Maayos na Komunikasyon sa Opisina

4 na Tips Para Panatilihin ang Maayos na Komunikasyon sa Opisina

ni Homer Nievera, CDE, CVM | Ang isang malaks na negosyo ay nakatayo sa maayos na komunikasyon sa loob mismo ng opisina. Kung mahina ang komunikasyon, watak-watak ang organisasyon, bagsak ang negosyo. Kaya kung nasa tama ang pagsasaayos ng komunikasyon ng mga tauhan at boss, siguradong mabilis ang pag-angat ng negosyo mo. Narito ang ilang tips:

#1 Ayusin ang mga panuntunan sa pagiging bukas sa komunikasyon

Kung di mo mapanatiling bukas ang linya ng komunikasyon dahil na din sa mga maling panuntunan sa opisina at negosyo mo, sa una pa lang, di na magiging maayos ang nais mong ipatupad. Ang kasabihang “bukas ang aking pintuan” na madalas wika ng mga boss, ay di na masyadong ipinatutupad. Kaya kung ang pakiramdam ng mga empleyado ay di na sila pakikinggan sa unang pagkakataon pa lang, di na sila tuluyang magsasalita. Kung anuman ang mga ideya na sana ay kanilang maimumungkahi, di na ito masasabi pa. Sayang naman.

Ang pagkakaroon din “reward system” sa mga idea na iminumungkahi ay maari mo ding ipatupad. Madalas, ginagawa ito ng mga malalaking kumpanya. Bakit di mo kaya subukan naman sa negosyo mo?

#2 Madalas na miting

Kahit gaano ka-busy ang mga tao, ang pagkakaroon ng madalas na miting ay importante. Ang simpleng isang beses kada lingo na miting ay malaki ang naidudulot sa organisasyon.

Sa katunyan, nangyari na ito sa akin nang iniwan ko sa isang head ko ang pakikipag-miting sa mga tao. Di na niya pala nai-miting ang sales team kaya ayun, isang buwan pa lang, bumaba na agad ang benta.

Tandaan na ang madalas nap ag-miting ay pagkakataon ding maibaba o maiakyat ang anumang mga mungkahi ng mga tao.

#3 Gumamit ng teknolihiya sa pag-miting

Alam ko namang mahirap ngayon makakuha ng 100 porsyento ng dadalo sa mga miting sa maraming dahilan. Ngunit may mga apps na ngayon na nagagamit namin lalu pa’t may organisasyon akong lahat ay “work-from-home” na.

Ang paggamit naming ng Zoom, Skype, WhatsUp, Viber at Messenger ay malaking bagay sa aming komunikasyon at sa larangan ng pagmimiting.

Wala nang dahilan na di makipag-miting, saan ka man naroroon.

#4 Bonding time

Ang pagkakaroon ng mga Team Building, Retreat, Outing, at iba pa ay di lamang pagkakaroon ng pahinga kundi ang pagkakaroon ng pagkakataong magsama-sama at mag-usap-usap sa mas maluwag na pamamaraan. Di naman kailangang magingmamahalin ang lugar. Ang mahalaga ay sa labas ito ng regular na opisina.

Sa pamamagitan nito, nagkakaroon ng pagkakataong makilala ang isa’t isa sa labas ng opisina at magkaroon ng pag-uusap sa interes ng iba maliban sa negosyong ginagalawan.

Ang sandigan ng isang matatag na negosyo ay komunikasyon sa loob at labas ng organisasyon. Bilang boss o manager, dapat isaisip ang halaga ng komunikasyon habang maaga pa.

Si Homer Nievera ay isang technopreneur. Maaari siyang makontak sa email niya na chief@negosentro.com

5 Aral sa Pagtatayo ng Negosyo Mula sa Kitchen Hub

ni Homer Nievera, CDE, CVM | Noong Biyernes, habang nagbabalak na sanang umuwi mula sa SM City Sucat, napadaan kami ng anak ko sa gitna ng mall kung saan may mga kiosk ng iba’t-ibang uri ng pagkaing gawa ng malikhaing mga Pinoy. Nakita ko ang Kitchen Hub, na tindahan ng mga nakaboteng Gourmet Tuyo na paborito naming mag-asawa. Nagbabakasakali akong meron silang Gourmet Daing na nasa bote at ang tumambad sa akin ay ang iba’t-ibang klase ng Gourmet Tuyo, Daing at iba pa na iba’t-ibang mantika ang ginamit.

Habang bumibili ako, tinanong ko na din ang mga binatang nagtitinda na sila pala’y mga anak ng may-ari na si Joy Dabu. Iniwan ko ang tarheta ko dahil naisip ko silang maisulat sa isa kong online publication.

