na tatawagin mong opisina mo. Maaring isang lamesa lang o isang buong kuwarto. Kung saan man o anuman ang puwestong ito, dapat maayos mong maitatawid ang pagtatrabaho mo. Tahimik dapat at di ka magugulo. Kung tutuusin, ang sala ay di tamang lugar ng opisina dahil lahat ng distraction ay nandun.

#3 Pag-invest sa maayos na kagamitan

Ang pangunahing kagamitan mo ay ang PC o laptop. Ito ang pangunahing magiging kasama mo sa pagtatrabaho. Kung ang kumpanya mo naman ay nagpadala ng magagamit mo, mas ok. Basta siguraduhing di pipitsugin kasi wala kang mahihingan kaagad ng tulong para ayusin ito.

Bukod sa kagamitan, nariyan ang wifi connection. Pumili nang naayon sa pangangailangan. Dahil nasa bahay ka at malamang naka-Netflix ka na, baka kailangan mo nang i-upgrade ang serbiso mo. Mas mainam kasi na di bababa sa 10 mbps kas inga may kaagay ka na sa paggamit, lalu na’t may mga naka-online learning kang kasabayan.

#4 Kumportableng upuan, mesa at iba pa

Ilang oras ba ang gugugulin mo sa iyong trabaho? Kung mga walong oras yan, isipin mo ang gagamitin mong mesa, upuan, ilaw at kung anu-anu pa. Dapat kumportable ka. Kung kailangan mo ng tanim sa mesa mo, gawin mo. Tandaan mo na kung ano ang meron ka dati sa opisina mo, may rason yun.

#5 Tamang oras nang pagtatrabaho

Kung walong oras ang dating ginugugol mo sa pagtatrabaho, ganun din lang dapat kung work-from-home ka.

Sa totoo lang, napakahirap gawing simpleng walong oras ka lang magtatrabaho dahil makikita mon a mas relax ka naman, iwas trapik, at mas kumportable ang lugar mo.

Ngunit di rin maganda sa kalusugan ang nakababad sa trabaho.

#6 Focus, focus, focus.

Dahil nga nasa bahay ka, maraming distraction ang makakasalamuha mo. Kailangan mong mag-focus sa gawain at piloting iwasan ang mga baga namagpapalayo sa yong trabaho. Siyempre, ilang hakbang lang kasi ang kuwarto. Puede kang matulog, di ba? O kaya’y ilang click lang, nasa Youtube ka na Netflix. Wala kasing ibang sisilip sa yo.

Magkaroon ka ng focus at mag-commit ka dito kung naisi mong maging produktibo. Sa isang banda, alamin mo ang mga bagay nag magtutulak say o na maging mas produktibo. Ikaw mismo ang makakaalam nito.

#7 Pag-update ng iyong listahan ng mga gagawin

Kung meron kang to-do list na tinatawag, i-update mo ito bawat umaga. Mas magkakaroon ka ng maayos ng pagplano ng mga gawain mo sa buong araw. Dahil dito, mas magiging produktibo ka dahil tila isang checklist lang ito ng mga gagawin mo.

#8 Pagdebelop ng regular na Gawain sa umaga

Kung may karaniwan kang gawain  o routine na tinatawag, mas ok. Isa sa normal na routine ko sa umaga ay ang paggawa ng kape at tutuloy ako sa altar para sa umagang dasal at kape. Tapos nun, bubuksan ko na ang PC at mag-scroll sa cellphone ng iba’t ibang mensahe. Magsisimula na nun ang trabaho ko.

Ikaw, ano ba ang normal na gawain mo na siyang magtutulak na gumanda ang umaga mo at maging maayos ang simula ng pagtatrabaho? Kung ano ang magandang routine na nakukuha mong gawin, sundan at i-improve mo pa. Kaya mo yan.

#9 Ehersisyo

Kung may routine ka na, dapat kasama ang ehersiyo. Ako kasi, may kaunting stretching ako at ilang gawaing pang-ehersisyo. Pati ng yung “Walk with Leslie” at pagbibisikleta, nagagawa ko. Ang paborito ko ay ang mga gawaing bahay na kasama sa mga routine ko.

Basta, ang mahalaga ay ang oras upang maging mas maayos ang kalusugan mo. Ngayon, dapat mas may panahon ka para dito.

#10 Masustansiyang pagkain

Kung merong ehersisyo, merong masustansyang pagkain ka din dapat. Sa totoo lang, mas may pagkakataon ka na para dito dahil puedeng ikaw na mismo ang maghanda at maluto nito. Di gaya nung nasa opisina ka na puro fastfood ang kinakain mo, di ba? Alam mo ba na ang pinalakabago kong blood exam ay lumabas na mas malusog ako ngayon? Yun na siguro ang epekto ng masusutansiyang pagkain ang “healthy lifestyle” na bunga ng pag work-from-home ko.

Pagtatapos

Noong nagsulat ako noong Enero sa aking pitak na ito, naisulat ko na ang 2020 ay maraming tinatawag na plot-twist. Dumating ang pandemya. Eton a ang plot-twist na yun. Ngunit kung mahuhulma mo sa tamang mindset at kasanayan ang iyong sarili, mapaghahandaan mo ang kahit na ano’ng pagsubok sa buhay at pagnenegosyo – gaya ng pag work-from-home, di ba?

Ang pagiging entrepreneur ay sadyang mahirap ngunit exciting. Magkaroon ka ng sipag at tiyaga at ang maging masinop sa lahat ng bagay. Higit sa lahat, mangarap para sa kinabukasan kasama ng pagtiwala sa sarili at pananampalataya sa Diyos.

—

Si Homer Nievera ay isang technopreneur. Maaari siyang makontak sa email niya na chief@negosentro.com

in News Box / Online Business / Startups 0 comments
5 Tips Para Umpisahan ang Negosyong Gustong-gusto Mo
 by Homerun Nievera

5 Tips Para Umpisahan ang Negosyong Gustong-gusto Mo

ni Homer Nievera, CDE, CVM, CCM | 5 Tips Para Umpisahan ang Negosyong Gustong-gusto Mo | Magandang araw, ka-negosyo! Handang-handa ka na bang sumubok magtayo ng online negosyo mo? Gigil ka na bang tumulak sa bagong mundo ng mga entrepreneur?

Kung nagtatrabaho ka ngayon at tila duda sa kakayahan mong mag Negosyo, tamang tama ang edisyon ng pitak na ito.

Tuloy tuloy pa rin ang ating pagbibigay ng mga tips ukol sa pagnenegosyo. Ngunit sa pitak na ito ngayon, aatras muna tayo nang kaunti upang makahabol ang mga bagong salta. Bubuksan natin ang isipan ng mga nais magsimula.

O ano, tara na at matuto kung paano magsimulang i-negosyo ang bagay na gustong-gusto mo.

#1 Huwag ka munang mag-resign sa trabaho mo

Kung akala mo ay sasabihin kong mag-resign ka na agad sa trabaho mo ngayon, hindi po!

Sa halip, sasabihin kong maging praktikal ka. Tandaan mon a may mga taong umaasa sa yo ngayon at di mo sila maaaring biguin dahil lamang sa pagnanais na makipagsapalaran sa pagnenegosyo.

Marami na akong kilala na tumulak sa pagnenegosyo sap ag-alis sa kanilang tranaho nang hindi pa talaga handa sa pagiging entrepreneur. Ayun, nabigo sila, sumama ang loob, at tuluyan nang di bumalik sa pagsubok sa pagnenegosyo.

Ano ang dapat gawin? Gawin ang tinatawag na extra mile para sa pagsisimula mo.

Noong ako’y nagsiumulang magtrabaho, napunta ako sa pagbebenta ng mga magazine subscription at mga libro. Yun ang una kong naging trabaho – sa sales!

Kahit noong mga panahonmg iyon, nais ko nang magnegosyo. Ngunit, alam ko din na di pa sapat ang kaalaman at ekspiryensya ko. Ang pinakamalapit sa pagnenegosyong nagawa ko ay ang pagtayo ng maliit na canteen sa isang kumpanya ng bus sa Pasay. Kasama ko noon ang girlfriend ko (na asawa ko na ngayon). Tuwing tanghali, pupunta ako sa canteen naming upang tumulong. Pagkatapos nun, babalik ako sa pagbebenta. Natuto tuloy ako kung paano makipagsalamuha sa iba’t ibang tao at sa paggawa ng lahat ng bagay sa pagka-canteen. Mula sa pagsandok ng kanin, pagluluto, pagkakahera, at pati na din pagliligpit, paghuhugas at paglilinis. Lahat yun ginawa ko.

#2 Gawing ang mga bagay ng “Baby Steps”

Noong nagka-canteen kami, naging tila sideline ko yun. Yung mga nakuha kong komisyon ay ginamit kong dagdag puhunan sa canteen namin.

Habang ginagawa ko yun, naisip kong gawing tila isang negosyo na din ang pagbebenta ko ng mga magazine subscription at mga libro sa iba’t ibang opisina. Naisip ko na maaari ko din sigurong gawing negosyo ang ginagawa kong trabaho. Sa totoo lang, may mga naging kasamahan ako noon na ganun nga ang ginawa.

