Negosyo

Paano Palakihin ang Maliit na Negosyo?

ni Homerun Nievera, CDE | Kung nakapag-simula ka na ng negosyo ngayong taon na ito, congrats! Kung mga ilan uwan o taon na ang negosyo mo naman, gogogo lang!

Pero siyempre, naif mont palakihin pa Ito, di ba? Kaya naman may mga simpleng pamamaraan akong ilalahad sa Inyo na aking nagawa na din mismo. Tara…

#1 Intindihing Mabuti ang Kostumer

Ang kostumer mo ang har sa negosyo mo — di ikaw bilang boss. Sila ang boss mo, tandaan mo yan. Kaya naman kung di mo aalamin ang lahat-lahat sa kanila, di uusad ang negosyo mo.

Paano mo gagawin ‘to? Ang simpleng pagtatanong sa kanilang mga nais macula na benepisyo ng product o serbisyong icon binebenta. Magsaliksik sa pamamagitan ng Feedback Form. Pasagutin lang ang mga nais mon malaman at makukuha mo ang impormasyon. Puwede ding gawin ito online.

#2 Website at Social Media

May website ka na ba? Ito kasi ang unna hinahanap ng mga kostumer kung nais ka inlaag kilalanin o hanapin. Ang ayos nat insure ng website mo ang magsasabi sa kostumer kung ok ka o hindi.

Bukod sa website, ayusin ang social media channels mo. Facebook at Instagram ang mga pangunahing social media sa Pilipinas. Kung nasa retail o fashion ka, masala ang Instagram. Maaari din tasing sa FB ka lang kung di naman pinapahalagahan ang itsura ng produkto.

#3 Email marketing

Ang akala ng iba, patay na ang email. Paano ka magbubukas ng social media o mababayran ng Paypal kung wala kang email? Kaya naman bilang isang gamit sa marketing, mahalaga ang email. Personal kasi ang email kaya kung nakabisado mo ito, maganda ang resulta nito. Magbasa ng mga teknik ukol dito.

#4 Ecommerce

Kung nasa retailing ka, data may online store ka din. Maaari mo din namang ilagak sa mga marketplaces gaya ng Lazada ang mga produkto mo sa simula. Ang mahalaga ay maipasok mo online ang mga prodüktör mo. Alam mo naman na ang daling magenta at makabili online. Kaya wag mo tong kakaligtaan.

#5 SEO

Ang SEO ay mahalaga dahil meron kang website. Nagagamit din ito para maging legit ang negosyo mo dahil madali itong makita sa Google. Mag invest ka sa SEO (search engine optimisation) para sigurado ang pag angat mo. May ilan pang bagay na magagawa para umangat ang negosyo mo. Gawin mo muna ang mga ito bago sumubok ng iba pang bagay. Magdasal at magtiyaga kung nais magtagumpay.

Si Homer Nievera ay isang serial technopreneur. Kung may katanungan, mag email sa kanya sa chief@negosentro.com.

 

reputasyon

4 na Tips Para Mapaganda ang Reputasyon ng Negosyo Mo

ni Homer Nievera, CDE | Hindi madaling magpaganda ng reputasyon ng negosyo mo sa mga panahong ito ng social media. Masyadong maraming puwedeng sabihin ngunit di kaagad na maniniwala ang mga makakabasa o makakarinig ng mga ito. At di dahil marami kang followers sa social media, ay ibig sabihin, kaya mon ang palawigin ang isang magandang reputasyon. Ngunit may mga tips (o hacks) na ibabahagi ko sa inyo lalu na’t maliit lang ang bisnes mo at walang badget para sa PR.

#1 Kawang-gawa

Simple lang ito at di naman talaga kailangan ng budget nap era. Kasi maraming volunteer ang kailangan oras at talent. Yung mga ganitong bagay ay madaling ayusin para mailagay sa social media. Kadalasan, ang mga malalaking kawang-gawa ay nailalathala din sa diyaryo o kaya’y lumalabas sa TV. Mas mainam din kung opisyal ka sa mga organisasyong may kawang-gawa dahil sa pagkakataong ma-interbyu. Ang tip ko ditto ay simple din – magpakatotoo ka. Alam ng mga tao kung puro ka lang PR.