Nang kami ay magkausap noong Sabado nang gabi, marami akong natutunan kay Gng. Dabu, na isang dating empleyado at napunta sa pagnenegosyo nang di daw sinasadya. Eto ang kuwento niya na nakalubid sa mga aral na kanyang ibinahagi:

gourmet tuyo kitchen hub

Pinaka-paborito ko ang Gourmet Tinapa at Gourmet tuyo

#1 Walang aksidente sa pagpasok sa negosyo

Si Gng. Dabu ay may anak na nagkasakit, at eto ang dahilan kung bakit tumigil siya sa pagtrabaho upang matutukan ang pag-aalaga dito. Ang asawa niya ay OFW noong mga panahong iyon. Naikuwento ni Gng. Dabu na sa paghahangad na kumita upang matustusan ang kanilang pangangailangan sa araw-araw, kung anu-anong negosyo ang kanyang naisip. Dahil matagal siyang empleyado at walang ibang alam kundi ito, di na muna siya nagpumilit makipagsapalaran. Ngunit nagsimula siyang magkaroon ng inspirasyon sa pamamagitan ng kanyang mga panaginip tungkol sa negosyong Gourmet Tuyo. Di lang isang beses ito raw nangyari. Kaya naman naisipan niyang magsaliksik ukol sa ganitong produkto.

Ang aral dito ay ang di pagbale-wala sa inspirasyon. Ayon kay Gng. Dabu, nagbunga ang kanyang pagdarasal at dito niya iniugnay ang pagsimula ng Kitchen Hub.

#2 Magsaliksik nang husto

Dahil na din sa wala siyang kaalaman sa pagnenegosyo, lalu pa’t kaugnay sa papasukan niyang Gourmet Tuyo, nagsaliksik si Gng. Dabu nang husto. Mula ito sa pagluluto, pagtimpla at paggamit ng mga organic na sahog para sa panlasa at pagpapatagal sa bote, nagsaliksik siya. Pumunta pa nga si Gng. Dabu sa DOST para tulungan siya sa pormulasyon ng kanyang produkto.

Ang aral dito ay ang walang katapusang pag-aaral para sa ikaaangat ng negosyo.

#3 Sipag at Tiyaga

Ang dalawang salitang ito ang agad na naibulalas ni Gng. Dabu nang siya’y aking tanungin kung ano ang higit niyang ginawa bukod sa pagdarasal. Wala naman talagang tatalo sa sipag at tiyaga para umangat ang negosyo, di ba? Naikuwento kasi ni Gng. Dabu na nagsimula siya sa paglalako sa mga kaibigan at kapitbahay. Ang patuloy na paghahanap ng tamang sahog, bote, packaging at labels ang kanyang naging higit na puhunan sa negosyo. Nagbunga naman ito, at dahil sa aral na – sipag at tiyaga – di ba?

#4 Mahalaga ang papel ng kapamilya

Noong nagsisimula pa lang si Gng. Dabu sa Kitchen Hub, ang kanyang pamilya ang naging haligi, sandigan at katulong sa pagbuo ng konsepto ng produkto. Mula sa pagtikim at pagbenta, hanggang sa pagdamay sa kanilang mga pinagdadaanan ang mga mahahalagang bagay kung bakit nagtagumpay sila sa kanilang negosyo.

Ang mahalagang aral dito ay ang di pagbale-wala sa halaga ng pamilya sa iyong pagnenegosyo. Para sa kanila rin yan, di ba?

#5 Tuloy-tuloy lang para sa mas malaki pang tagumpay

Sa aking panayam kay Gng. Dabu, nabanggit niya na nais niyang makarating sa iba’t-ibang bansa ang Kitchen Hub na Gourmet Tuyo at iba pang produkto. Di kasi siya tumigil sa paglalako at ngayon naman ay ang pagbukas ng kiosk sa SM City Sucat. Nang matanong ko siya kung meron na siyang online delivery, di naman niya naikaila na di daw siya techy. Kaya naman sinabi ko sa kanya na tutulungan ko siya sa aspetong yun. Ganyan kasi dapat ang negosyante, na patuloy ang paglawak at paglaki ng kanyang nasasaisip na tagumpay.

Wag kang titigil, ka-negosyo. Anuman ang tagumpay (o dagok) na iyong pinagdadaanan at kinakaharap, tuloy lang sa pag-angat at pagbangon. Para kay Gng. Joy Dabu at sa kanyang Kitchen Hub, gogogo lang po! Sumainyo ang Diyos!

Si Homer Nievera ay isang technopreneur. Maaari siyang makontak sa email niya na chief@negosentro.com

Maka-target ng Tamang Kostumer

3 Paraan Para Maka-target ng Tamang Kostumer

ni Homer Nievera, CDE, CVM | Ano man ang iyong negosyo, tiyak na may iba’t ibang uri ng kostumer ang yong nakakasalamuha. Ngunit may ilang uri lamang ng kostumer ang nakakapagdala ng malaking benta sa negosyo mo. Itong mga klaseng kostumer na ‘to ang dapat na tutukan at pagtuunan ng pansin.