Dahil dun, nagsimula akong magplano at saliksikin ang industriya ng pagbebenta ng magasin. Yun tila ang naging “baby steps” ko. Unti-unting lakad lang tungo san ais marating na Negosyo. Kasi nga, kahit nung high school pa lang ako, yung pagbebenta ng magasin ang ginagawa ko. Naging full-time na trabaho ko noong mga panahong iyon, at naisip na baka yun din ang maging negosyo ko.

Nagsubok akong maghanap ng mga supplier ng mga magazine at libro. Nalaman kong galling pala sa abroad ang halos lahat ng mga babasahin, at malaking kapital din pala ang ilalabas ko upang makapag negosyo nun.

#3 Alamin ang puede mong i-offer

Dahil na din sa alam ko sa puso ko na media ang magiging negosyo ko, nagsaliksik pa din ako sa mas malaking mundo na ginagalawan ko noon. Mula magasin, inalam ko ang mundo ng telebisyon, radio at diyaryo.

Nalaman kong ang puede ko pa lang mai-offer ay mas malawak pa kesa sa mga subscription lamang ng mga magasin. Puede din palang kumita nang mas malaki mula sa pagbenta ng patalastas o advertising.

Ano’ng ginawa ko? Ayun, nag resign ako sa kumpanya na nagbebenta ng subscriptions, iyun ay kahit pa naging sliver medalist ako sa pagkakaroon ng ikalawa sa pinakamalaking benta sa unang taon ko palang sa sales.

Saan naman ako pumunta? Nag apply ako sa pinakasikat at pinakamalaking ad agency noon sa Pilipinas. Nag desisyon akong pumasok sa media department upang matutunan ko ang lahat nang patungkol sa larangang napili kong i-offer.

#4 Matuto ka sa ibang tao

Ang posisyong ibinibigay sa akin noon ay bilang Account Manager. Tinangihan ko iyon at sa halip ay sinabi kong sa media ang gusto kong departamento. Kahit pa mas mababa ang posisyong bukas noong panahong iyon, kinuha ko pa rin. Sabi ko, nais kong matutunan ang lahat ng maaaring matutunan ukol dun.

Ganun na nga ang nangyari. Ang pinakamagagaling na mga tao sa industroiya at departamentong iyon ang mga naging boss at mentor ko. Sa totoo lang, hanggang ngayon, ang isa sa mga naging boss ko noon ay naging ninong ng panganay ko at sa isang banda ng career ko, naging isa sa mga manager ko pa nga siya sa Amerika. Ngunit ang taong ito, ay tinuturing kong naging mentor ko sa larangan ng industriya ng media.

#5 Mag-pitch, mag-hustle, magbenta!

Fast-forward tayo ng isang dekada simula nang ako’y na-empleyo sa ad agency at sa media department, nabalik ako sa mundo ng magasin. Naging Country Sales manager na ako noon ng isa sa pinakamalaking magasin sa buong Asia. Ang hawak ko na noon ay ang pagbebenta ng advertising at subscriptions para sa magasin na tinutukoy ko. Naging boss na ako noon, ngunit pinapangarap ko pa ring magkanegosyo ukol sa larangan ng media.

Di ako tumigil. Na-master ko ang sales – o pagbebenta. Kasama na dito ang pag-pitch o pag-prisinta ng mga nilalako ng aming kumpanya.

Ang bonus dito ay nanggaling sa boss kong Briton. Inoferan niya ako ng isang deal kung saan na sa halip na sweldo at komisyon, binigyan nya ako ng pagkakataong mag Negosyo sa loob ng sariling kumpanya.

Paano?

Sabi niya, bibigyan niya ako ng tripling halaga ng komisyon kung sa halip na tumanggap ako ng sweldo, tatangap lang ako ng tinmatawag na “advance on commissions.” Ibig sabihin, kahit magkano ang puede kong tanggapin buwan buwan basta naayon sa kikitain kong komisyon sa isang taon, at hahatiin ko sa labindalawang buwan.

Ang nigari, sobrang laki ng kinita ko noon! Ngakaroon ako ng motibasyong magbenta ng magbenta na ang ginagawa ko na pala noon ay tila negosyo ko na at di ordinaryong pagtatrabaho!

Pagtatapos

Ngayon, sa laranag ng online publishing ang negosyo ko. Nakabase ang aking mga blogs sa iba’t ibang bansa dahil taga iba’t-ibang bans ana din ang aking mga mambabasa. Sa Amerika ang mga pangunahing blogs ko at ang iba ay nasa Europe, Australia, Middle East at India. Gayundin ang lokasyon ng mga nagsusulat para sa akin. Nakamit ko din ang naiplano ko nang mahabang panahon.

Mahirap maging entrepreneur. Marami kang kinakaharap sa araw-araw. Ngunit, kung kaya mong i-organisa ang iyong pag-issip at mga desisyon ukol sa iisang layunin, magtatagumpay ka rin.

Tandaan na sa lahat ng bagay, sipag, tiyaga at pagdarasal ang mahalaga.

Hanggang sa muli mga ka-negosyo!

—

Si Homer Nievera ay isang technopreneur. Maaari siyang makontak sa email niya na chief@negosentro.com

in News Box / Online Business / Startups 0 comments
5 Tips Para Maging Propesyunal ang Setup ng Online Business Mo
 by Homerun Nievera

5 Tips Para Maging Propesyunal ang Setup ng Online Business Mo

ni Homer Nievera, CDE, CVM, CCM | 5 Tips Para Maging Propesyunal ang Setup ng Online Business Mo | Magandang araw, ka-negosyo! Handang-handa ka na bang sumubok magtayo ng online negosyo mo? O kaya naman ay nadyan ka na sa latangan na iyan at nais mong makasiguro sa landas na tinatahak mo. Kaya naman tuloy tuloy pa rin ang ating pagbibigay ng mga tips ukol dito o kaya naman ay binubuksan natin ang ibayong kaalaman para dito.

Kaya naman narito ang ilang bagay na maaaring makatulong sa pag-organisa ng isang maayos at propersyunal na online business sa pangkalahatan. Tara na at matuto!

#1 Magtayo ng Website

Kung akala mo ay ok na ang pagkakaroon ng Facebook Page, nagkakamali ka.

Upang maging propesyunal ang dating ng iyong negosyo, kailangan magkaroon ng website. Ito kasi ang pinaka opisina mo na kasi. Ito ang main address mo sa Internet. Halos lahat kasi maghahanap ng website mo para alam na lehitimo ang negosyo mo.

Paano magsimula? Merong Wix.com na siyang libreng panggawa ng website at drag-and-drop ang konsepto nito. Kayang-kaya ng isang non-professional ito. Kung online ecommerce naman ang negosyo mo, meron ding Shopify. Yan ang dalawang popular ngayon kung mabilisang website.

Ang payo ko naman ay magsimulang mag invest sa WordPress website na puwedeng may ecommerce sa pamamagitan ng Woocommerce. Di ito mahirap gawin kung may kaalaman ka na kahit papaano. Kung kailangan niyo ng gagawa dito, puwede niyo akong kontakin at may ma-rerefer akong mga taong gagawa na propesyunal at di mahal.

Tandaan na ang kailangan dito ay bukod sa Domain Name (pangalan ng website) at ang hosting na siyang pinaka-lupa kung saan nakatirik ang website mo. Punta ka lang sa GoDaddy.com o kaya’y sa Namecheap.com para dito.

Sa hostings, may mga package naman na kasama sa domain name ang mga naturang sites. Meron ding hiwalay gaya ng Blue Host at Dream Host.

Sa mga blogs ko, iba-iba ang hosting nito kasi nga nasa ibang bansa ang mga mambabasa ko talaga, pati na ang mga manunulat ko kaya dapat stable ang hosting.

#2 Search Engine Optimization o SEO

Kung sa tingin mo ay ok na ang website, may ikagaganda pa ito kung mas madali ka mahahanap ng mga kostumer mo. Gumamit ka ng SEO – o search engine optimization – para gawin ito nang di gagastos sa advertising.

Ano ba ang SEO? Ito ang pamamaraan kung saan gagamit ka ng kombinasyon ng mga keywords o key phrases na karaniwang hinahanap o tina-type ng mga target mong kostumer. Kung ang makita nilang resulta sa Google ay may kinalaman sa site mo, sa yo sila pupunta.

Kaya naman sa paggawa ng SEO mo, dapat pag-aralang mabuti. Halos linggo-linggo ang pagsasaayos nito kasi. Ang Google kasi ay nagbabago ng algorithm nila halos tuwing ika-anim na buwan. Ang mga updates nila ay nakakapagbago ng ranking ng mga keywords. At dahil ito ang mga mas mahalaga, dapat magamay mo ito. Pinaghalong siyensya at sining ang SEO kasi. Pag-aralan mo ito para makatulong sa pag-angat ng website mo.

