(Visited 174 times, 1 visits today)
reputasyon

4 na Tips Para Mapaganda ang Reputasyon ng Negosyo Mo

ni Homer Nievera, CDE | Hindi madaling magpaganda ng reputasyon ng negosyo mo sa mga panahong ito ng social media. Masyadong maraming puwedeng sabihin ngunit di kaagad na maniniwala ang mga makakabasa o makakarinig ng mga ito. At di dahil marami kang followers sa social media, ay ibig sabihin, kaya mon ang palawigin ang isang magandang reputasyon. Ngunit may mga tips (o hacks) na ibabahagi ko sa inyo lalu na’t maliit lang ang bisnes mo at walang badget para sa PR.

#1 Kawang-gawa

Simple lang ito at di naman talaga kailangan ng budget nap era. Kasi maraming volunteer ang kailangan oras at talent. Yung mga ganitong bagay ay madaling ayusin para mailagay sa social media. Kadalasan, ang mga malalaking kawang-gawa ay nailalathala din sa diyaryo o kaya’y lumalabas sa TV. Mas mainam din kung opisyal ka sa mga organisasyong may kawang-gawa dahil sa pagkakataong ma-interbyu. Ang tip ko ditto ay simple din – magpakatotoo ka. Alam ng mga tao kung puro ka lang PR.

#2 Expertise

Sa ingles, tawag naming dito ay “Thought Leadership.” Isa itong pagkakaton na naipapamalas mo ang galling mo sa isang bagay na may kinalaman sa negosyo mo. Isang halimbawa ay ang pagiging madalas na pagka-speaker o trainer ko sa larangan ng digital at social media. Oo, may negosyo akong may kinalaman sa mga ito. Ngunit ang pagbibigay ko ng mga talk sa larangang ito ay repleksiyon ng expertise din ng kumpanya ko. Nakikilala nila ako sa husay sa aking larangan kaya naman nagiging repleksiyon ito ng husay ng kumpanya ko.

#3 Tulong sa Komunidad

Lalu na’t nasa isang komunidad ang negosyo mo, mas mainam na nakikita kang tumutulong dito. Halimbawa, kung sa PPCRV ka boluntir kung eleksyon, nakikilala nila ang pagiging makabayan mo. O kung sa simbahan ka nagsisilbi, nakikilala nila ang maaring integridad mo. Mukhang simple itong paraan na ito pero mahirap din dahil puwede ding bumaligtad ang dating sa mga tao. Baka nga humingi ng ibreng serbisyo ang isang kasamahan, bilang halimbawa. Ang mahalaga, ay umikot ka sa komunidad mo at tumulong. Maganda na sa negosyo, maganda din sa puso mo.

#4 Laging Unahin ang Empleyado at Kostumer

Kung paano ka magtrat ng empleyado at kostumer, ganun din ang tingin ng ibang tao say o bilang may-ari. Kaya magpakabait ka’t magpaka-totoo sa lahat ng tao. Ang pakikitungo mo sa iba ang pinaka-mahalagang hack na magagawa mo para lumawig ang reputasyon ng negosyo mo.

Isang halimbawa ay ang sulat ng isang kilalang pribadong kumpanya ng mga columbarium at libingan sa south ng Metro Manila sa kanilang mga kostumer. Kamakailan, nagpadala sila ng sulat sa mga kostumer na madadagdagan ng limang beses ang babayaran nila na “fees” para sa pag-maintian ng lugar dahil kukulangin daw ang pondo nila sa mga darating na panahon. Ang repleksiyon nito sa kanila ay ang maling pamamalakad at ang magbabayad ay ang mga kostumer na wala namang kinalaman sa pamamalakad na ito. Ang mas masama pa rito ay ang karamihan sa kostumer nila ay matatanda na at walang kapasidad na bayaran ito. Ang sagot nila – bayaran na lang ng mga kamag-anak ang dagdag na fees dahil hindi daw maililibing o mailalagak ang abo nito (kapag kolumbaryum ang kinuha) kung di makakabayad. Yun lang, kilala sa lipunan at sa pagnenegosyo ang pamilya ng nasabing negosyo. Repleksiyon din sa kanila itong insidenteng ito. Simpleng sulat. Malaking impak sa reputasyon, di ba?

