5 In-Demand Online Jobs Ngayong Pandemia Kahit Wala Kang Experience | Kamusta mga ka-negosyo? Alam nating madaming mga nawalan ng trabaho ngayon pandemya. At nagdulot ito ng matinding paghihirap sa mga Pilipino. Kahit ganito pa man, ang mga Pilipino ay resilient! Kakaharapin natin ang mga pagsubok ng may mga ngiti pa sa ating mukha.

Pero hindi nakakain ang kasiyahan. Pwera sa online business, ano pa nga ba ang pwedeng mga pagkakitaan online jobs para pamalit ng trabaho or pandagdag kita? Paano kapag wala ka pang experience sa pagtrtrabaho online?

Sa panahon ngayon, kaya na! Ito ang 5 in-demand online jobs ngayong pandemya kahit wala kang experience. 

Virtual Assistant (Salary Range: 17,000 – 40,000 PHP)

Maraming mga business owners abroad na wala ng oras para sa mga administrative tasks. Itong mga task na ito ay pwedeng appointment setting, lead acquisition, sorting documents, creating slideshows, booking hotels, research, at iba pang kaya na gawin ng maraming tao.

Imbis na ubusin nila ang kakaunting oras sa admin tasks na ito, bakit hindi na lang sila ng kumuha ng virtual assistant? At kapag kumuha sila online, mas makakatipid sila dahil wala ng mga additiona costs. 

Para naman sa atin, kumikita tayo ng kaprehas or, minsan, mas mataas na sahod galing sa kanila. 

At kahit wala kang experience, pwede mo ito simulan. Kailangan mo lang iresearch ang kailangan ng iyong cliente para mabigay ang tamang suporta sa kanya.

Data Entry Specialist (Salary Range: 13,000 – 28,000 PHP)

Isa pang in-demand na online job ngayon ay ang pagiging data entry specialist. Sa dami ng kailangan iencode na mga datos galing sa mga research or mga client information, naghihire ng data entry specialist ang mga kompanya online.

May kasabihan nga, information is power. Nakakasave sila ng oras at nasusummarize din ng mas mabilis ang mga datos para maanalyze. O kaya, nagagamit agad ang mga datos para sa mga pangangailangan ng cliente nila.

At hindi mo kailangan magkaexperience para umpisahan ito. Kung marunong ka magtype, konting practice lang ay magagampanan mo na ang iyong tungkulin.

Content Writer (Salary Range: 20,000 – 40,000 PHP)

Halos lahat ng negosyo ngayon ay kailangan na ng website para makasabay sa online trend. Mas magiging visible ang isang kompanya lalo na kapag ito ay nagrarank sa mga keywords sa Google. 


Pero bago mangrank, kailangan muna maglabas ng mga blog articles na makabuluhan. Para magawa yan, kailangan ng masusing research at maayos na paghabi ng mga salita na engaging sa mga viewers. Kaya in-demand ang mga content writer ngayon.

Ang mga content writer ay nagsusulat ng mga articles na related sa niche ng kanyang mga customers. At kapag pumatok ito, mas mataas ang chance na lumabas sa first page ng Google search results.

Kapag madaming mga visitors, mas malaki and chance na bumili ang mga possibleng cliente ng inyong produkto.

Kung ikaw ay may talent sa pagsusulat, pwedeng pwede mo subukan ang career na ito. 

Graphic Designer (Salary Range: 18,000 – 40,000 PHP)

Sabi nga nila, a “picture speak a thousand words.” At sa larangan ng negosyo, nakakapukaw ng isip at damdamin ang magandang graphics. Dahil na rin sa short attention span ng mga tao, kailangan top quality ang mga graphics sa marketing.

Pero napakahirap gawin nito, lalo na kung walang background sa graphic design ang may-ari. Dahil dito, naging in-demand ang mga graphic designers na online job.

Ang mga graphic designers ang gumagawa ng mga images sa social media, blog articles, announcements, at iba pa para sa mga negosyo.

At kung meron kang talent sa pagdesign, marunong gumamit ng mga programs (katulad ng Adobe Photoshop at Adobe Illustrator), pwede mong subukan ang larangan na ito.

Social Media Manager (Salary Range: 18,000 – 30,000 PHP)

Halos lahat ng tao ngayon ay gumagamit na ng social media. Facebook, Twitter, Instagram, LinkedIn, Youtube, Tiktok at iba iba pa. Kaya para sa isang negosyo, dapat mapakita niya ang kanyang products or services sa tamang social media channel. 

Kapag mas madaming nakakakita, mas madaming chance na bumili sila ng products or services.

Pero hindi lahat ng business owners ay may oras imanage na maglabas ng content consistenly. Kaya in-demand ang social media managers ngayon.

Ang trabaho ng social media manager ay maglabas ng mga content na relevant sa target market ng business. Sumasakay sila sa mga trend na magugustuhan ng mga possibleng customers. At pagkatapos nito, maaring mapabili sila o tumatak ang brand sa kanilang isipan.

Kung gumagamit ka ng social media, makakahanap ka ng paraan mapagkakitaan to kahit wala ka pang experience. 

Conclusion

Ito ay ilan lamang sa mga in-demand ngayon. Madami pang online jobs na pwede kang mga online jobs na pwede mong pagkakitaan.

Handa ka na ba magkaonline job? Anong skills ang meron ka na magagamit para dito? Kahit wala kang experience, lahat ng bahay ay pwede matutunan. Meron din mga legitimate agencies na may job openings na pwede ka makahanap ng inaasam mong trabaho. Good luck!

Image: Photo by Andrea Piacquadio from Pexels

(Visited 10 times, 1 visits today)