#3 Security

Ito ang nadagadag na mahalagang parte ng pag setup ng online business mo. Dati, hinahayaan lang natin ang ganitong bagay sa ikalawang yugto ng setup. Ngunit dahil sobrang busy ng mga hackers ngayon, ilalagay na natin ito sa top 3 na mahalagang meron ka sa online negosyo mo.

Sa lahat ng bagay kung saan meron kang account ay mahalaga ang cybersecurity – mobile, web at social media. Sa mobile, mahalaga ang access sa mga bank accounts mo. Tiyak na may mobile banking ka at online wallets (GCash, Paymaya). Simple lang. Huwag magbibigay ng OTP o password kahit kanino, kahit mukhang lehitimo ang tumatawag, nag-tetext o nag-email sa yo. Walang magtatanong ng mga detalyeng ganyan.

Sa website naman, mas mainam may security plugins ka na. Tanugin mo ang web developer moa no ang dapat. Gayundin ang mga usernames at passwords na dapat pangalagaan. Isama na din natin ang access sa mga emails mo na dapat secured. Inga na din sa mga phishing scams kung saan tatangkain ng mga scammers at hackers na makahingi ng mga usernames at passwords sa pamamagitan ng pagkopya ng itsura ng banko mo at iba pa. Pag nag-type ka dun, makukuha na nila ang detalye mo. Tingnan mo lang ang source ng website address at ng email address para malaman kung lehitimo.

#4 Tingnan ang ang mga Kakumpitensiya

Ang kakumpitensya mo sa iyong giangalawang industriya ang magiging basehan mo sa pagsasaayos ng online business mo. Kung ano ang antas na umiiral sa pagiging propesyunal ng pagpapatakbo ng negosyo, ito ang iyong pairalin at higitan pa.

Sa ganang akin, naging inspirasyon ko ang Yahoo nung itayo ko ang mga naunang blog ko. Tinarget ko din ang mga kostumer nila (buong mundo), hanggang sa nagsara na nga sila at naipagpatuloy ko ang blogs ko (na ngayo’y isang network na). Ngayon, masasabi kong nahigitan ko na ang lawak at ng aking mga blogs sa buong mundo (188 na bansa) dail sa pagtuon ng pansin sa kakumpitensya ko noon.

Ngayon, patuloy pa din akong nakatuon sa mga panibagong kakumpitensya upang lagi akong atubili sa pagpapa-angat pa ng aking oline negosyo.

#5 Makinig sa Kostumer

Alam mo ba ang sinasabi at ninanais ng mga kostumer mo? Kung nais mong maglevel-up at maging mas propesyunal ang online business mo, kung ang customer feedback. Mas mahalaga ito sa panahong ito na tiula nag-reset ang buong mundo at nag-iiba na ang lahat dahil sa new normal.

Paano malaman ang feedback ng kostumer? Unang una, meron kang social media accounts kung saan nag pm at nag nag comment sila. Kostumer mon a o hindi pa, pakinggan ang boses nila. Dito mo malalaman ang mga susunod na hakbang upang mapalago pa ang negosyo mo.

Pagtatapos

Mahirap maging entrepreneur. Marami kang kinakaharap sa araw-araw. Ngunit, kung kaya mong i-organisa ang iyong araw, lahat magagawa ng maayos at nasa oras. Focus lang at maging komited ditto.

Hanggang sa muli mga ka-negosyo!

—

Si Homer Nievera ay isang technopreneur. Maaari siyang makontak sa email niya na chief@negosentro.com

in Freelance/Side Hustle / Marketing / News Box / Online Business / Startups 0 comments
Negosyo sa Panahon ng Pandemya
 by Homerun Nievera

5 Mahalagang Paalala sa Mga Nagtatayo ng Negosyo sa Panahon ng Pandemya

ni Homer Nievera, CDE, CVM, CCM | 5 Mahalagang Paalala sa Mga Nagtatayo ng Negosyo sa Panahon ng Pandemya | Kumusta ka naman ka-negosyo? Sana naman ay nasa mabuti at ligtas kang kalagayan. Nawa’ sinusunod mo ang lahat ng safety at health protocols upang di na kumalat at mapuksa natin ang virus na itong nagpadapa sa ekonomiya natin at kumitil at umapekto sa libu-libong kababayan.

Sa panahong ito ng Covid-19 na pandemic, walang kasiguraduhan ang maraming bagay. Sa totoo lang, lahat nang naiplano mo noong isang taon at ang pagsasagawa ng mga planong iyon ay naiwalang-bahala mo na di ba?

Ngunit sa mga ganitong panahon din ng krisis lumalabas ang mga magagandang ideya. Ang problema na lang ay paano ito maisasakatuparan.

Kung nakapagsimula ka na ng pagbebenta online, mabuting senyales yan.

Kaya naman sa pitak na ito, limang paalala na lamang muna ang aking ibabahagi sa inyo upang mas magtagumpay ka sa pagnenegosyo sa panahon ng pandemya.

O siya, tara na at matuto!

#1 Intindihing mabuti ang pamamahala ng gastusin

Sa larangan ng pagnenegosyo, lalu na sa panahon ng isang krisis, ang gastusin mo na personal at pangnegosyo ay isa sa pinakamahalagang bagay na dapat pagtuunan ng pansin. Bakit?

Dahil sa mas kakaunti ang kostumer at mas marami ang nagbebenta sa merkadong iyong ginagalawan, mas kakaunti ang cash (o pera) na umiikot. Bukod dito, mas lumiit na din ang mercado dahil milyun-milyong tao ang nawalan ng trabaho.

Tingnang Mabuti ang halaga ng perang pumapasok at ang lumalabas. Sa simpleng gawain, ang pag analisa ng tubong inilalaan sa produtong ibinebenta ay dapat kumasya sa lahat ng gastusin at may matira para sa personal na pangangailangan at sana, pangdagdag puhunan.

Maaari ka ding kumuha ng mga tools online gaya ng mga accounting software na simpleng input at output lang ang gagawin upang makita ang pagpasok at paglabas ng pera. Marami online na aayon sa liit o laki ng negosyo mo. Magsaliksik ka lang.

Ang sa suhestiyon ko ay magkaroon ka ng mentalidad lagi ng isang startup na negosyo kahit lumalaki ka na. Iyan ay upang laging nasa tipid-mode ka.

#2 Hanapin ang niche mo

Sa panahon ng kahit na anong krisis, ang pagkakaroon ng malaking mercado ang hanap ng mga negosyante upang mabilis na umangat kesa iba. Ngunit ang katotohanan, mas maliit naman na talaga ang ginagalawang merkado.

Ano naman ang gagawin sa ganitong sitwasyon? Maghanap ka ng maliit na niche – o angkop na lugar o merkado – na iyong gagalawan.

Ang negosyo ng pag-blog o pag-vlog ay napakahirap sa simula kung nais mong makuha ang atensyon ng lahat ng tao online. Ngunit kapag nag-umpisa ka lang sa isang maliit na segment ng merkado, mas magtatagumpay ka.

Pansinin mo ang mga sikat na Youtube vlogger na kilala mo sa kanilang iba’t ibang larangan. Merong nasakop ang mga motorcycle riders o nag-dedeliver, o kaya’y nagluluto, sumasaaw, kumakanta at marami pang iba. May kaniya-kaniya silang audience o tagapagsunod na yung napiling niche ng vlogger ay naaayo sa hilig ng iilang tao lang (at di pangkalahatan). Ang resulta ay ang mga sugid na loyalistang followers na siyang nag-subscribe sa kanilang channel.

Ganyan kasimple ang eksplanasyon ko sa paghahanap ng niche sa iyong negosyo.

Kahapon, habang nililinang ko ang mga nag post sa aking Negosentro FB Group ng kanilang mga paninda online, napansin ko agad ang mga kakaibang niche na pinagtutuunan ng pansin ng mga online sellers na miyembro ng Negosentro. Naroon yung mga nag bebenta ng low cost housing, condo, alahas, relo, computer at pati electric fan na sari-sari talaga. Pat inga nagbebenta ng barbeque at isaw, meron! Yan ang tinatawag na niche selling kung saan di labu-labo ang binebenta nila. Diyan ka makakakuha ng paulit-ulit na kostumer kasi ikaw agad ang maiisip nila kung kilala ka sa ganung produkto o serbisyo.

Pag-aralan mo ang merkado mo at kung anong niche nabibilang ang mga paninda mo, ok? Magsimula ka muna sa maliit na niche at unti-unti ka na lang magpalaki.

#3 Buuin mo ang iyong website

Paulit-ulit ko itong sinasabi sa aking mga nakaraang pitak ang pagbuo ng sariling website.

Bakit nga ba lagi ko itong binabanggit? Sapagkat ang mga tao ngayon ay mas higit na digital. Wala namang masama yung nagsimula ka sa ng online marketplace gaya ng Lazada at Shopee. Ang paglevel-up mo sa sariling website ang senyales sa iyong mga kostumer na super-legit ka na. Mas propesyunal na ang dating ng negosyo mo.

Paano ba magsimula ng sariling website?