Sa bawat negosyo, kailangan ng magandang reputasyon. Iwasan ang puro PR lamang. Maging mabuting tao at negosyante, at maganda ang balik nito sa negosyo mo.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

Motibasyon

6 na Tip Para Magkaroon ng Motibasyon ang mga Empleyado Mo

ni Homer Nievera, CDE | Bawat negosyo ay nangangailangan ng maagap na paraan ng motibasyon sa mga empleyado. Ito ay dahil sa ang pinaka-mahalagang aspeto ng negosyo ay ang iyong mga tao. Narito ang ilan sa mga tip para dito —

#1 Alternatibo ng Lugar ng Trabaho

Ilang taon na ang nakakaraan nang margining ko ang terminong “tele-commuting” o ang pagtrabaho na gamit ang telepono o Internet habang nasa daan ka. Ito ang simula noon ng ngayo’y kilalang “work anywhere.” Kasi nga naman, di na talagang kailangang laging pisika; na nasa opisina ang tao mo. Puwede naman silang gumamit ng ibang paraan gaya ng Skype. Ako kasi, dahil na din sa trapik, pumapayag ako ng work-from-home sa ibang empleyado. Nasa iyo naman ang desisiyon kung sino ang akma dito. Ang alam ko, mas tumaas ang performance ng ilang emplyado gaya ng graphic designer o copywriter na di na sasalang sa trapik para magtrabaho.

#2 Maliliit na Insentibo o Paraan ng Reward

May hangganan ang pagbibigay ng pera bilang insentibo sa mga tao. Minsan nga, may mga tao na nais lang magpalago ng kaalaman at ang pagpapadala sa seminar ay sapat na motibasyon. Ang iba naman, nais ng bonding activities gaya ng “Binondo Walk” o simpleng pamamasyal lang kasama ng mga kapwa empleyado. Mag-eksperimento ukol dito.

#3 Pagbibigay ng Pagkakataong Mag-desisyon

Minsan, nahihirapan ang isang empleyadong intindihin ang sitwasyon ng mga boss kung sila mismo ay di nakakapag-desisiyon gaya nila. Bigyan mo sila ng kaunting puwang para makapag-desisiyon. Ito marahil ang tutlong para lumawak ang kanilang kaisipan at lumabas ang mga ideya na makakatulong sa negosyo mo.

#4 Pagpapalaganap ng Creativity o Pagka-malikhain

Gaya ng nasabi ko, ang motibasyon ng isang empleyado ay kulang dahil di sapat ang oras at puwang para sa talent nito. Isali mo sila sa tinatawag na “Ideation Sessions” o mga sesyon kung saan puwede silang limikha ng mga ideya para sa negosyo mo.

#5 Patuloy na Bukas ng Komunikasyon

Habang lumalaki ang kumpanya, nagkakaroon ng gap ang mga empleyado. Di dahi, sag alit sila sa isa’t isa, kundi sadyang walang oras o kulang ang panahon para magka-usap. Lalu ng mas mahirap ang komunikasyon kung puro email ang ginagawa nila. Buksan mo ang linya ng komunikasyon sa pamamagitan ng mas maraming miting. Mas personal ang komikasyon, mas mainam.

#6 Simpleng Papuri

Maaaring simple ang tingin mo dito pero sa totoo lang di simpleng gawain ang pagpuri sa isang tao lalu na kung ang boss ay di sanay dito. Ito ang dapat na pagtuunan ng pansin. Kung saan dapat may papuri, ibigay ito. Maging sensitibo sa sitwasyon. Minsan, umaalis ang isang magaling na tauhan dahil di man lang napuri o kaya’y, inako ng boss ang papuri sa lahat ng ginawa ng team.

Gusto mong lumago ang negosyo mo? Ayusin ang mga programang magbibigay ng motibasyon sa mga tauhan mo.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

negosyo

4 na Bagay na Gagawin sa Pagplano ng isang Startup na Negosyo

ni Homer Nievera, CDE | Lahat ng mga startup ay di mo basta mailalabas kung di mo naiplano ng maigi ang mga nararapat mong napaghanadaan.  Mula sa capital na kakailanganin mo hanggang sa pagplano ng iyong paglago, ay dapat mong mapaghandaan. Narito ang apat ng un among kailangang gawin para matulungan ka sa unang anim na buwan ng startup mo.

#1 Mga Bagay pang Pinansiyal

Pera o capital ang unang pangangailangan na dapat mong pagtuunan ng pansin. Kundi, mahihirapan kang pagplanuhan ang mga gawain dahil sa budget mo nakasalalay ang istratehiya at mga taktika para umunlad. Kung sa tingin mo ay kukulangin ka sa kaital, tandaan mo ang apat na “F”na puwedeng panggalingan ng investment – Family, Friends, Fool (yung nabentahan ng ideya mo) at Founders (mga unang partners). Huwag basta uutang sa bangko ng capital kung di ka sigurado sa modelo ng negosyo o ROI mo.

#2 Ang Ideya ng Iyong Negosyo

Maraming aspeto ng pagnenegosyo na puwede mong pag-isipan para magtagumpay. Ngunit nararapat lang na magsimula sa mismong ideya ng negosyo mo. Huwag kang magsisimula ng isa lang ang ideya na iyong ikokonsidera. Masusing pagsasaliksik ang kailangan para mula sa pag-target ng iyong kostumer hanggang sa tinatawag na “customer journey”ang iyong dapat pag-aralan.

#3 Distribusyon

Kung malinaw na ang istratehiya mo sa ideya sa likod ng iyong startup at naiayos mo na ang target kostumer mo, ang susunod na aayusin mo at dedesisyunan mo ay ang distribusyon. Online ba o offline ang gagamitin mo – o pareho? Magkaiba ang mga ito. Kaya dapat, masinsin din ang pagsaliksik kung ano ang aayon sa iyong merkado.

#4 Modelo ng Kita

Saan ka ba kikita sa lahat ng ito? Naisip mo na ba ang iba’t-ibang “revenue streams”na puwede? Huwag iisa lang ang iisipin mong panggagalingan ng kita. Isipin mo na parang bowling pins ang mga ikokonsiderahing panggagalingan ng kita, na ang unang pin – o ang king pin – ay ang maaaring unang panggagalingan ng kita mo. Halimbawa, kung ang unang pagkakakitaan mo ay ang consulting habang binubuo mo pa ang teknolohiya na kakailanganin mo, yan ang king pin mo ngayon. Ngunit habang tumatagal, nag-iiiba ang panggagalingan ng mas malaking kita. Kaya iibahin mon a din ang magiging king pin mo.

Masarap na mahirap ang mag-launch ng isang startup. Ngunit may mga kailangan kang pagplanuhan ng maigi bago magsimula. Maging handa kang mag-adjust ng plano. Huwag kang maging matigas ang ulo kung ayon sa pananaliksik, ay nag-iiba ang modelo ng business mo. Maging open-minded at humanap ng mentor mo para may iba’tibang perspektibo ka.

negosyo Workplace

5 Rason Bakit Kalangan Mo Ng Blog Para sa Negosyo Mo

ni Homer Nievera, CDE |May blog ka ba? Ito ay madalas kong itanong sa mga negosyante – Malaki man o maliit ang kanilang negosyo. Sa larangan ng digital marketing, automatic ang pagkakaroon ng social media pero laging huli ang pag-iisip patungkol sa pagkakaroon ng blog. Kasi ang alam ng mga kausap ko, kung may Facebook ka na, masasabi na itong stratehiya sa digital marketing. Mali ang pag-iisip na ito. Narito ang limang rason kung bakit kailangan ng blog para sa negosyo mo.

#1 Tunay na Presensiya sa Digital

Ang Facebook ay di matatawag na “landing page” kung saan pupunta ang mga kostumer mo online na kapupulutan ng lahat ng bagay at impormasyon patungkol sa produkto o serbisyo mo. Para sa akin, ang halaga ng Facebook ay ang paggamit nito sa customer service, engagement at pagpapalaganap ng mensahe. Ang blog ay ang pangunahing pinaglalayan ng mga content na siyang nais mong mabasa o mapanuod ng mga kostumer mo. Naka-categorize din kasi ang content (o nilalaman) ng blog kaya madaling hanapin ang mga content. Tandaan na mas nakikita sa search engines gaya ng Google ang nilalaman ng mga blog kesa sa Facebook.

#2 Promosyon na Gusto Nilang Mabasa o Makita

Di ba, ang mga ads na nakikita sa TV o sa online ay madalas mong nilalaktawan? Habang ang mga artikulo sa mga blog ay hinahanap at pinag-uukulan ng panahon? Kasi, ang content na hatid ng blog ay “di-intrusive”o di siya abala sa iyong gawain. Ang pagsasaliksik sa isang bagay sa Google ay kadalasang napupunta sa isang blog. Ginusto mo ang content na ito at di basta isinubo sa harapan mo, tama? Kaya mas may kasiguraduhan ka na bibili sa’yo o mag-rerefer sa’yo ng kostumer ang blog kesa sa ads.

#3 Pagpapalaganap na Ikaw ay Eksperto

May kilala akong mga CEO na blogger. Sila itong mga gumawa ng sarili nilang blog at sumikat sila sa pamamagitan nito kahit pa sila’y super busy na tao. Bakit nila ito ginagawa? Bilang CEO ng isang kumpanya, ikaw ang numero unong Salesman ng kumpanya mo. Ang pangunahin mong gawain ay ang maging salesman ng negosyo mo. Sa pamamagitan ng blog, napaparating mon a ika’y eksperto sa iyong larangan kaya naman kapani-paniwala ang sinasabi mo tungkol sa iyong brand. Ang maganda nito, ikaw din ang press writer at press distributor mo. Bilang “ambassador”ng produkto o negosyo mo, trabaho mong palaganapin ang mga balita at opinion mo tungkol sa iyong industriya. Magagawa mo ito ng libre sa yong blog. Bilang isang “thought leader.”

#4 Pagpapalaganap ng iyong Brand

Katulad ng pagpapalaganap ng iyong pagiging eksperto, ang mismong brand mo at mapapalaganap mo sa pamamagitan ng blog. Dahil ang blog ay di pag-aari ng sino man na di gaya ng Facebook at Instagram, kontrolado mo ang paglaki nito. Importante ito lalu na’t ang iyong mensahe ang siya mismong nais mong palaganapin.

#5 Koneksyon at Relasyon para sa Brand at Kostumer

Ang mga blog ngayon ay parang social media na din na may lagayan ng comments, reviews, videos at photos. Ang koneksyon na maaari mong magawa sa pamamagitan ng blog ay gaya na din ng social media. Sa pagtatanong o pag-aahin ng content, ang reaksyon o komento ng mga tagasubaybay mo ay makaka-trigger ng interaksyon mula sa mga kostumer o nais mong maging kostumer. Magagamit mo din sa pagsasaliksik ang mga kasagutang nakalap mo. Tandaan mo na puwede mong ikonekta sa social media ang blog para mas mapalaganap ang mensahe mo. At mas nabibgyan mo sila ng edukasyon ukol sa produkto o serbisyo mo, may nabubuo mo ang loyalty nila sa iyo.

Konklusyon

Dalawang bagay ang gamit ng blog sa perspektibo ng digital marketing – content at SEO. Kaya ito mahalagang aspeto ng iyong istratehiya sa negosyo. Pag-isipan mo muna kung sino ang nararapat na target na mambabasa moa yon sa target kostumer mo. Dun ka magsimula para on-target ang iyong content. