2019

6 Tips Para Makapagsimula ng Negosyo sa 2019

ni Homerun Nievera, CDE | Manigong Bagong Taon po sa lahat! Nawa’y masaya at matiwasay po nating naitawid ang Kapaskuhan at itong Bagong Taon.

Sa panimulang pitak na ito ng 2019, inaasahan niyo na marahil na tips para magsimula ng negosyo ang aking isasalaysay. Puwes, may tama kayo!

Kaya di ko na pahahabain pa ang intro ko na ito para gogogo na agad.

#1 Tingnan ang Passion mo

Lahat ng bagay ay nagsisimula sa passion (o pasyon). Ito ang pinaka-unang bagay na basehan ng nais mong itayong negosyo. Ito ay dahil sa ang pagnenegosyo ay walang pinipiling oras. Kung mahal mong gawin ang isang bagay na tila di siya trabaho o pabigat at nag-eenjoy kang gawin, yan ang isang basehan na magtatagumpay ka. Maaaring maging ka sa potograpiya. Tingnan ang negosyong photo-video services. Mahilig ka bang mag-disenyo? Baka sa graphic design ka. Kung magaling ka sa mga events, baka events organizer ang bagay sa yo. Magmuni-muni ka muna at magtanong sa mga kaibigan at kapaliya. Makakatulong sila sa yo sa larangang ito.

#2 Tingnan ang iyong Kaalaman

Bukod sa passion, ang iyong kaalaman ay malaking basehan ng negosong babagay sa yo. Kung magaling ang mata mo sa mga litrato, at may kaalaman ka sa editing ng mga ito, yan ang magandang kombinasyon, di ba? Tandaan mo na di ka puwedeng sumalang sa negosyo kung di mo naman alam ang kailangang kaalaman ukol dito. Di rin kasi puwedeng puro passion na lang.

#3 Mag-aral o Magsanay ng Bagong Skills o Kakayahan

Kung kulang ang kaalaman, mag-aral. Ako’y may adbokasiya na may kinalaman sa “lifelong learning” na tinatawag. Ibig sabihin nito’y naniniwala akong ang isang tao ay patuloy na nag-aaral habambuhay. Kaya naman sa larangan ng pagnenegosyo, mag-aral o magsanay ka palagi. Kung mahina ka sa accounting, pag-aralan to. Kung saan ka kulang, dun ka magdagdag kaalaman.

#4 Kumuha ng Mentor

Ang isang mentor ay isang tao na palaging andyan para makunan mo ng advise ukol sa pagnenegosyo o iba pang bagay. Mas mainam na meron kang ganitong kausap para mas maagapan ang mga kakulangan mo. Kumuha ka ng may mahaba at malawak na experience sa nais mong negosyo o sa isang larangan na kahinaan mo. Marami dyan na libre lang magbibigay sa iyo ng payo.

#5 Gumawa ng Business Brief

Ang isang business brief ay isang maiksing dokumento kung saan nakalagay ang simpleng bagay-bagay na sa tingin mo ay mahalaga sa pagpapatayo ng negosyo mo. Di pa ito isang buong business plan na maitatawag dahil wala pang masyadong detalye. Gabay lang ito para kung may mga kakausapin ka, maibibigay nila ang payo na kailangan mo. Mas mainam na may sales target ka dito at istratehiya para maabot ito.

#6 Maging Positibo

Yan ang sikreto ng matagumpay na negosyo – at ng matagumpa na buhay. Kung sadya kang may malaking tiwala sa iyo at sa Diyos, lahat ng gagawin mo ay magtatagumpay. Believe in your self and everyone else will believe in you. Yan ang aking motto.

Wag kalimutang ang Diyos ang may pinakaperpektong plano sa buhay mo. Makipag-one-one-one sa Kanya at malalaman mo ang tunay na daan na dapat mong tahakin.

Muli, isang panalangin para sa mas maunlad na 2019! Laging magsumikap at ipagdasal ang kinabukasan.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

Negosyo sa 2019

4 na Paraan Para Maisaayos ang Organisasyon ng Negosyo sa 2019

ni Homerun Nievera, CDE | Madalas, maliit man o malaki ang negosyo, inaakala mo na maayos na aorganisasyon mo dahil gamay mon a ang lahat ng proseso ditto. Ang nakakaligtaan naman natin ay puwede pa itong mas maging maayos sa pamamagitan ng ilang tip na ito –

#1 Espasyo

Naisaayos mon a bang muli ang mga lugar sa iyong tindahan o opisina – o nasanay ka na dahil lagi mo itong nakikita? Silipin mong muli ang iyong floor plan ng naaayon sa trabaho mo ngayon. Minsan kasi, dahil nasanay na tayo sa lugar at bagay-bagay, di na natin ito binabago. Kung ano nga naman ang di sira, at di na inaayos. Pero, dapat bisitahin tong muli at tingnan kung may mas maisasaayos pa ito. Ang isa pa na espasyong tinutukoy ko ay ang mga dokumento na marahil ay puro papel pa ang mga ito. Kung kayang gawin digital na lahat, gawin na. At kung di na pala kailangan, itapo na at baka pagsimulan pa ng sunog. Silipin din ang lahat ng may kinalaman sa kaligtasan ng mga tao at bagay-bagay.

#2 Dokumentadong Organisasyon

Kung meron kang accounting system, kahit simple lang, ma maganda ka ng patutunguhan. Pero ang mas mainam ay ang pagkakaroon ng digital na Sistema kung saan mula sa pagkuha ng kliyente (lead generation) hanggang sa benta at koleksyon, ay mai-rekord mo sa kompyuter, mas ok. Sa IT, ang tawag dito ay CRM (customer relationship management) o sa mas malaki ay ERP (enterprise resource planning) na mga klase ng software. Malaki ang maitutulong ng mga ito sa mag-organisa ng negosyo. Meron ding mga software pa na gamit sa time-keeping at HR. May mga libre din nito. Magsaliksik lang.

#3 Employee Evaluation

Bisitahin ang pinakamahalagang parte ng organisasyon mo – mga empleyado. Dahil patapos na ang taong 2018, gawin ang evaluation ng mga tauhan mo para malaman mo kung ano ang kakailanganin mong mga talent sa 2019, at kung anong training ang kailangan nila. Para umangat ang negosyo, dapat pati skills ng mga tao mo ay umangat din. Kung may pagkakataong magtatanggal ka ng tao o kaya’y mag-po-promote, dito mo malalaman.

#4 Business Plan

Balik-balik tayo sa business plan mo sa 2019. Dahil lahat ng gagawin mo ay dapat naayon dito. Tingnan kung naayon ang pagbalasa ng mga tao, o kaya’y pagsasaayos ng mga espasyo moa yon sa ginawa mong 2019 business plan. Kung wala ka pang nagagawa o di mo pa ito natatapos, unahin ito. Dahil ang pag-angat ng negosyo ay naayon sa plano, at di tsamba-tsamba lamang.

Sa 2019, inaasahan kong mas lalago ka pa sa negosyo at sa buhay. Laging magsumikap at ipagdasal ang kinabukasan.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.