Unang-una, puede ka naman magsimula sa Wix (wix.com) na may simpeng drag-and-drop na paraan ng paggawa ng website. Oo, ito ay D-I-Y (o do it yourself). Kapag medyo naglevel-up ka na ng kaalaman, subukan mo ang WordPress. Madali lang naman ito kasi kukuha ka lang ng mga themes na gagamitin at yun na!

Siyempre, puede ka ding magpagawa ng website sa mga propesyunal. Kami ang charge naming ay mula 5,000 pesos para sa mg adi naman pang ecommerce na site, at pataas na ito Mga 15,000 pesos ang simula ng ecommerce na site. Huwag lang kalimutang magpa-host ng website mo at kumuha ng sarili mong domain name.

#4 Pagkakaroon ng maayos na SEO o Search Engine Optimization

Ang isang istratehiyang pang search marketing o yung paano ka matatagpuan ng mga nag-search sa Google ay tinatawag na SEO.

Kung nagtayo ka ng blog o website mo, kailangan mo ito upang mas madali kang ma-search ng mga tao na magiging kostumer mo.

Ang simpleng pagpapalaganap ng mga “keywords” na naayon sa iyong website o brand ang nagagawa ng SEO. Mas mahirap nga lang ang trabahong ito kas inga may kinalaman ito sa tamang pagsusulat o pagpapalaganap ng iyong mga content online, gayundin sa mga social media.

May mga kostumer naman ako na nagsisimula sila sa pagpapalaganap ng mga artikulo ukol sa kanilang negosyo. Nakakatulong din ito sa SEO ngunit may siyensya kasi ang paggawa mismo ng mga artikulong pasok sa standards ng SEO.

Magsaliksik ka ng ukol dito sa SEO dahil mahalaga talaga ito sa negosyong online.

#5 Maging Thought Leader o manguna sa pagpapalaganap ng mga ideya

Tandaan mo na sa kasalukuyang sitwasyon, ang ating ekonomiya ang ganap na tinamaan. Naging negatibo ang tinatawag na growth rate natin sa loob ng dalawang magkasunod na quarters ng taon kaya tayo ngayon ay nasa isang resesyon.

Sa ganyang sitwasyon, ano ang dapat pangunahan ng iyong negosyo upang mas mapaganda ang ekonomiya? Kung ano man iyon, ang mahalaga ay pangunahan mo ito. Maging isang lider sa pagkakataong ganito.

Mahalagang maipalaganap ang mga ideyang tutulong sa sector na iyong kinabibilangan lalu na sa iyong komunidad. Isang istratehiya din ito upang magkaroon ng boses ang iyong negosyo at umangat ang reputasyon nito.

Magsulat o maglabas ng mga video ukol sa mga bagay na magpapaangat sa Negosyo ng mga kasama sa industriya at komunidad. Siguraduhing maayos ang nilalaman ng mga itong ideya at solusyon na ipinapanukala mo dahil ito ang magdadala sa yo sa mas mataas na antas sa iyong merkado, gayundin sa mga kostumer mo.

Sa dulo, kredibildad mo at ng iyong Negosyo ang bitbit mo.

Konklusiyon

Kakaiba talaga ang sitwasyon ngayon. Ngayon lang talaga ako dumaan sa ganitong pagkakataon at sisiguraduhin kong di ako basta makikiusyoso lang. Magiging produktibo ako at aktibong tutulong sa kahit na anong maliit man o malaking pamamaraan.

Sa pag-angat ng iyong Negosyo, isama mo ang mga taong nasa komunidad upang umangat ang ating bansa.

Sa lahat ng bagay, patuloy kang magdasal at manalig sa Diyos.

—

Si Homer ay isang technopreneur at makokontak sa email niyang chief@negosentro.com.

in News Box / Online Business / Startups 0 comments
Online Negosyo
 by Homerun Nievera

Limang Dagdag na Tips Para Maging Seryoso sa Online Negosyo Mo

ni Homer Nievera, CDE, CVM, CCM | Handa ka na bang lumaki ang online negosyo mo? O ngayon ka pa lang mag-seseryoso dito? Aba’y dapat napag-isipan mo na din ang bagay na ‘yan dahil lahat naman siguro ng mga negosyante ay may hangad na palakihin ang kanilang mga startup – lalu pa’t mahalaga ang negosyong online.

Sa totoo lang, may mga ilang nagnenegosyo na tila kuntento na sila sa laki at lawak ng kanilang mga online business. Yung mga tipong masayya ka na sa ilang daang pisong kita sa araw-araw.

Pero kung nais mong palakihin ito sa libu-libong dagdag kita linggo-linggo o araw-araw, aba’y narito ang dagdag kaalaman na maaari mong magamit upang makamit ang tagumpay.

Tandaan na may kinalaman ang mga ito sa pagsasaayos ng mga tools na gamit ang teknolohiya at ang pakikipag-partner sa ibang tao.

Kaya kung nais mong maghanda para lumaki pa ang online negosyo mo, narito ang ilang tips upang paghandaan ito. Tara na!

#1 Online Branding at Reputasyon

Kumusta naman ang pagkakakilanlan sa negosyo mo online? Ano ang reputasyon mo?

Iyang dalawang tanong nay an ay mahalgang sagutin mo nang tapat. Napakamahalaga kasing malaman mo ang katotohanan upang malaman mo ang mga hakbang upang maging numero unong online business ka sa mga katunggali mo sa merkado.

Tingnan mo ang Lazada at Shopee, na siyang dalawang lubos na magkatunggali sa larangan ng online marketplace. Kahit saang lugar sa mobile man o internet, unahan sila sa pagpapalaganap ng kanilang online branding. Paunahan at paramihan ng pagkakakilanlan. Sa larangan naman ng pagalingan sa customer service, ganun din ang kanilang labanan.

Bakit nga ba ganun ang kanilang iniisip?

Kasi, sa marketing, ang “top of mind is equal to top of sales.” Ibig sabihin, kung mas brand mo ang naaalala nila, malamang, ganun din sa taas ng benta mo.

Sa paanong paraan at plataporma ka dapat makakalamang? Nariyan ang social media, blogs, email marketing, SEO at iba pa na nasa kamay mo ang paggamit.

Ang pinakamahalaga dito ay, ano ng aba ang makikita nila ukol say o kung mag search sila sa Internet? Ano ba ang ma-experiyensya nila kung bibili sila sa yo? Yang dalawang bagay na yan ang dapat mong unahing sagutin at pagtuunan nang pansin kung nais umusbong ang online business mo.

Panatilihin ang kaayusan ng impormasyon ukol sa yong negosyo. Maging consistent sa mensahe at reputasyon. Mahalaga ang posisyon sa pag-iisip ng iyong negosyo sa lugar ng iyong kostumer. Maging alerto sa mga comments at feedback sa social media lalu pa’t nergatibo ito. Alamin paano mo ito maitatama at maitataas pa ang antas ng pagserbisyo sa kostumer.

Tandaan na ang dulo nito ay ang pagkakaroon ng mga mas maraming loyal na kostumer na siyang babalik nang babalik upang mapalago ang benta mo. At pihadong sila na mismo ang mag rekomenda sa yo sa iba pa.

#2 Pagsaayos ng mga Sistema at Proseso na Angkop Online

Kumusta naman ang mga Sistema mo sa online business mo? Nasa ayos na bai to o kailangan pang maisaayos nang husto?

May isa akong partner sa negosyo na lagging abala sa pagsaayos ng mga sistema at proseso sa mga negosyong magkasama kami. Noong una, di ko maintindihan kung bakit ito lagi ang pinagkakaabalahan niya. Yun pala, pinaghahandaan niya ang paglaki ng negosyo. Sabi niya, mas madaling isalin sa ibang management ang pamamahala ng negosyo kung isasalin mon a lang ang Sistema at proseso na aming nakagawian.

Tama naman, di ba? Kaya nga sa ibang negosyo naming, mahalaga ang isang operations manual. Sa iba naman na nag-prangkisa ng negosyo, mahalaga din ito dahil kung iisipin mo ang training ng mga tao sa iba’t ibang lugar, mahirap itong gawin kung walang nakasulat na manual.

Kaya sa umpisa pa lang, isulat ang lahat ng mga gawain at ilagak na kasama sa mahahalagang sistema o proseso. Pagkatapos nito, buuin ang isang operations manual. Yan mismo ang umpisa ng iyong sistema na maaari mong isalin sa susunod na tagapamahala.

Ang maayos na sistema ang tutukod sa paglaki ng negosyo mo.

#3 Kultura ng iyong negosyo

Sa lahat ng malalaking negosyo na alam mong nagsimula sa maliit, pansinin mo ang kultura. Ano ba ang tamang kultura na kanilang naisalin-salin?

Di lahat ng kultura sa isang organisasyon ay nasa tama. Kailangan mo itong ayusin at bantayan habang maliit pa lamang. Ganun din naman ang trato mo sa iyong pamilya o mga anak di ba? Kung paano mo nais maayos ang samahan ng pamilya mo, ganun din sa larangan ng negosyo. Di ba parang pamilya na rin ang mga kasama mo sa negosyo?