#2 Expertise

Sa ingles, tawag naming dito ay “Thought Leadership.” Isa itong pagkakaton na naipapamalas mo ang galling mo sa isang bagay na may kinalaman sa negosyo mo. Isang halimbawa ay ang pagiging madalas na pagka-speaker o trainer ko sa larangan ng digital at social media. Oo, may negosyo akong may kinalaman sa mga ito. Ngunit ang pagbibigay ko ng mga talk sa larangang ito ay repleksiyon ng expertise din ng kumpanya ko. Nakikilala nila ako sa husay sa aking larangan kaya naman nagiging repleksiyon ito ng husay ng kumpanya ko.

#3 Tulong sa Komunidad

Lalu na’t nasa isang komunidad ang negosyo mo, mas mainam na nakikita kang tumutulong dito. Halimbawa, kung sa PPCRV ka boluntir kung eleksyon, nakikilala nila ang pagiging makabayan mo. O kung sa simbahan ka nagsisilbi, nakikilala nila ang maaring integridad mo. Mukhang simple itong paraan na ito pero mahirap din dahil puwede ding bumaligtad ang dating sa mga tao. Baka nga humingi ng ibreng serbisyo ang isang kasamahan, bilang halimbawa. Ang mahalaga, ay umikot ka sa komunidad mo at tumulong. Maganda na sa negosyo, maganda din sa puso mo.

#4 Laging Unahin ang Empleyado at Kostumer

Kung paano ka magtrat ng empleyado at kostumer, ganun din ang tingin ng ibang tao say o bilang may-ari. Kaya magpakabait ka’t magpaka-totoo sa lahat ng tao. Ang pakikitungo mo sa iba ang pinaka-mahalagang hack na magagawa mo para lumawig ang reputasyon ng negosyo mo.

Isang halimbawa ay ang sulat ng isang kilalang pribadong kumpanya ng mga columbarium at libingan sa south ng Metro Manila sa kanilang mga kostumer. Kamakailan, nagpadala sila ng sulat sa mga kostumer na madadagdagan ng limang beses ang babayaran nila na “fees” para sa pag-maintian ng lugar dahil kukulangin daw ang pondo nila sa mga darating na panahon. Ang repleksiyon nito sa kanila ay ang maling pamamalakad at ang magbabayad ay ang mga kostumer na wala namang kinalaman sa pamamalakad na ito. Ang mas masama pa rito ay ang karamihan sa kostumer nila ay matatanda na at walang kapasidad na bayaran ito. Ang sagot nila – bayaran na lang ng mga kamag-anak ang dagdag na fees dahil hindi daw maililibing o mailalagak ang abo nito (kapag kolumbaryum ang kinuha) kung di makakabayad. Yun lang, kilala sa lipunan at sa pagnenegosyo ang pamilya ng nasabing negosyo. Repleksiyon din sa kanila itong insidenteng ito. Simpleng sulat. Malaking impak sa reputasyon, di ba?

Sa bawat negosyo, kailangan ng magandang reputasyon. Iwasan ang puro PR lamang. Maging mabuting tao at negosyante, at maganda ang balik nito sa negosyo mo.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

negosyo Workplace

5 Rason Bakit Kalangan Mo Ng Blog Para sa Negosyo Mo

ni Homer Nievera, CDE |May blog ka ba? Ito ay madalas kong itanong sa mga negosyante – Malaki man o maliit ang kanilang negosyo. Sa larangan ng digital marketing, automatic ang pagkakaroon ng social media pero laging huli ang pag-iisip patungkol sa pagkakaroon ng blog. Kasi ang alam ng mga kausap ko, kung may Facebook ka na, masasabi na itong stratehiya sa digital marketing. Mali ang pag-iisip na ito. Narito ang limang rason kung bakit kailangan ng blog para sa negosyo mo.

#1 Tunay na Presensiya sa Digital

Ang Facebook ay di matatawag na “landing page” kung saan pupunta ang mga kostumer mo online na kapupulutan ng lahat ng bagay at impormasyon patungkol sa produkto o serbisyo mo. Para sa akin, ang halaga ng Facebook ay ang paggamit nito sa customer service, engagement at pagpapalaganap ng mensahe. Ang blog ay ang pangunahing pinaglalayan ng mga content na siyang nais mong mabasa o mapanuod ng mga kostumer mo. Naka-categorize din kasi ang content (o nilalaman) ng blog kaya madaling hanapin ang mga content. Tandaan na mas nakikita sa search engines gaya ng Google ang nilalaman ng mga blog kesa sa Facebook.