Sa tinatawag na Pareto’s Principle, sinasabi na 20% ng iyong mga kostumer ang nagdadala ng 80% ng benta mo. Maaari din sabihing ang 20% ng isang uri ng mga kostumer mo ang nag-aakyat ng 80% ng kita mo. Kung gayun, paano mo malalaman kung sino ang mga ito?

Narito ang ilang tips…

#1 Saliksikin ang datos ng mga benta at kostumer

Ang unang gawain sa masinsin na pagpili ng kostumer na tatargetin ay ang pagsaliksik ng mga datos ng mga benta mo kung saan makikita ang uri ng kostumer na bumili sa yo. Kung online ang bentahan, mas madali itong makikita.  Ngunit kung wala ka pang datos, mas maiigi na yung magsimula kang mangalap ng datos na ito mula ngayon. Kung meron kang “feedback form,”mas ok. Ang mahalaga ay makuha mo ang pangunahing datos gaya ng gender, edad, lokasyon (tahanan), at kung ano ang binili o binibili sa yo. Kapag nakuha mo na ang mga datos na ito, mas madali mong mailagay sa kanya-kanyang kategorya ang mga mamimili mo.

Mula sa mga datos na ito malalaman mo ang porsyento ng mga klase ng bumibili sa yo at kung ano ang binibili at sa gaano kalaking halaga. Ang mga datos gaya ng edad, lokasyon at iba pa ay makakatulong ng malaki upang mapagpare-pareha ang uri ng kostumer sa uri ng mga binibili ng mga ito. Ang lahat ng datos na ito ang magbibigay sa yo ng kaalaman kung paanong promo o marketing ang gagamitin para pabalik-balik sila sa negosyo mo.

#2 Imaginary na Kapihan kasama ang isang imaginary na kostumer

Ang kunwaring pakikipag-kape sa isang kostumer (na imahinasyon mo din!) ang isa sa mga epektibong pamamaraan ng pag target sa isang kostumer mo. Ang tawag ko dito ay ang “Scarcity Thinking” kung saan nais mong sumentro sa iisang kostumer lamang dahil alam mong marami pang tulad ng kostumer na ito. Sa pagtutok sa iisang kostumer na ito mo malalaman ang maraming bagay sa sa kanya mula gender, edad, lokasyon, mga hilig (hobbies), ayaw, hanggang sa mga kasalukuyang pinagdadaanan niya. Maaari mo ding gawing makatotoohanan ang pakikipag-kape sa isang tunay na kostumer na sa tingin mo ay representate ng malaking bilang pa ng mga kostumer mo. Ang paraan ng pagsasaliksik na ito ay epektibo dahil mas ramdam mo ang kanyang sitwasyon, at naiintindihan ang mga rason kung bakit siya bumibili sa yo ng ilang bagay (o serbisyo), at bakit din hindi.

#3 Gamitin ang social media gaya ng Facebook

Ang social media gaya ng Facebook Page ay may mga datos na ang tawag ay “Insights.” Bukod sa “Shop”ng FB kung saan may ilang datos na makikita sa mga kostumer, ang mga FB Ads at FB Posts mo ay may mga katapat na datos kung saan makikita ang pinahahalagahan nila para sila ay mag-like, share o comment. Lalu na kung may link (papuntang website mo) ang mga posts, mas mabilis mapag-aralan ang galaw ng mga kostumer mo at makita ang porsyento ng “conversion”o pagbili nila sa yo.

Isang halimbawa ang pagbilang ng mga nabebentahan mo na nag-pm (personal message) sa FB Messenger. Makikita mo ang “conversion rate”o porsyento ng mga bumili sa yo mula nang nag pm sila. Kunin lang ang datos nila gaya ng bagay na binili at sap ag silip sa kanilang FB ccount, malalaman mon a din ang maraming bagay ukol sa mga kostumer na ito.

Sa dulo, ang mahalagang gawin ay pag-aralang mabuti ang mga kostumer mo na masasabing may halaga sa negosyo mo. Hindi po tsamba-tsamba ang bentahan. May datos po dapat para di masayang ang pera at pagod sa marketing mo.


Si Homer Nievera ay isang technopreneur. Mag email lang sa kanya ng mga katanungan ukol sa pitak na ito sa chief@negosentro.com.

Branding sa Negosyo

4 na Rason Bakit Mahalaga ang Branding sa Negosyo

ni Homer Nievera, CDE, CVM | Madalas mong naririnig ang salitang “brand.” Madalas din napapagkamalang magkapareho ang salitang brand sa salitang “product”(o produkto).

Ang brand ng isang produkto mo ay siyang nakikilala sa merkado, maliban na lang kung ang prdukto mo ang pinaka-una sa kategorya o industriya nito. Gaya ng Colgate na naging katapat na ng salitang Toothpaste. Gayundin ang Gasul na naging katapat ng LPG. Sila kasi ang ilang lang na nauna sa ganung klase ng mga produkto noon. Kaya naman sa madaling salita, ang isang brand ang siyang  nakalagay sa label ng produkto.

Bakit nga ba mahalaga ang branding? Tara, talakayin natin.

#1 Kailangan ng mapagkikilanlan ang produkto o serbisyo mo

Higit pa sa logo mo ang branding sa negosyo mo. Ang akala kasi ng karamihang negosyante, kung may kakaiba at natatanging disenyo ang logo mo, ok ka na. Hindi po ganun iyon. Sa kabilang banda, ang “katauhan”ng iyong logo ang mas mahalaga sa mga kostumer.

Tanungin mo ang iyong sarili kung ano katauhan na pumapalibot sa brand mo. Ito kasi pagkikilanlan ng negosyo mo. Pag-isipan ang katauhan ng brand na Jollibee sa pamamagitan ng mascot at logo nito. Ano ba ang sinisimbolo ng mga ito?

#2 Simbolo ba ng tiwala ang iyong brand?

Ang mga malalaking pribado na ospital sa Pilipinas at madalas na may mga simbolo na may kasamang krus at kulay na puti. Bakit nga ba? Dahil ang mga sinisimbolo nito ay tiwala.

Mahalaga kasi sa mga kostumer ang mga brand na sumisimbolo sa kanilang pagtitiwala na maayos o magaling o mabisa ang produktong binebenta mo. Pinaghirapan kasi nila ang perang ipapambayad sa yo kaya importante ang pagkumbinse sa kanila na maayos at katiwa-tiwala ang produkto mo.

Kaya naman sa lahat ng bagay na sisimbolo sa brand mo, saliksiking mabuti kung lalabas ang pagtitiwala ng mga kostumer mo.

#3 Sino o ano ang maaalala ng mga kostumer mo?

Natanong mo na ba sarili mo kung bakit may mga kinukuhang mabibigat na endorser ang mga produkto ng mga malalaking kumpanya? Bakit ang daming ine-endorso ang mga tulad ni Sen. Manny Pacquiao?

Bukod sa tiwala na maaaring dala nila, ang kredibilidad nilang “mailako” ang kanilang mga produkto sa pamamagitan ng “brand recall.” Ang “brand recall” ay nangangahulugang naididikit nila ang brand mo sa endorser kaya mas mabilis maalala ang brand mo ng mga kostumer.

Di naman ganun kasimple lang yun ha. May kasamang pagsasaliksik din ang pagkuha ng mga endorser. Di kasi lahat ng endorser na sikat ay naaayon sa personalidad ng brand mo. Maging masinop sa bagay na ito.

#4 Motibasyon sa mga empleyado ang dala ng tamang branding

Ang maaaring dala na motibasyon sa mga empleyado mo ay isa ding rason kung bakit mahalaga ang branding. Bakit ba ang daming nais magtrabaho sa mga tulad ng San Miguel, BPI, Google at Facebook? Bukod sa maaaring magandang sweldo o benepisyo, ang “bragging rights”ay mahalaga, lalu na sa mga milenyal. Ang pagtrabaho din sa mga katulad nitong mga kumpanya ay makakatulong sa mga susunod pang trabaho nila.

Ganyan kahalaga ang branding sa motibasyon ng mga empleyado. Kung nagsisimula ka pa lang na negosyo, isama mo ang iilang empleyado mo sa pagsasalarawan ng iyong branding. Sila din kasi ang unang tuulong upang mapalaganap ito na ibebenipisyo ng buong kumpanya.

Ikaw, ano ang branding mo sa sarili mo?


Si Homer Nievera ay isang technopreneur. Mag email lang sa kanya ng mga katanungan ukol sa pitak na ito sa chief@negosentro.com.

Tama ang Pagbebenta

4 na Kaalaman Paano Simulan nang Tama ang Pagbebenta

ni Homer Nievera, CDE, CVM | Kahit na ano’ng negosyo pa ang pasukin mo kung di ka marunong magbenta, walang papasok na pera at magsasara ang negosyo mo. Kaya naman naisip ko na sa loob ng dalawang taon, di ko pa naisulat ang tungkol sa paksang ito. Kaya eto na.

#1 Kaalaman ukol sa iyong produkto o serbisyo

Di makakapagsimulang magbenta kung di mo kabisado ang produkto o serbisyo na iying ibebenta. Kaya naman sa umpisa pa lang ay dapat nakahanda na ang mga ilalahad ukol sa negosyo mo. Bukod sa mga pulyetos, dapat may website ka kung saan pupunta ang mga meron pang katanungan. Ngunit ang mahalaga any handa kang sagutin ang lahat ng patungkol sa binebenta mo. Gayundin dapat sa mga nakaharap mismo sa iyong kostumer.

#2 Depinisyon ng iyong merkado

Kung di mo kilala ang tatargetin mong kostumer o merkado, para kang hilong-talilong na paikot-ikot sa pagbebenta mo. Ibig sabihin ay mahihirapan kang makapagbenta dahil mali ang pinagbebentahan mo o di ka sigurado kung sila nga mismo ang bibili sa yo. Kaya sa umpisa ay ayusin ang depinisyon ng merkado mo para di masayang ang oras. Ilista ang mga maaaring solusyon na magagawa ng binebenta mo at i-match ang kostumer. Pag nagawa mo na ito, mas madali na ang pagbebenta.

#3 Ayusin ang script

At dahil alam mo na sino ang pagbebentahan mo, ayusin mo na ang script kung paano mo ilalatag ang offering mo. Lalu na ku g di ikaw lang ang haharap sa kostumer, mas mainam ang paggawa ng script. Isipin ang lahat ng maaaring tanungin para siguradong masasagot ang mga ito. Tandaan na maaaring di lang ikaw ang gagamit ng script kundi mga tauhan mo din kaya mainam ang magpraktis. Ayusin ang script kada may bagong kaalaman para updated ito.

#4 Gumamit ng social media at iba pang digital na uri ng oagbebenta

Kung naayos mo na ang unang tatlong inilahad ko dito sa pagbebenta, puwede mo nang subukan sa mga digital na channels gaya ng social media, email at pati sa mga mobile messeging apps. Sigurado naman may mga aayusin ka pa sa script na ginawa mo para umakma sa digital channels.

Sa lahat ng klaseng negosyo, di maiiwasan ang sales o pagbebenta. Kaya magpakabihasa ka dito kahit di ka sigurado. Ang mahalaga ay kaya mo tong gawin para kung umalis man ang mga salesman mo, kaya mong saluhin ang trabaho.

Si Homer Nievera ay isang technopreneur. Maaari siyang makontak sa email niya na chief@negosentro.com

Negosyo

Paano Palakihin ang Maliit na Negosyo?

ni Homerun Nievera, CDE | Kung nakapag-simula ka na ng negosyo ngayong taon na ito, congrats! Kung mga ilan uwan o taon na ang negosyo mo naman, gogogo lang!

Pero siyempre, naif mont palakihin pa Ito, di ba? Kaya naman may mga simpleng pamamaraan akong ilalahad sa Inyo na aking nagawa na din mismo. Tara…

#1 Intindihing Mabuti ang Kostumer

Ang kostumer mo ang har sa negosyo mo — di ikaw bilang boss. Sila ang boss mo, tandaan mo yan. Kaya naman kung di mo aalamin ang lahat-lahat sa kanila, di uusad ang negosyo mo.

Paano mo gagawin ‘to? Ang simpleng pagtatanong sa kanilang mga nais macula na benepisyo ng product o serbisyong icon binebenta. Magsaliksik sa pamamagitan ng Feedback Form. Pasagutin lang ang mga nais mon malaman at makukuha mo ang impormasyon. Puwede ding gawin ito online.

#2 Website at Social Media

May website ka na ba? Ito kasi ang unna hinahanap ng mga kostumer kung nais ka inlaag kilalanin o hanapin. Ang ayos nat insure ng website mo ang magsasabi sa kostumer kung ok ka o hindi.

Bukod sa website, ayusin ang social media channels mo. Facebook at Instagram ang mga pangunahing social media sa Pilipinas. Kung nasa retail o fashion ka, masala ang Instagram. Maaari din tasing sa FB ka lang kung di naman pinapahalagahan ang itsura ng produkto.

#3 Email marketing

Ang akala ng iba, patay na ang email. Paano ka magbubukas ng social media o mababayran ng Paypal kung wala kang email? Kaya naman bilang isang gamit sa marketing, mahalaga ang email. Personal kasi ang email kaya kung nakabisado mo ito, maganda ang resulta nito. Magbasa ng mga teknik ukol dito.

#4 Ecommerce

Kung nasa retailing ka, data may online store ka din. Maaari mo din namang ilagak sa mga marketplaces gaya ng Lazada ang mga produkto mo sa simula. Ang mahalaga ay maipasok mo online ang mga prodüktör mo. Alam mo naman na ang daling magenta at makabili online. Kaya wag mo tong kakaligtaan.

#5 SEO

Ang SEO ay mahalaga dahil meron kang website. Nagagamit din ito para maging legit ang negosyo mo dahil madali itong makita sa Google. Mag invest ka sa SEO (search engine optimisation) para sigurado ang pag angat mo. May ilan pang bagay na magagawa para umangat ang negosyo mo. Gawin mo muna ang mga ito bago sumubok ng iba pang bagay. Magdasal at magtiyaga kung nais magtagumpay.

Si Homer Nievera ay isang serial technopreneur. Kung may katanungan, mag email sa kanya sa chief@negosentro.com.

 

Boss Kong Taipan

3 Bagay na Natutunan Ko sa Mga Boss Kong Taipan

Sa aking mahigit na 20 taon ng pagtatrabaho at 10 taon ng pagnenegosyo, may mga ilang kapitan ng iba’t ibang industriya ang aking naging boss. Ibabahagi ko sa inyo ang ilang natutunan ko sa kanilanna nagagamit ko sa.aking mga negosyo.
#1 Profit with Honor (Andres Soriano III, San Miguel Corp.)
Maliit pa ako ay nagtatrabaho sa Magnolia ang aking ama. Isinasama noya ako noon sa planta ng Ice Cream ng Magnolia na siyang pag-aari din ng San Miguel (SMC) ng pamilyang Soriano noon. Isang araw Linggo, sumama ako sa tatay ko sa opisina niya. Nakita ko ang litrato ng Andres Soriano, Sr. sa isang sulok ng opisina na may nakasulat na katagang, “Profit with Honor.”
Dun ko unang inisip ang ibig sabihin ng mga katagang iyon.
Nang ako’y maging unang Media Head ng Magnolia ilang taon ang lumipas, bumalik sa akin ang mga katagang iyon. Nakita ko mismo kung gaano kahalaga ang kalagayan ng mga tao sa mga Soriano. Alaga sa benepisyo. Gayundin ang pag-alaga sa kalidad ng mga produkto. Yun pala ang ibig sabihin ng Profit with Honor. Dapat kumita ang kumpanya nang walang bahid. Gayundin sa pagnenegosyo natin, malaki man o maliit.
#2 Alagaan ang Shareholders at Stakeholders (Eugenio Lopez, Jr., ABS-CBN)
Ilang beses kong nakita nang personal kung paano mag board meeting ang ABS-CBN sa panahon ni “Kapitan” Eugenio Lopez, Jr. Sa lahat ng mga meeting na iyon, lagi kong naririnig na dapat wasto ang pagbibigay ng kita sa mga shareholders ng kumpanya. Pangalagaan dapat ang mga kostumer.
Simple, di ba? Pero madalas, nakakalimutan na ito ng mga negosyante. Kaya pala maunlad ang mga negosyo ng pamilya Lopez. Alam nila kung sino dapat ang inaalagaan nila sa pagnenegosyo.
#3 Simplehan ang Konsepto ng Marketing (Johnson Go, JG Summit)
Ang pinakahuki kong trabaho sa corporate world ay bilang head ng Marketing Communications ng Digital na pag-aari mg JG Summit Group ng mga Gokongwei. Boss ko noon ang kapatid ni John Gokongwei na si Mr. Johnson.
Nung minsang may promo akong pinapa approve sa kanya, pinapunta niya ako sa opisina niya sa head office. Doon, ipinaliwanag niya sa akin kung paano mag isip sa larangan ng promotions ang mga Gokongwei. Sabi ni Mr. Johnson sa akin noon na sila daw, kapag kinabitan nila ng kendi ang kape, bebenta na daw yun bilang simpleng promotion. Sila din kasi ang may ari ng Blend 45.
Dahil dun, simple na ang tingin ko marketing. Mas naging matibay ang pundasyon ko na sa malaki man o maliit na kumpanya, di dapat maging magarbo ang marketing. Bebenta din naman pala kahit kendi lang ibigay mo.
Ikaw, may mga boss o naging boss ka bang may matututunan kang puedemg magamit sa pagnenegosyo mo? Kumuha ka ng mentor o halimbawa na may matutunan ka at tiyak na magtatagumpay ka.

Si Homer Nievera ay isang serial technopreneur. Kung may katanungan, mag email sa kanya sa chief@negosentro.com.

fleet management

5 Things You Need to Know about Fleet Management

Fleet management is one of the most efficient methods to improve your profit, due to the fact that it reduces the cost of your delivery system. This is done by reducing the fuel consumption, planning more efficient itineraries and reducing employee theft and accidents. Still, some businesses believe that all they have to do is pick one employee of the bunch, pay for a fleet management software and have this issue covered. Now, a fleet manager does substantially more than just telling drivers where to go and when and here are five ways in which a fleet manager may become more efficient at what they do.

The choice of drivers is just as important as the choice of vehicles

A lot of fleet managers believe that the safety of their fleet depends on the selection of the vehicles. This is somewhat true, seeing as how vehicles in prime shape are less likely to malfunction. Nonetheless, you need to keep in mind the fact that 90 percent of traffic accidents happen due to a human error. This is why it’s far more important to hire responsible drivers. First of all, you need to check their driving history. Second, even if they are reckless, it’s unlikely that they’ll have an accident right away. Therefore, you may be able to notice this potentially hazardous behavior long before the accident actually takes place.

Proper vehicle maintenance

Another thing you should understand is the fact that proper vehicle maintenance may save you a small fortune on subsequent repairs. Moreover, it’s the job of a proper fleet manager to find a reliable mechanic nearby. Now, the vicinity is important for a number of practical reasons. First, it helps out with emergency repairs and improves your fuel efficiency. Nonetheless, you don’t have to limit the search to your immediate neighborhood. For instance, a business based in Maitland, East Maitland, Cessnock, Kurri Kurri or the greater Hunter Valley region should look for a mechanic in Hunter Valley. This gives you more choice, thus making the selection of an adequate partner a simpler matter.

Fuel efficiency

The next thing you need to watch out for is the fuel efficiency of your drivers. First of all, by monitoring the vehicle via GPS technology, you can easily tell when a driver is driving in a non-fuel-efficient manner. Once you notice this, you can simply urge the driver in question to cruise more often. Also, you need to be aware of the fact that properly inflated tires tend to reduce fuel consumption. The bigger the truck, the better the MPG (miles per gallon) you get from keeping tires properly inflated.

Fuel theft prevention

Previously, we’ve talked about fuel efficiency, which is a scenario where your company loses resources due to the negligence of your drivers. However, what happens in a scenario where your employees deliberately rob your company of these resources? We’re, of course, talking about fuel theft. There are several things you can do here, from estimating the usage of fuel by setting up benchmarks to fitting your vehicles with anti-siphoning or fuel monitoring devices. The key things to keep in mind are the fact that this is a real hazard and that none of these methods are 100 percent reliable. Therefore, try to combine as many of them as you can at the same time.

Lease smarter

Lastly, you need to understand that the purchase of a vehicle tends to be a major investment on the part of your company, which is why shopping around may be incredibly helpful. Sure, purchasing all your vehicles from a single dealer or a single manufacturer helps with maintenance and planning, yet, you might not have the luxury of choice. Therefore, with each subsequent purchase, you need to thoroughly examine the market in order to see what’s new.

A lot of these tasks can be automated with the help of software, policy, gadgets and driver training, which means that the role of a fleet manager is more that of a supervisor. So, if the fleet manager is a good organizer, your fleet will run flawlessly.

content marketing

4 na Tips Para sa Maayos na Content Marketing sa 2019

ni Homer Nievera, CDE | Madalas kong nababanggit ang content marketing sa mga naunang pitak ko, lalu na patungkol sa digital media. Ang content marketing ay mahalagang parte ng lahat ng gawain mo sa digital marketing dahil ito ang pinaka-pundasyon ng mga postings sa social media man o sa website o blogs.

Narito ang apat na tips na dapat mong pahalagahan sa mga istratehiya mo pang digital sa susunod na taon. Tara!

#1 Maayos na Goals

Ang pagkakaroon ng tamang panukat sa iyong nais patunguhan ay mahalaga sa lahat ng bagay lalu na’t sa content marketing. Alam mo dapat ang nais mong makamit. Halimbawa ay nais mo bang makaabot ang mensahe o pagkakakilala say o ng 100,000 na tao? Ano ang pagkakakilalang nais mo? Kelan mo dapat maabot ang goal na ito? Ganyan dapat. Huwag yung malawak na goal. Dapat, ispesipiko, may numero at petsa ang goals mo. Siyempre, dapat naman ay kapanipaniwala ito at di suntok lang sa buwan.

#2 Malinaw na Target Kostumer

Di mo dapat sasabihing lahat ng tao ay nais mong maging kostumer. Maging ispesipiko din sa bagay na ito. Huwag shotgun ang approach kundi maging sniper. Yung mas masinsin, mas mabuti. Kahit malaki pa ang badyet mo, magsimula sa maliit at palawakan mula dito. Makikita mo na ang maliit na target na kostumer ay komplikado din pala. Maging masinop sa larangan na ito, ok?

#3 Malawak na Mix ng Content

Ang pagkakaroon ng malawak na mix ng mga content ay importante sa content marketing na istratehiya. Huwag puro hugot sa Facebook o Instagram. Gumamit ng artikulo, video, infographics, white papers, podcast at iba pang sandatang digital. Ang paggamit ng mga atikulo na patungkol sa paggamit o benepisyo ng yong produkto o serbisyo ay malayo ang itatakbo (mileage). Tingnan din ang ginagawa ng iba na matagumpay para sa kanila. Di naman kailangang gayahin. Sa halip, mas palawigin pa.

#4 May Halaga sa Bawat Gawaing Content

Gaya ng sinabi ko sa #3 na mga banepisyo ng produkto o serbisyo, ang importante ay di puro pagbebenta (sales pitch!) lagi ang nilalaman ng mga content mo. Dapat ay may napupulot ang kostumer. Maaaring maging katawatawa ang video mo pero naaalala ka naman sa magandang paraan. Kung may kaugnayan sa isang malaking balita, na ang produkto o serbisyo ay makakatulong, idikit mo sa isyung ito. Sa dulo, dapat may halaga ka sa buhay nila. Huwag puro diretsong pagbebenta ang pagtuunan ng marketing mo. Magbigay ng mahahalagang impormasyon at benepisyo. Libre nga ang impormasyon pero maididikit naman sa negosyo mo. Ganyan ang content marketing – simple pero rock!

Tuloy mo lang tiwala sa sariling kakayahan at ipagdasal ang negosyo sa lahat ng oras. Ang tagumpay ay nasa kamay mo na.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

startup 2019

4 na Mahahalagang Bagay na Huwag Tipirin Para sa Startup sa 2019

ni Homer Nievera, CDE | Ang madalas na unnag ginagawa ng mga negosyo o startup para sa unang bugso ng taon ay ang magtipid sa maraming bagay. Di man ito nakasasama, may mga bagay na dapat mong lagyan ng halaga o pagkagastusan.

Anu-ano ba ang mga pangunahing bagay na di dapat tipirin sa pagpasok ng bagong taon?

#1 Advertising at Promosyon

Nakakagulat ba? Sa totoo lang, ito ang sekreto ng malalaking kumpanya na sadyang gumagastos sa unang buwan (Enero) ng taon. Bakit? Kasi lahat ng kalaban ay tahimik. Kaya sinasamantala ang bagay na ito. Una, maraming napamaskuhan ang mga tao – bata man o matanda (narian ang Christmas bonus at 13th month!). Malaking pera ang umiikot sa kapaskuhan at tuwing Enero, maraming sale. Kaya maraming tao ang gumagastos. Ang tanong, kasama kaba sa una nilang naiiisip? Kung ikaw ang nakikita nila sa advertising at promosyon gaya ng sa social media, ikaw ang mas maaalala. At pagdating ng mga susunod na buwan, nauna ka na sa pagpapakilala kasi manipis ang exposure ng mga kalaban. “Makes sense,” di ba?

#2 Imahe

Ang imahe o branding mo ay dapat tuloy-tuloy. Kasabay na ito sa advertising mo. Ang payo ko ay ang pagpapalaganap ng content ukol sa negosyo at mga produkto o serbisyo mo sa internet man o sa mga points-of-purchase (tindahan, etc.). Ang estado sa industriya na iyong kinabibilangan ay mahalagang mapagbuti din sa iyong imahe sa mga ka-industriya mo. Ang pagkakaroon ng “thought leadership”o pagkakaroon ng mataas na pagtingin at importante sa mga kostumer mo dahil ang pagiging respetado sa industriya ay nagsasabing respetado ang mga produkto at serbisyo mo. Huwag magtipid sa ganitong paraan.

#3 Serbisyo sa Kostumer

Gaya ng lagi kong sinasabi sa mga naunang pitak, wag kang magtitipid para sa pagpapahalaga sa mga kostumer mo. Kung wala kang bagong kostumer o nababawasan ka ng kostumer, saan pa patungo ang negosyo mo? Palakasin ang website at social media mo na pangunahing pinipuntahan ng mga kostumer para sa pangangailangan, pagtatanong at feedback.

#4 Pagpapahalaga sa mga Tao at Proseso

Dahil mahalaga ang mga tao at proseso sa negosyo mo, lalu na sa susunod na taon, wag mong tititpirin ang ukol dito. Ang pagbalanse sa mga bagay ukol ditto ay dapat suriing mabuti. Halimbawa ay ang paggastos sa bagong tekonolohiya o upgrade nito para mas umunlad at bumilis ang mga proseso ay okay na imbestment. Gaya ng nabanggit ko sa isang pitak ko na ang pagbili ng isang teknolohiya (isang proseso) ay nakatipid naman ako pagkuha ng bagong tao. O ang pagtaas sa sweldo ng isang high-performer ay malaking bagay kesa sa umalis ito maghanap na naman ako ng i-train.

Ilang bagay lang ito na di dapat tipirin sa pagpasok ng bagong taon. Maging masinop pa rin at itaas ang abilidad ng mga tauhan para mas lumago ang 2019.

Tuloy mo lang tiwala sa sariling kakayahan at ipagdasal ang negosyo sa lahat ng oras. Ang tagumpay ay nasa kamay mo na.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.