Magkaroon kayo ng panuntunan na siyang magbubuklod-buklod sa inyo.

Halimbawa, sa aking mga lumagong negosyo, inilalagak ko ang pagsasanay ukol sa 7 Habits ni Steven Covey. Kailangan, sumailalim sila sa training dito sa loob ng unang buwan nila sa trabaho ukol dito.

Maraming panggagalingan na libro ukol dito. Ang mahalaga, maisaayos mo ang kultura ngayon pa lang.

#4 Payment Gateways

Maaaring malakas sana ang benta mo kung lahat nang klase ng pagkuha ng bayad ay nasa iyo, tama? Ano nga ba ang sitwasyon mo sa larangang ito?

Tandaan ang proseso ng pagbebenta ay nakasalalay din sa paraan ng pagbabayd ng mga kostumer. Ayusin mo itong bagay na ito nang maaga dahil kasama ito sa maayos na customer journey – o ang pagtuon ng pansin sa pagdadaanan ng kostumer mo patungo sa pagbabayad niya sa yong produkto o serbisyo.

Ang panimulang bank deposit (via online, app) at karaniwang hinihingi ngayon ng mga kostumer dahil sa pandemya. Kasangga dito ang mga online wallets na Gcash at Paymaya. May mga humahabol na ding EON banking, Coins PH at ang pinakabagong Eplayment.

Pag-aralang Mabuti ang mga payment gateways na dapat na meron ka. Kahit pa COD ang alam mong ok, ngayon kasi, mas lumalaki na ang online at mobile payments. Tutukan mo ito ngayon pa lamang upang di ka mahuli.

#5 Integridad sa panahon ng Krisis

Sa isang pitak ko ukol kay Mr. John Gokongwei Jr., naisulat ko ang halaga ng integridad sa pagnenegosyo. Maaari namang sabihing kasama ito sa kultura na nais mong ipalaganap sa organisasyon mo, di ba?

Hiniwalay ko ito dahil sa lahat ng bagay na ukol sa buhay at negosyo mo, mahalaga ang integridad. Dito kasi nasusukat ang kakayahan ng organisasyong lumaki. Tandaan na ang mapagkakatiwalaan sa maliit na bagay ay mas mapagkakatiwalaan sa malaki.

Pagtatapos

Sa kahit na anong negosyo, mahalaga ang sipag at tiyaga at ang pagiging masinop sa lahat ng bagay. Tandaan mong ang mga bagay na ito ay siya mismong prinsipyong iyong pinapahalagahan sa ngayon na maliit pa lang ang negosyo mo di ba? Isama mo lagi ito sa mga bagay na papahalagahan ng iyong mga kasama sa pagnenegosyo.

Buong tapang mong harapin ang bukas. Ipagpatuloy ang positibong pananaw at kilalanin ang kakayahan mong lumago. Higit sa lahat, mangarap para sa kinabukasan kasama ng pagtiwala sa sarili at pananampalataya sa Diyos.

—

Si Homer Nievera ay isang technopreneur. Maaari siyang makontak sa email niya na chief@negosentro.com

in Freelance/Side Hustle / News Box / Online Business 0 comments
5 Simpleng Tips Para Maibsan ang Epekto ng Krisis sa Negosyo Mo
 by Homerun Nievera

5 Simpleng Tips Para Maibsan ang Epekto ng Krisis sa Negosyo Mo

ni Homer Nievera, CDE, CVM, CCM | Kumusta na ka-negosyo? Ligtas ba kayo ng iyong pamilya at ka-trabaho? Tandaan ang mga safety protocols natin na pagsuot ng mask ng tama, paghuhugas ng kamay, at social distancing. Kailangan natin ang mga yan sa panahon ng pandemya, ok?

Narito tayo ngayon sa halos ika-anim na buwan ng quarantine. Ang biro nga ng marami, ma-reregular na daw tayo, haha. Pero di biro ang ang mahigit 16 porsyento ng pagkabagsak ng ekonomiya na dahil sa dalawang magkasunod na quarter tayo nag negative growth, ibig sabihin nito ay nasa recession na tayo. Di ito magandang pangitain.

Pero dahil nga sa tagal ng ating pananatili sa bahay, dapat na nating tanggapin na eto na nga ang magiging bagong normal na buhay natin. Ang epekto sa ating kabuhayan ay gayun na lamang kaya siguro naman, may mga naiisip ka nang mga paraan para makabawi, di ba?

Dagdagan ko na lang ang inyong kaalaman sa pamamagitan ng pitak na ito.

O siya, tara na at matuto!

#1 Pivot na, ka-negosyo!

Maka-ilang ulit ko nang nababanggit ang salitang pivot sa mga nakalipas kong pitak mula ng magsimula ang mga quarantine at lockdown. Pero uulitin ko ito ngayon.

Ang pag-pivot ay ang pagpihit o pagliko ng iyong negosyo. Ang dating alam mo sa pagnenegosyo ay tapos na – lumipas na. Kaya ang unang gagawin ay ibahin ang iyong pag-iisip sa mga dati nang nakagawian. Huwag mon ang lingunin pa ang mga nakaraan mong mga tagumpay dahil tiyak na iba na talaga ang pagnenegosyo sa ngayon at sa hinaharap.

Paano mag-pivot? Simulan mo sa sarili mo. Bumangon ka sa katotohanang iba na ang mundong ginagalawan natin. Saliksikin ang mga makabagong paraan ng pagnenegosyo at pakikipagsalamuha sa kostumer. Tandaan ang mga safety protocols. Mag-aral ng ecommerce. Dyan ka magsimula.

#2 I-update ang iyong Business Plan

Ito ang pagkakataong mai-update na ang business plan mo. Ang bawat negosyo ay nagsisimula sa isang plano at kinakailangan mo na itong ayusin nang naayon sa sitwasyon, di ba?

Anu-ano nga bang bahagi ng business plan ang dapat mong i-update o baguhin? Parang lahat.

Ganito. Tingnan mo ang merkadong ginagalawan mo. Kung may pisikal kang outlet, malamang bagsak na din ito. Dahil na din sa halos kalahati lang ng mga tao ang nasa labas at may mga safety protocols din na ipinatutupad, saan ka man naka puwesto.

Kung nagsara ka na ng piskial na outlet, home-based na din siguro ang negosyo mo. Iayon mo na ang business plan mo ditto. Pati din kung paano maaabot ang mga kostumer mo. Kung may datos ka ng kanilang email mo ano pa mang digital na datos, may maigi. Mas madalas ka na din sigurong gagamit ng social media.

Teka, kumusta naman pala ang website mo? Kasi eto ngayon ang pinakamahalagang paraan para makilala ka at maging legit ka sa mga panahong ito. Tsaka mon a isunod ang iba pang bagay kas inga digital na ang mga tao ngayon. Di sapat ang social media, ok?

#3 I-update ang impormason ukol sa negosyo mo

Kung babaguhin na lang din ang business plan, pati na din ang lahat ng impormasyon ukol sa negosyo mo ay i-update mo na din. Dahil nga malamang, puro ka online, sa lahat ng puwedeng mong kontak sa kostumer ay ipaalam mo ang lahat ng bagong impormasyon.

Kasama na dito ang bagong menu (kung pagkain ang negosyo mo), proce list (dahil may delivery na ka na), at ibang pang produkto o serbisyo na maaaring mawawala na din say o, gawa ng makabagong protocols.

Kung magbabago na din ang line-up ng mga katrabaho mo, siguraduhing i-update na din ang mga impormasyon ukol dito.

#4 Makipag-ugnayan sa mga kostumer

Dahil nga di mo na makikita ng personal ang lahat ng kostumer, siguraduhing makipag-ugnayan sa kanila sa kahit na anong pamamaraan.

Ang pinaka simpleng pamamaraan upanmg makapag-konekta pa rin sa mga kostumer ay sa social media. Kung meron ka ng mga social media pages o accounts, makipag-ugnayan ka sa kanila. Yung mga regular mong posts ay dapat ayusin mo na din nang naaayon sa panahon ngayon.

Kung alam mo ang mga email nila, mas mainam ito.

#5 Gumamit ng teknolohiya

Maraming bagay ang nagagawa na ngayon nang mas mabilis at mas maayos sa pamamagitan ng teknolohiya.

Ang negosyo ko ay nakasalalay sa mga blogs ko na buong mundo ang nakakabasa. Kaya namana ako’y bumili ng isang plataporma na nag-iskedyul ng mga social media posts ko nang isahan. Nakatipid ako ng isang tao na gagawa nito. Gayundin ang pagkuha ko ng platapormang magpapadala ng email sa mahigit 60,000 na nasa listahan ko. Marami pa akong nabili sa panahaong ito na magpapadali ng aking trabaho at magpapalaganap pa ng aking merkado.

Kung anuman ang sa tingin mong kayang ma-automate ng teknolohiya, pag-isipan mo na at desisyunan agad. Ang negosyong maagap ay mauunang umungos sa mga panahong ito.

Konklusyon

Umpisa pa lang ito nang mga dapat mong gawin sa panahon ng krisis. Kung nais mo nang mas masinsin na diskusyon, email mo lang ako, ok?

Sa panahon ngayon at kailan pa man, ang mahalaga ay laging kang magdasal at magtiwala sa Diyos na Siyang may tunay na hawak ng magagandang plano para sa iyong buhay. Sipag at tiyaga at ang maayos na relasyon sa kapwa ay pangalagaan lagi – anuman ang marating mo sa buhay.

—

Si Homer ay isang technopreneur at makokontak sa email niyang chief@negosentro.com

in Freelance/Side Hustle / News Box / Online Business 0 comments
freelance
 by Homerun Nievera

8 Websites na Makakatulong para Makahanap ng Freelance na Trabaho

Homer Nievera, CDE, CVM, CCM | 8 Websites na Makakatulong para Makahanap ng Freelance na Trabaho | Kumusta na ka-negosyo? Bagong salta ka pa lang bas a pitak na ito? Ngayon ka pa lang ba susubok na magnegosyo o nais ng extra income?

Maraming nais maging entrepreneur o negosyante. Pero iilan lang naman ang nagiging matagumpay. Bukod sa kasanayan at katangian na kinakailangan ng isang matagumpay na entrepreneur, kailangan din ang wastong kaisipan na maaring makuha kung magsisimula ka bilang isang freelancer.

Sa panahon na ito, ang magkaroon ng extra income ay mas kinakailangan. Lalu na kung isa ka sa nawalan ng trabaho, maraming trabaho ang naghihintay say o sa pamamagitan ng mga remote jobs o freelance jobs na tinatawag.

Nasaliksik ko ang ilan sa mga freelancer sites na ito at ibabahagi ang ilan na puwede mong simulang puntahan. Mula $4 per hour ang bayad sa mga freelancers na katumbas ng halos 200 pesos kada oras o 32,000 pesos sa isang buwan kung 8 oras ang trabaho (Lunes hanggang Biyernes). Tandaan lang na ang average na porsiyento (o cut) ng mga site na ito ay 20% sa bayad sa yo.

Nawa’y makahanap ka ng trabahong babagay sa yo at maging negosyo na ito balang araw.

Tara na at matuto!

#1 Upwork (Upwork.com)

Ang Upwork ay isa sa nangungunang website ngayon kung saan maraming freelance na trabaho ang kinakailangan. Dati itong oDesk at Elance. Kung ano man ang iyong natatanging kasanayan, malamang, meron ito dito. Ang Upwork kasi ang pinakamalaking website na nagpapaskil ng libu-libong freelance jobs.

Marami mang trabaho ang nakapaskil dito, silipin mom una ung mga popular sa mga Pinoy gaya ng data encoding, sales, marketing, graphic design at social media management.

Kung entry-level ang hanap mong mga trabaho, dito ka magsimulang tumingin.

#2 Fiverr (Fiverr.com)

Halos pareho naman ang mga trabahong pang-freelancer ang makikita mo dito sa Fiverr. Ang halos pagkakaiba ay may specialized ang mga kasanayan o skills ang nakapaskil dito. Popular ang Fiverr sa mga trabahong may kinalaman sa creative o malikhaing gawain.

Bakit Fiverr? Kasi nagsisimula ang trabaho ditto sa $5/hour ang bayad.

#3 People Per Hour (PeoplePerHour.com)

Sa mahigit na sampung taon nitong pagkakatayo, ang People Per Hour ay mas popular sa mga web-based skills na uri ng trabaho. Ang mga trabahong gaya ng SEO, web design at software engineering ang mas marami sa site na ito. Kaya naman kung ito ang linya mo, alam mon a kung saan ka pupunta.

#4 Freelancer (Freelancer.com)

Ayon sa kanila, mahigit 30 million ang kanilang nabibigyan ng trabaho mula sa 247 na bansa. Matagal-tagal na din kasi ang website na ito at naging popular ito sa mga Pilipino.

Ang kagandahan naman ng site na ito ay madaling magbukas ng account sa pamamagitan ng paglathala ng skills o kasanayan mo. Kapag nagustuhan ng isang potensiyal na employer ang nakita niya sa yo, puwede ka na kayong mag chat agad dun sa site.

#5 99Designs (99Designs.com)

Kung designer ka, ito ang website para sa yo. Ang mga freelancer na nadito ay nagdidisenyo ng iba’t ibang uri ng bagay mula sa mga T-shirt, website at mga materyales na may kinalaman sa packaging.

Ang kagandahan din ng site na ito ay maraming resources silang nakalagay upang magamit ng mga designer mula sa mga ebooks, tutorials, how-to tips at iba pa.

#6 TopTal (TopTal.com)

Ang TopTal naman ay kilala sa mga mas skilled o mas malawak na ang kasanayan. Dahil ditto, mula $50 hanggang $250 kada oras na ang bayad sa mga tao dito. Dahil nga Malaki ang baad, mas mabigat ang pagdadaanang proseso upang malaman kung talagang magaling ka sa sinasabi mong larangan.

Kilala ang TopTal sa mga trabahong may kinalaman sa finance at software development na malaki ang halaga sa merkado.

#7 BloggingPro (BloggingPro.com/Jobs)

Isa ang BloggingPro sa mga website kung saan makakakita ka ng mga trabahong may kinalaman sa pagsusulat. Kung ito ang kasanayan mo, ditto ka maghanap ng mga trabaho.

Dito sa site na ito makakakita ka ng mga editing at copywriting na trabaho.

#8 Freelance Writing (Freelancewriting.com/Jobs)

Katulad ng BloggingPro, ang website na ito ay hitik sa mga freelance na trabaho ng may kinalaman sa pagsusulat.

Ang pagkakaiba nito ay madaling mag-filter ng trabaho at libre lamang mag sign-up.

Pagtatapos

Ang pagiging entrepreneur ay sadyang di para sa lahat. Di ito para sa mahina ang loob at kulang ang tiwala sa sarili. Ngunit kung nais mo talagang magsimula, narito ang mga freelance na trabaho na mauumpisahan mo. Ipon-ipon lang hanggang makapagtayo ka din ng iyong sariling negosyo.

Pero kung isipin mo, ang freelancing ay isang negosyo na din di ba?

Lagi kang magkaroon ng kompiyansa sa sariling kakayahan at mag-aral pa sa mga kakulangan.  Magkaroon ka ng sipag at tiyaga at ang maging masinop sa lahat ng bagay.

Buong tapang mong harapin ang bukas. Ipagpatuloy ang positibong pananaw at kilalanin ang kakayahan mong lumago. Higit sa lahat, mangarap para sa kinabukasan kasama ng pagtiwala sa sarili at pananampalataya sa Diyos.

—

Si Homer Nievera ay isang technopreneur. Maaari siyang makontak sa email niya na chief@negosentro.com

in Marketing / News Box / Online Business / Startups / Technology 0 comments
Ecommerce Shop
 by Homerun Nievera

Limang Gawaing Magpapalago sa Ecommerce Shop Mo

ni Homer Nievera, CDE, CVM, CCM | Kumusta na ka-negosyo? Nasa ikalawang yugto na tayo ng pandemya kung saan unti-unting binubuksan ng gobyerno ang ating ekonomiya sa pamamagitan ng pagpayag sa mga bagay na ipinagbawal noong ECQ.

Yun nga lang, natural sa mga tao ang matakot pa rin dahil na rin sa biglang paglobo ng mga may kaso ng Covid 19. Sa huling nabasa ko, nasa ikalawang puwesto na tayo sa ASEAN sa mga aktibong kaso ng virus sa likod ng Indonesia.

Sa ganitong panahon at sitwasyon, dahil na din sa disiplina ng nakakaraming Pilipino, nananatiling nasa bahay ang maraming tao. Dahil din ditto, lumalawak ang paggamit ng komersyo online. Ito ang psgtutuunan natin ng ating pitak – ang ecommerce shop mo.

Di man kaya ng isahang pagsasalarawan dito, sana ay may matutunan pa rin kayo kung paano papalaguin ang inyong ecommerce na Negosyo.

O siya, tara na at matuto!

#1 Saliksikin ang merkadong gagalawan mo

Noong simula ng pandemya, may mga kilala akong negosyante na nag-pivot patungong online shop mula sa kanilang pinagsimulang negosyo. Isa dito ay ang GrocerGenie PH na pinamumunuan ni Abby Victorino. Naging kaklase ko sa AIM-Dado Banatao program si Abby at ilan niyang kasama sa negosyong StyleGenie na may kinalaman sa mga kasuotan para sa mga milenyal.

Bandang Abril, sa kasagsagan ng ECQ, binuo nina Victorino ang GrocerGenie PH nang makita nila ang pangangailangan sa grocery items ng mga taga NCR at hirap na gawin nga ito dahil sa ECQ at mahigpit ang lockdown.

Ang mabilis na desisiyon na gawin ito ay bunga ng eksperiyensiya niya sa larangan ng ecommerce at sa mga datos ukol sa merkadong sakop niya.

Ngayon, ilang buwan pa lang ang nakakaraan mula nang sila ay magsimula sa GrocerGenie PH, isa na sila sa pinakamahusay sa larangan ng ecommerce ng grocery items.

Tandaan na ang pagsasaliksik sa merkadong nais mong pasukan ay mahalaga kung nais mong palaguin ang negosyong ecommerce mo.

#2 Ayusin ang operasyon

Ang larangan ng ecommerce ay naiiba ng bahagya sa tradisyunal na tindahan. Dahil na din sa teknolohiya, ang pag-market at ang pag-track sa iyong mga benta ay napapadali na. Lalu na sa larangan ng delivery, kayang-kaya na din ito dahil sa mga delivery apps.

Pagtuunan mo una ng pansin ang pagplano sa operasyon lalu na patungkol sa imbentaryo at platform na gagamitin mo.

Ang desisyon sa paggamit ng Lazada o Shopee, Shopify, o sariling platform ay pinapaplanuhan ayon sa operasyong alam mo na dati o ikaw ay magsisimula pa lang.

Kung dati ka nang nakasubok ng iba’t paraan ng online negosyo, baka naman dapat ka nang gumawa ng sarili mong ecommerce website.

Meron akong kilalang isang malagong ecommerce shop na tatlo lang sila dito. Bakit? Dahil nalaman nil ana ang kolaborasyon at pakikipag-partner sa mga meron nang teknikal na platform at meron nang network ay makakagaan ng kanilang trabaho.

Huwag mo lang kalimutang irehistro nang maayos ang lahat patungkol sa shop mo para gawin legal lahat.

#3 Paggamit ng Digital Marketing

Kung nagsimula kang magbenta sa Facebook o Instagram (o pareho), alam mon a ang larangang tinutukoy ko. Subalit bukod sa social media pages o accounts, meron pang mga gawaing ginagamit ng mga matagumpay na ecommerce shops. Ito ang email.

Kung nakakatanggap ka ng mga email ng offers, isa ito sa ginagamit hanggang ngayon. Kaya mainam na lagging itabi ang email ng mga taong umoorder say o. Isang simpleng hack ay ang pagexport ng lahat ng emails mo na nasa Gmail. Hanapin sa google paano gawin ito, dahil ang paraang ito ang panimula ng iyong email database. Ang mga tools gaya ng MailChimp ay maayos na platform para mag-send ng maraming emails sa isang pindot lang.

Isa pang paraan ay ang paggamit ng mga social media schedulers gaya ng Hoostsuite. Ako, ginagamit ko ang Content Pilot kung saan nakuha ko lang sa isang one-time lifetime payment na $39. Kaya naikabit ko ang 40 social media accounts ko mula sa Facebook at Twitter para maipadala ang mga links sa aking mga blogs.

Ang digital marketing ay mahalaga sa ecommerce shop mo. Lalu na’t marami kang makakalaban. Heto ang tatlong bagay na dapat gamitin kung nais umangat:

  • Blog/Vlog
  • SEO
  • Social Media Scheduler
  • Sariling Ecommerce Website

#4 Pangalagaan ang Customer Service

Kung pumapasok na ang mga kostumer mo sa iyong ecommerce shop, pangalagaan mo ang customer service. Ang simpleng pagpapasalamat ay malaki ang patutunguhan.

Tandaan mo na ang pangangalaga sa mga kostumer mo ay upang sila ay bumalik ng bumalik. Loyalty ng mga kostumer ang susi sa tagumpay ng mga online shops.

Paano ba gagawin ang simpleng customer service?

Ang pagkakaroon ng auto-reply na “Thank You!” ay super-simpleng Gawain, di ba? Gayundin sa mga mga auto-reply sa Facebook Messenger at iba pang apps.

Ang pagiging bukas sa comments mabuti man o maanghang ay paraan din ng customer service kung saan bukas ka sa kahit na anong feedback.

Ang pagkakaroon din ng return-item o exchange-item o 30-day money-back guarantee ay excellent na paraan ng customer service.

Ang buod nito ay ang pagiging maasikaso sa kostumer online gay ana din ng Gawain offline. Tandaan na maraming tools ngayon na nagpapasimple ng customer service. Gawin mo ito.

#5 Di pag-intindi sa sitwasyon ng mga tauhan

Ang mga tauhan mo mismo ay mahalagang aspeto ng iyong negosyo. Ilagay mo kaya ang sarili mo sa lugar ng mga tauhan at malalaman mo ang ibig kong sabihin. Maging sensitibo sa kanilang kalagayan at kung kayang work-from-home, mas ok. Kung di naman, ayusin ang bawat aspeto ng kanilang buhay dahil kung wala sila, mahihirapan ka din naman.

Sa panahon ng krisis, lahat tayo ay iisa ang pinagdadaanan, at iisa alng dapat ang layunin – ang mai-angat ang Negosyo at makapagpatuloy na kumita upang matitaguyod ang pamilya. Tandaan mo yan, ka-negosyo.

Konklusyon

Ang pagiging produktibo ng bawat isa ay mahalaga. Yan ang magsisiguro ng pag-angat ng online negosyo.

Sa panahon ngayon at kailan pa man, ang mahalaga ay laging kang magdasal at magtiwala sa Diyos na Siyang may tunay na hawak ng magagandang plano para sa iyong buhay. Sipag at tiyaga at ang maayos na relasyon sa kapwa ay pangalagaan lagi – anuman ang marating mo sa buhay.

—

Si Homer ay isang technopreneur at makokontak sa email niyang chief@negosentro.com

in Freelance/Side Hustle / News Box / Online Business 0 comments
Email Marketing
 by Homerun Nievera

5 Paraan sa Tamang Paggamit ng Email Marketing sa Pagnenegosyo

ni Homer Nievera, CDE, CVM, CCM | 5 Paraan sa Tamang Paggamit ng Email Marketing sa Pagnenegosyo | Kumusta na ka-negosyo? Ligtas ba kayo ng iyong pamilya at ka-trabaho? Tandaan ang mga safety protocols natin na pagsuot ng mask ng tama, paghuhugas ng kamay, at social distancing. Kailangan natin ang mga yan sa panahon ng pandemya, ok?

Balik tayo sa digital marketing tips ngayong linggong ito. Dahil na din maraming nagtatanong kung anu-ano ang mga tools na puwedeng gamitin sa larangan ng digital.

Kaya naman balik din tayo sa pinaka basic na pamamaraan – ang email marketing. At bakit nga ba? Kasi, bukod sa cell phone number, ang email ang ginagamit sa pagbukas ng mga social media at kung anu-anong account. Kaya lahat ng tao na nasa digital, dapat may email, tama?

Kung may 69 milyon na Pinoy ang nasa Internet, malamang, lahat ito ay merong email.

Paano bang magsimula sa email marketing?

O siya, tara na at matuto!

#1 Email database ng mga target mong kostumer

Kinukuha mo ba ang lahat ng mahahalagang detalye ng kostumer mo? Kasama diyan ang email niya. Mas mainam kasing iniipon mo ang ganitong detalye ng mga kostumer dahil ditto mo sila makokontak bukod sa cellphone o sa social media. Mas personal kasi ang dating ng email.

Pero siyempre, bago mo gawin ang pag-kontak sa kanila, kailangang naipaalam mo sa kanila. Ang tawag dito ay “opt-in,” kung saan humihingi ka ng permiso na kontakin mo sila sa paraan tulad ng marketing.

Paano mo ito makukuha? Unang-una, sa pamamagitan ng isang form na kanilang susulatan (face-to-face), o kaya’y galing sa pagkontak nila mismo sa yo sa social media man o email din.

Basta, wag mong kalimutang magpaalam sa pagkalap nito at sa paggamit nito nsa marketing.

#2 Kunin ang Persona ng iyong mga kostumer

Bago ka ma-excite sa paggawa ng email marketing campaign, tandaan na balewala ang lahat kung di mo lubos na kilala ang kostumer mo. Magagawa mo ang pagkilala sa kanila sa pamamagitan ng pagsaliksik ng Persona nila.

Ang persona ay ang kabuuan ng isang target market o target kostumer mo. Sa madaling salita, ito ang pag-alam sa lahat ng bagay tungkol sa personalidad, motibasyon, pangarap, kagustuhan (at di kagustuhan) at ang kaugalian ng kostumer mo.

Mahirap ba? Medyo.

Pero padaliin natin nang kaunti.

Kumuha ka ng isang kostumer na nais mong maging mismong target mo.  Interbiyuhin mo siya na parang nag-iinterbiyu ka ng aplikante sa trabaho. Isulat mo lahat ng kanyang kasagutan. Mahalaga ding maging masinsin sa pagtatanong.

Tapos, analisahin nang mabuti ang nakalap mong impormasyon. Ayusin nang naaayon sa nais mong pag-target sa marketing mo.

Ayan, handa ka na sa susunod na gawain.

#3 Kumuha ng email server provider

Ang pagpapadala ng email nang maramihan ay nagsisimula sa simpleng pag-send ng ordinaryong email sa iilang tao. Madalas, inilalagay ito sa BCC (blind copy) para di Makita ng iba kung kani-kanino mo ipinadala ang email.

Kung mahigit sa 500 ang padadalang email, mag-register ka ng account sa MailChimp, para subukan ang serbisyo nila. Hanggang 2,000 ang kaya nilang padalhan ng email na libre. Kapag lumampas sa 2,000, may bayad na ‘to.

Ang MailChimp ang isa sa pinaka-simpleng email server provider kung saan ang sistema nila ay may kasamang reports. Maisasaayos mo din ang itsura ng email mo kasi may templates na sila.

Dito, magagawa mo din ang marami pang bagay para maayos mmong maipapadala ang emails mo at maiiwasan na mapunta ito sa spam folder. Bukod sa MailChimp, marami pang providers.

#4 Mag A/B testing

Simple lang ang ibig sabihin nito. Mag-test ka muna sa iilang tao bago ka magpadala sa lahat.

Sa A/B Test ay magagawa mong mag-test ng iba’t ibang subject heading. Masusukat mo ang Open Rate kung saan binibilang ang porsyento ng pagbukas ng emails ng mga pinadalhan mo. Pati na din ang tinatawag na Click-Through rate ay masusukat. Ito ang pag-click ng isang tao sa nakalagay na link para malaman mo kung ilan ang nakalap mong leads.

#5 Disenyo ng email

Ang pag-disenyo mo ng email mo ang isa sa pinaka-mahalagang bagay sa email marketing. Narito kasi nang laman ng offer mo at kung saan mo sila nais papuntahin, pagkatapos basahin ang email mo.

Ang tip ko ay maiksi at nakakaenganyong Subject Heading para buksan nila ang email. Pag bukas, dapat, may nakaumang kang offer na madalas, kung di libre, malaki ang diskwento.

Lagyan mo ng isang matinding Call To Action (CTA) o yung ma-enganyong gagawin upang gawin ang nais mong ipagawa o puntahan ang nais mong papuntahan.

Madalas, may “Click Here” button ang mga emails na ganito.

Konklusyon

Umpisa pa lang ito nang mga dapat mong gawin sa email marketing. Kung nais niyo nang mas masinsin na diskusyon, email niyo lang ako, ok?

Sa panahon ngayon at kailan pa man, ang mahalaga ay laging kang magdasal at magtiwala sa Diyos na Siyang may tunay na hawak ng magagandang plano para sa iyong buhay. Sipag at tiyaga at ang maayos na relasyon sa kapwa ay pangalagaan lagi – anuman ang marating mo sa buhay.

—

Si Homer ay isang technopreneur at makokontak sa email niyang chief@negosentro.com

Image

in Learning / Marketing / News Box / Online Business 0 comments
Panahon ng Krisis
 by Homerun Nievera

Limang Gawaing Papatay sa Iyong Negosyo sa Panahon ng Krisis

ni Homer Nievera, CDE, CVM, CCM | Limang Gawaing Papatay sa Iyong Negosyo sa Panahon ng Krisis |  Kumusta na ka-negosyo? Survival-mode ba tayo sa mga panahong ito? Alam mo, ka-negosyo, sa mga ganitong panahon ng krisis, marami kang iniisip na gawin upang maiangat ang benta mo, pati na din ang morale ng iyong mga tauhan. Kasi nga naman, marami na ang nagsara sa loob lamang ng apat na buwan ng iba’t ibang uri ng lockdown. Lalu na ang mga maliliit na Negosyo na bukod sa di makapag-bukas ng tindahan, di na rin makabayad ng utang. Minsan, dahil di na din sila nababayaran ng mga may utang sa kanila. Kaya naman kung di nagtatanggal ng mga tauhan, nagbabawas ng araw ng pagpasok – kahit pa naka work-from-home ang ibang tauhan.

Saan na ng aba tayo pupulutin nito, mga ka-negosyo?

Pero teka. Sa halip na maging negatibo, at naghahanap ng iba’t-ibang Gawain upang maangat, tingnan mo muna ang mga gawaing maaaring ginagawa mo na ngayon na lalu pa lang makakasama.

O siya, tara na at matuto!

#1 Saliwa ang misyon at layunin

Sa ganitong panahon ng krisis, dapat iisa lang ang layunin at misyon ng kumpanya at mga tao. Kapag di nagkakaisa ang layunin ng bawat isa, tiyak ang kamatayan ng negosyo mo.

Ang aming kumpanya na FAME, na isang kumpanyang nasa communications technology, ay medyo hirap sa pondo upang maikalat ang isang teknolohiya na aming naimbento para sa mga mangingisda na madalas nawawala sa laot lalu na sa panahon ng tag-bagyo.

Nitong pandemya, naatasan kaming gumawa ng mga mass testing booths na gagamitin sa mga pampublikong ospital. Di naman naming talaga ito Gawain, subalit nag-usap ang management at pati ang mga tauhan na kailangang mag-pivot kami sa ganitong mga panahon. Nangyari ang desisiyon sa loob lamang ng ilang oras. Dahil dito, umangat ang cash flow ng kumpanya, at nagpatuloy ang maayos na sweldo at operasyon ng kumpanya.

Dahil nagkaisa kami sa ganitong larangan na med-tech, bilang pivot namin, nanalo kami ng isang grant upang umpisahan ang disenyo ng isang ventilator o oxygen concentrator.

Kayo rin sana ay magkaisa sa misyon at layunin para sa ikagaganda ng takbo ng negosyo sa panahon ng krisis.

#2 Pamamahala ng micro (micro managing)

Ano ba ang ibig sabihin ng micro managing?

Ang gawing ito ay sa panig ng mga manager o supervisor kung saan ang bawat detalye na kanilang pinapagawa sa mga tauhan ay ini-isa-isang pamahalaan. Kaya naman di na nakakagalaw ng may sariling diskarte ang mga tauhan at nag-aantay na lang ng utos. Order-taking ang tawag sa ginagawang ito ng mga tauhan. Sayang ang oras, di ba?

Sa panahon ng krisis, ang micro managing ay lalung nakakainis at nakakayamot sa mga tauhan na tila nawawalan ng tiwala ang management sa kanila. Sa ganitong sitwasyon, kesa magkaisa, nagkakawatak-watak ang organisasyon.

#3 Pagkakalat ng takot (fear-mongering)

Sa panahon ng pandemya, sarisaring takot ang pinag-uusapan at ikinakalat ng maraming tao. Kung ito’y nanggagaling sa management, di ito maganda.

Sa halip, dapat na pangalagaan ang positibong komunikasyon sa mga tauhan at buong organisasyon. May krisis na ngang kinakaharap, negatibo pa ang laman ng mga usapan. Di ba nakakababa ito ng morale ng mga tao?

Kaya dapat pag-isipang mabuti ang mensahe ng komunikasyon na siyang ipapalaganap sa buong kumpanya. Dapat panatilihin ang kaayusan at positibismo sa organisasyon.

#4 Sobrang dami ng miting

Kailangan bang napakaraming miting? Meron kasing tinatawag na “meeting fatigue” kung saan pagod na pagod na ang mga tao sa dami ng mga pinag-uusapan at di na nila matapos ang kanilang trabaho.

Limitahan ang miting. Sa halip, ilatag nang maayos ang mga gawain at usapin sa email at iba pang paraan.

#5 Di pag-intindi sa sitwasyon ng mga tauhan

Ilagay mo kaya ang sarili mo sa lugar ng mga tauhan? Ano ba ang mga pinagdadaanan nila sa araw-araw, mula sa pamilya at trabaho?

Isang beses, noong kakabukas lang ng NCR sa GCQ, may Nakita akong tila isang empleyado nan ais umangkas sa sinumang magbibigay espasyo sa kanilang sasakiyan. Oo, siya ay nag-hitch hike. Bakit? Kasi pinapapasok na siya pero wala naming masakyan papunta sa pinagtatrabahuhan.

Dito, makikitang di naging sensitibo ang kumpanya sa kalagayan ng lahat ng empleyado.

Sa panahon ng krisis, lahat tayo ay iisa ang pinagdadaanan, at iisa alng dapat ang layunin – ang mai-angat ang Negosyo at makapagpatuloy na kumita upang matitaguyod ang pamilya. Tandaan mo yan, ka-negosyo.

Konklusyon

Ang pagiging produktibo ng bawat isa ay mahalaga. Yan ang magsisiguro ng pag-angat ng negosyo. Maging sensitibo sa pangangailangan ng mga tao at maging positibo sa lahat ng bagay.

Nakaatang sa balikat ng lider ang sitwasyon ng negosyo. Itaguyod mo ang misyon at layunin sa tamang paraan ng komunikasyon.

Sa panahon ngayon at kailan pa man, ang mahalaga ay laging kang magdasal at magtiwala sa Diyos na Siyang may tunay na hawak ng magagandang plano para sa iyong buhay. Sipag at tiyaga at ang maayos na relasyon sa kapwa ay pangalagaan lagi – anuman ang marating mo sa buhay.

—

Si Homer ay isang technopreneur at makokontak sa email niyang chief@negosentro.com

in Learning / News Box / Online Business / Startups 0 comments