#2 Promosyon na Gusto Nilang Mabasa o Makita

Di ba, ang mga ads na nakikita sa TV o sa online ay madalas mong nilalaktawan? Habang ang mga artikulo sa mga blog ay hinahanap at pinag-uukulan ng panahon? Kasi, ang content na hatid ng blog ay “di-intrusive”o di siya abala sa iyong gawain. Ang pagsasaliksik sa isang bagay sa Google ay kadalasang napupunta sa isang blog. Ginusto mo ang content na ito at di basta isinubo sa harapan mo, tama? Kaya mas may kasiguraduhan ka na bibili sa’yo o mag-rerefer sa’yo ng kostumer ang blog kesa sa ads.

#3 Pagpapalaganap na Ikaw ay Eksperto

May kilala akong mga CEO na blogger. Sila itong mga gumawa ng sarili nilang blog at sumikat sila sa pamamagitan nito kahit pa sila’y super busy na tao. Bakit nila ito ginagawa? Bilang CEO ng isang kumpanya, ikaw ang numero unong Salesman ng kumpanya mo. Ang pangunahin mong gawain ay ang maging salesman ng negosyo mo. Sa pamamagitan ng blog, napaparating mon a ika’y eksperto sa iyong larangan kaya naman kapani-paniwala ang sinasabi mo tungkol sa iyong brand. Ang maganda nito, ikaw din ang press writer at press distributor mo. Bilang “ambassador”ng produkto o negosyo mo, trabaho mong palaganapin ang mga balita at opinion mo tungkol sa iyong industriya. Magagawa mo ito ng libre sa yong blog. Bilang isang “thought leader.”

#4 Pagpapalaganap ng iyong Brand

Katulad ng pagpapalaganap ng iyong pagiging eksperto, ang mismong brand mo at mapapalaganap mo sa pamamagitan ng blog. Dahil ang blog ay di pag-aari ng sino man na di gaya ng Facebook at Instagram, kontrolado mo ang paglaki nito. Importante ito lalu na’t ang iyong mensahe ang siya mismong nais mong palaganapin.

#5 Koneksyon at Relasyon para sa Brand at Kostumer

Ang mga blog ngayon ay parang social media na din na may lagayan ng comments, reviews, videos at photos. Ang koneksyon na maaari mong magawa sa pamamagitan ng blog ay gaya na din ng social media. Sa pagtatanong o pag-aahin ng content, ang reaksyon o komento ng mga tagasubaybay mo ay makaka-trigger ng interaksyon mula sa mga kostumer o nais mong maging kostumer. Magagamit mo din sa pagsasaliksik ang mga kasagutang nakalap mo. Tandaan mo na puwede mong ikonekta sa social media ang blog para mas mapalaganap ang mensahe mo. At mas nabibgyan mo sila ng edukasyon ukol sa produkto o serbisyo mo, may nabubuo mo ang loyalty nila sa iyo.

Konklusyon

Dalawang bagay ang gamit ng blog sa perspektibo ng digital marketing – content at SEO. Kaya ito mahalagang aspeto ng iyong istratehiya sa negosyo. Pag-isipan mo muna kung sino ang nararapat na target na mambabasa moa yon sa target kostumer mo. Dun ka magsimula para on-target ang iyong content. Ang keywords na mahalaga sa kostumer ko ay isasama mo sa mga blog para mas mabilis mai-akyat ng Google sa search results.

homer nievera 8

5 Usaping Legal na Nakakaligtaan ng mga Startup na Negosyo

ni Homer Nievera, CDE | Lahat ng mga startup na negosyo ay may kanya-kanyang galing. Madalas, ang mga founder at co-founder ng mga startup ay may kanya-kanyang espesyalidad na magagamit sa pagnenegosyo. Kaya nga lang, madalas makalimutan ang usaping legal na sa huli, pinag-aawayan ng mga co-founder ng negosyo.

Narito ang limang bagay na dapat ayusin habang maaga pa lamang, para di magkaroon ng problemang legal sa darating na panahon. Basahin natin:

#1 Kawalan ng ‘Co-founders o Shareholders Agreement’

Sa tuwing nag-sisimula pa lang ang aming diskusyon sa mga mga co-founders o ka-negosyo sa aming itatayong startup, pinag-uusapan na ang kanya-kanyang kontibusyon, pinansiyal man o kakayahan. Simple lang naman ang mga usapan lalu na kung magkakaibigan. Kaso, kapag lumaki na ang negosyo, nag-iiba na ang ihip ng hangin. Ang napag-usapan, nakakalimutan, o di kaya’y iba ang napag-initindhihan pala. Kaya ang solusyon, sa una pa lang, bago mag SEC o i-rehistro ang negosyo, magkaroon muna ng MOA (memorandum of understanding) o Shareholders o Co-founders Agreement na siyang maglalagay sa kontratang legal ang napag-usapan. Sa gayon, may basehan ang mga pinag-usapan, matagal man itong patutunguhan ng negosyo.

#2 Ano’ng klaseng kumpanya ang itatayo

Sa amin, awtomatiko na korporasyon agad ang aming itinatayo (kung nasa Pilipinas ka) bilang personalidad ng aming negosyo. Di dahil startup ka, DTI na agad ang pupuntahan mo. Mas mainam na sa SEC ka mag-file dahil na din sa dami ng benepisyong makukuha ng negosyo mo, lalu na sa paglaki nito. Isang simpleng basehan ay ang klaseng “exit” na nais mo sa dulo. Kung ang exit na piinili mo ay mag lista sa Stock Exchange (IPO – initial Public Offering), nasa karakter ng pagiging korporasyon ang mainam para dito, dahil rin sa maaaring palawigin ang shares ng kumpanya. Meron ding BMBE (Barangay Micro-Business Enterprise) na maaaring gamitin sa mga micro-business dahil may moratorium ito sa mga buwis. Magsaliksik ay pag-usapan ito ng mabuti. Sa mga susunod na pitak ko ilalahad ang mga ito.

#3 Employment Contract

Bawat empleyado ay dapat na may kontrata, kahit isa lang ito. Naka-detalye dito ang deskripsiyon ng kanyang trabahao, sweldo at iba pa. Madalas kasi, napagsisimulan ito ng hidwaan lalu kung lumalaki na ang negosyo. Sa aming kumpanya, may mga ‘work-from-home’ na empleyado kami na nagsimula na part-time o project. Nung tumagal, kinuha na din naming sila at inilahad sa Employment Contract nila na ok lang sa amin na ituloy pa rin ang work-from-home basta may mga output silang ibibigay. Depende na sa inyong usapan ang mga nakalahad ditto. Kumunsulta din sa mga eksperto tungkol dito dahil mahigpit ang Labor Code.

#4 Intelectual Property (o IP)

Kung kilala na ang brand mo o kaya’y alam mong sisikat ito, o may kalakip na kakaibang teknolohiya ito, ipa-IP mo na agad. Ito ang proteksyon mo sa lahat ng iyong negosyo para di ka basta-basta gagayahin. Magagawa naman ito online. Magkaiba ang copyright at patent kaya saliksiking mabuti ang nararapat o bagay sa negosyo o produkto o serbisyo mo.

#5 Government-mandated Benefits

Mula sa SSS, Philhealth at Pag-ibig, hanggang sa pag-file ng buwis, lahat ito ay kailangang pagtuunan ng pansin sa startup mo. Huwag mo itong ibabale-wala dahil may kasamang malaking multa at kulong ditto. Meron ding Data Privacy Act sa Pilipinas. Basahin ito at siguraduhing magawa. Malaking multa din at kulong ang kasama ditto. Tandaan din na may kanya-kanyang data privacy law ang bawat bansa gaya ng sa EU na GDPR na sakop ang sinumang nag-access sa website mo at nasa iyo ang data ng kostumer.

Mas madali at hassle-free ang pagnenegosyo kung ang limang usaping legal an inilahad ko ay masusunod. Marami pang dapat ayusin sa aspetong eto ngunit ang limang ito ay agad na pagtuunan ng pansin.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

homer nievera 10

5 Paraan Para Mas Palakasin Ang Iyong Negosyo

Homer Nievera, CDE | Hindi lahat ng malaking negosyo ay nagwawagi. Ang totoo, maraming maliliit na negsoyo ang mas mabilis yumabong dahil kaya nilang gumalaw ng mas mabilis kesa sa mga malalaking negosyo. Paano mo magagawang mapanatili ang iyong pagyabong kung marami kang kakumpitensiyang mas malalaking negosyo?

#1 Panatilihin ang Maayos na Brand Design at Values

Ang unang tinitingnan ng isang kostumer ay design ng iyong branding. Makikita yan mula sa kulay at design ng iyong logo. Ito ay dapat may tinatawag na “consistency”o hindi sabog ang konsepto nito. Sa tinatawag na brand identity mo pa lang, malalaman na dapat ng kostumer kung maayos kang mag-isip o maayos na kausap. Tingnan mo din kung umaayon sa iyong brand values ang design mo. Kung nais mong lumabas ang “Passion”halimbawa, siguro, gumamit ng kulay pula na kulay ng puso. Mas mainam na kumonsulta sa isang graphic designer o multimedia artist kung paano aayusin ang iyong brand identity mula sa iyong business card (tarheta).

#2 Unahin ang Website

Sa panahon ngayon, kung wala kang website, di na din maganda ang dating nito sa kostumer. Madalas kasing napagkakamalan na okay na ang Facebook Page. Marami ka kasing di puwedeng gawin sa social media. Una na dito, ay di mo ito pag-aari. Kung maisipan ng Facebook na alisin ang Page mo, tapos ka. Kaya panatilihin ang disenyo ng iyong website ng naaayon sa kabuuang disenyo ng iyong brand. Siyempre, pangalagaan mo ang nilalaman nito.

#3 Palakasin ang Customer Service

Karamihan ng malalaking kumpanya, hirap panatilihin ang maayos na customer service. Pagkakataon mo na ito. Di dahil kaunti ang iyong kostumer ay hihinaan mo na ang customer service. Sa halip, mas paigtingin pa ito. Sa dulo, mas pipiliin ang negosyo mo dahil mas “at-home”sila sa iyo.

#4 Gumamit ng Makabagong Teknolohiya

Maramig negosyo ang takot sa bagong teknolohiya dahil baka di nila ito magamay at humina ang kanilang Sistema. Sa totoo lang, mas mainam para sa maliit na negosyo ang pag-automate ng ilang bagay sa negosyo. Gaya ng paggamit ng chat bot na mas mainam sa Facebook Page dahil di mon a kailangan ng maraming taga-sagot sa mga private messages sa FB Messenger. Ang maganda dito, libre pa ito! Saliksikin ang mga bagong teknolohiya na aayon sa iyong negosyo na mas magiging episyente ang trabaho.

#5 Huwag Matakot Makipagsapalaran

Karamihan ng mga maliliit na negosyo takot sumugal o mag-risk. Ang katotohanan, kung maliit ka at di ka makikipagsapalaran – na kalkulado – di mo mahihigitan ang malalaking negosyo. Gay din yang mga katulad ng Facebook na nakipagbanggaan sa dating higanteng Friendster na kalauna’y natalo nila. Tandaan mo na mas mainam na magsaliksik ng mabuti bago mag-risk. Sa huli, ang pagnenegosyo at lakasan na lang naman yan ng loob. Samahan mo ng taimtim na dasal, may magandang kahihinatnan ka din.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

Negosyo

5 Paraan Para Palaguin ang Negosyo Mo Ngayon

Homer Nievera, CDE | Ang sarap makitang lumalaki ang negosyo. Kakaibang pakiramdam ito. Ngunit alam naman natin na di madaling magpalaki ng negosyo nang higit pa sa una mong naiplano.

Kaya ‘tong gawin. Kailangan mo lang magsimula sa limang paraan na ito:

#1 Paglawak ng Merkado

Kung sa akala mo ay madali lang ‘tong gawin, nagkakamali ka. Hindi dahil nasa social media ka ay kaya na nitong palakihin ang iyong negosyo. Maraming paraan pa sa larangan ng advertising at marketing upang mapag-usapan at maikalat ang mensahe ng iyong produkto o serbisyo. Dahil nais mong lumawak ang iyong merkado, gumamit ka ng mga di-tradisyonal na taktika gaya ng pagsali sa mga trade events at networking events. Ang mga bagong kostumer at partner ay makikilala mo dito. Gumamit ka din ng mga social influencers na puwede mong maging boses sa merkado. Higit sa lahat, makipag-partner ka sa pamamagitan ng cross-promotions sa iba’t-ibang brands na may kinalaman sa negosyo mo.

#2 Maayos at Epektibong Branding

Ang pagkakaroon ng matibay na brand sa merkado ay madalas makaligtaan ng mga negosyante. Mahalaga ang aspetong ito dahil ang halaga ng iyong brand ay maaaring maging mas malaki pa sa mismong halaga ng iyong buong negosyo o benta.  Kung wala kang brand manager, kumuha ka ng marketing or branding consultant na makakatulong sa mga estratehiya mo dito. Magsimula sa masinsinang usapan sa logo mo at ano ang mensahe ng iyong brand.

#3 Pangalagaan ang Loyalty ng Kostumer

Sampung beses na halaga ng trabaho ang gugugulin mo para maibalik ang umalis na kostumer. Yan ang halaga ng isang loyal na kostumer. Pangalagaan ang bawat kostumer sa pamamagitan ng maayos na plano para sa costumer service. Ayusin ang pakikipag-usap sa kanila sa lahat ng touchpoints  o sa mga lugar na nakakaugnayan mo sila – mula sa social media hanggang sa after-sales (matapos silang bumili sa ‘yo).

#4 Siguruhin ang Cash Flow

Kung di maayos ang cash flow mo, wala kang pondo para palakihin ang negosyo mo. Bantayan mo ang bagay na ito at makialam sa bawat yugto ng pinasyal na aspeto ng negosyo – mula sa pag-badyet, sales at koleksyon.

#5 Level-up sa Serbisyo

Huwag kang maging kampante sa kung ano’ng lebel ng serbisyo meron ka ngayon. Mahalaga sa paglago ng negosyo ang pag-levelup ng serbisyo dahil nararamdaman ng kostumer na nagsisipag ka at di nagpapakampante. Kumakalat ang ganitong usap-usapan kaya’t mas lumalaki ang merkado mo. Simple.

Ang paglago ng negosyo ay masarap na mahirap na gawain. Pero saan ka pa ba pupunta kundi pataas, di ba?

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage. Si Homer ay co-author at co-admin sa HeSaidSheSaidPH.com at Facebook Page na He Said She Said Philippines.

Kumpetisyon

4 na Paraan Para Laging Lamang Ka sa Kumpetisyon

Homer Nievera, CDE | Sa larangan ng negosyo, ang pagiging una sa lahat ng bagay ay mahalaga para sa isang negosyante. Kahit anumang industriya at gaano man kalaki ang iyong negosyo, ang nasa unahan ay lamang sa maraming bagay.

Yun lang, dahil may kakumpitensiya ka, lagi kang nag-iisip ng paraan para di malamangan. Paano nga ba ito gagawin?

#1 Pabonggahin ang iyong brand

Para umangat ka sa iba, iangat ang iyong brand. Ang pagkakakilala sa iyo bilang sikat o kilalang brand ay makakatulong ng malaki sa pamamayagpag ng iyong negosyo. Malaking bagay din na maging kilala ka bilang CEO o may-ari ng negosyo.

#2 Gumamit ng mga makabagong paraan ng marketing

Sa kasalukuyan, dalawang makabagong paraan sa marketing ay ang mobile (apps at ads) at paggamit ng video. Maari mong gamitin ang ganitong paraan upang mangibabaw sa iba. Ang paggamit din ng AI – artificial intelligence – ay maaari mo din ikunsidera. Kung ano ang mga bagong paraan ng marketing, pag-aaralan kung aayon sa iyo at paghandaan.

#3 Protektahan ang iyong Intellectual Property (o IP)

May mga negosyong may mga produktong orihinal ang pagkakagawa o imbensyong kailangang maproteksyunan sa mga manggagaya. Kung may ganoon kang produlto, ang pag-rehistro ng iyong IP (patent o copyright) ay mahalaga para sa mga tulad mo. Malaking bagay ito ngunit tandaan na di ka pa rin nakasisiguro kung sa ibang bansa ito gagayahin. Kaya ang importante ay patuloy mong palawigin ang inobasyon. Tandaan din na mas mahalaga ang unang nag-market kesa unang nag-patent kung branding at market leadership ang pinag-uusapan.

#4 Palakasin ang iyong brand sa Internet

Dahil na din sa Internet, maraming paraan na libre o murang halaga para mapaangat ang iyong brand. Ang unang tinitingnan ng mga tao tungkol sa iyong pangalan ay ang Internet. Dito kakailanganin ang tulong ng SEO – Search Engine Optimization – kung saan matutulungang umangat sa search results ng Google ang iyong brand o kumpanya. Gamitin ang social media bilang panimulang estratehiya.

Anuman ang iyong negosyo, laging isipin na di ka nag-iisa. Wala kang monopolya sa ideya kaya’t siguradong may magiging kalaban ka sa negosyo. Ang mahalaga, gawing masinsin ang pag-target mo ng merkado para mas lumiit ang tsansa na may makalaban kang bigatin.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

negosyo

3 Simpleng Bagay Para Patakbuhin ng Maayos ang Negosyo

Homer Nievera, CDE, CCM | Ang isang episyenteng operasyon ng negosyo ay pangarap ng bawat negsoyante. Ito ay kung saan ginagawa ng bawat empleyado ng maayos at masinop ang kanyang gawain. Dito, walang nasasayang na oras at bagay-bagay sa pagbuo ng mga produkto. Dito, malinis ang kapaligirang pinagtatrabahuhan at walang nasasayang na kahit na ano  habang naisasakatuparan ang kalidad ng produkto.

Paano ito masasakatuparan?

#1 Paglilinis

Ang kalinisan ng kapaligiran at lugar na pinagtatrabahuhan ay pangunahing gawain para umayos ang pagpapatakbo ng isang negosyo. Ang paglilinis ng kapaligiran ay sa pamamagitan ng masinop at malalim na paglilinis. Hindinlamang sa pagtatapon ng mga di na kailangang bagay nag-uumpisa ang paglilinis. Dapat, sa lahat ng aspeto ng negosyo, kasama na ang pagtatapon at pag-alis ng mga lumang files sa kompyuter. Siguraduhing malinis din ang mga makinaryang ginagamit, kung meron.

Ang malinis na pinagtatrabahuhan ay nagdudulot ng magandang awra sa opisina at makakatulong pa sa kalusugan.

#2 Pag-organisa

Di lamang kalinisan ang dapat isakatuparan sa iyong negosyo. Kasama na dito ang pagsasaayos ng mga gawain o workflow ng mga tauhan. Ipatupad ang mas maayos at organisadong lugar na pinagtatrabahuhan para maging episyente ang paggawa ng mga empleyado. Dapat madaling hanapin ang mga bagay-bagay sa opisina.

Isaayos na din ang mga files at datos na maaring di mo pa talaga napagtuunan ng pansin. Malaking katipiran ang matatamo sa maraming bagay kung episyente ang iyong mga datos na maaari mong i-analisa.

#3 Maintenance at upgrade

Siguradong makikita mo ang maraming bagay na dapat mo ng i-upgrade o ayusin ang pag-meyntena (maintenance) sa paglilinis at pagsasaayos ng mga bagay-bagay sa opisina. Gawin ang nararapat. Ito na ang pagkakataon mo para baguhin ang sistema o mas pabilisin pa ito.

Mahalaga ding tingnan nab aka kailangan nang training ang mga tao mo kung nabago na ang mga Sistema sa opisina o industriya matapos ang ilang panahon.

Ang pagiging big boss ay di simple. Pero marahil, ang tatlong simpleng bagay na aking naisulat ay makakatulong sa panibagong simula sa negosyo mo.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

home-business

5 Negosyo na Kayang Itayo sa Bahay Mo Ngayon

ni Homer Nievera, CDE, CCM | Madalas na tanong sa akin ay kung anu-anong mga nagosyo daw ang kayang itayo sa bahay. Sa panahon daw kasi ng teknolohiya, may mga serbisyong kailangan pa din ng mga tao kahit walang gamit na kompyuter o nangangailangan ng Internet.

Ang sagot ko naman diyan, ay depende sa skills ng tao at hilig niya ang magsasabi kung saan siya mainam mag negosyo, maging sa pamamahay man niya ito o sa ibang lugar.

Narito ang pitong negosyong mabilis na maitatayo sa pamamagitan lamang ng kaalaman, kaunting puhunan, at maraming tiyaga.

#1 Pananahi

Madalas ang mga dressmaking at tailoring shops ay nagsisimula sa tahanan. Isang makina lang at ilang gamit sa pananahi, ayus na. Mas mainam na mag-aral ng pormal sa Tesda o saan mang vocational na paaralan para mas propesyunal ang paggawa mo.

#2 Repair Services

Sa dami ng mga kagamitang binibili ng mga tao sa iyong komunidad, siguradong marami din ang nasisira at nangangailiangan ng repair services. Mula sa appliances at electronics, hanggang sa repair ng mga sasakyan, puwedeng-puwede itong gawin. Madalas, kaunting gamit lang ang kailangan mo, go ka na. Mag-aral o mag-apprentice din para mas mabilis kang matuto.

#3 Hair and Beauty Services

Likas sa tao ang magpaganda. Kaya naman magandang negosyo ang barberya, parlor, spa at pati na din ang pet grooming services. Madalas, gunting at sukay lang, puwede ka ng magsimula. Katulad ng ibang serbisyo, mag-aral at mag-apprentice para mas maraming experience.

#4 Tindahan

Di lang sari-sari store ang puwede mong itayo sa bahay bilang negosyong pang-retail. Nariyan din ang online store. Dito, ang puhunan ay depende sa lawak at laki ng sakop mong produkto. Alamin ang mga detalye nito sa Internet. Maraming puwedeng pagkakitaan dito gaya ng buy and sell.

#5 Graphic Design, Social Media at Website Services

Hindi ka naman makakaiwas sa teknolohiya, di ba? Kaya naman maraming negosyo ang naitatayo mula dito. Magsimula sa mga tech skills mo at siguradong mapapalaki mo tio. Ang kagandahan sa mga serbisyong ito, kompyuter, Internet at talino lang ang puhunan. Makakakuha ka pa ng mga kostumer sa abroad!

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

Startup-marketing

4 na Maling Gawain sa Marketing ng Karamihan sa mga Startup

ni Homer Nievera |  Sa mga panahong tila handing-handa ka ng umpisahan ang iyong negosyo, may mga bagay na tila nakakaligtaan pa ring gawin. Marami sa mga nagsisimulang negosyo – o startup – ay nahuhulog pa rin sa alanganin dahil na rin sa kakulangan ng gabay ng may kaugnay sa marketing.

Sa taong ito na 2018, mahalaga pa rin ba talaga ang marketing sa isang negosyo kahit marami ng teknolohiya ang puwedeng ipalit dito?

Kung startup ka, o nagsisimula pa lang ang negosyo mo, isa sa pinaka-epektibong pamamaraan ng paglago ay nakasalalay pa rin sa marketing. Malawak ang larangan na ito kaya’t apat lamang ang maisasama natin na kailangang silipin sa pityak na ito sa ngayon.

#1 Walang malinaw na plano

Maganda man ang iyong ideya sa isang serbisyo o produkto, ang pagsasaayos ng branding distribution, at promotion nito ay ilan lamang sa mga nasasaad sa isang marketing plan. Meron ka ba nito? Kung meron, malinaw ba ang mga nakasaad dito?

Paano mo malalaman kung may linaw ang plano mo? Simulan sa maayos na objective, goal o rason kung para saan ang plano na ito. Ito ang gagabay say o patungo sa pamamaraan ng pag-market mo.

#2 Nakakalimutan na nagbabago-bago ang panahon

Kung ano ang nag-klik sa iyo dati ay di siguradong magki-klik uli ngayon. Dahil nagbabago ang panahon, gayundin ang isip at ugali ng mga tao. Ang teknolihiya ay mabilis ding nagbabago sa loob lamang ng ilang buwan kaya siguraduhing napapanahon ang iyong marketing plan.

#3 Di naita-target ng maigi ang merkado

Ito ang madalas na nakakaligtaan ng isang negosyante kaya naman Malaki ang nawawalang oportunidad at pera sa pag-market sa maling mga tao. Kung gagamit ka ng digital marketing, may kasamang mga metrics. Naisulat ko sa naunang pitak na di ito basta-basta madadaya kasi nga “real-time” ang pagpasok ng data. Nais mong malaman lahat ng numero para makita agad ang dapat gawing susunod na hakbang. Magtarget ng maayos para masinsin ang komunikasyon at mensahe sa merkado.

#4 Di kumukuha ng eksperto sa larangan ng marketing

Hindi lahat ng tao ay gamay ang departamentong ito. Kaya naman para di “hit-or-miss” ang gagawin sa marketing, kumuha ng tao na gagawa sa iyo nito. Maari ka din kumuha ng consultant na gagabay say o at sa mga tao na meron ka na sa organisasyon.
Malawak ang larangan ng marketing. Huwag basta-basta susugal ng di lubos na nalalaman ang gawaing ito. Sa dulo, negosyo mo din ang natatalo.

homer-nieveraSi Homer Nievera ay isang digital evangelist at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook sa @thepositivevibespage. Ang mga kopya ng nailathala nang pitak ay nasa @gonegosentro sa Facebook at sa HomerNievera.com.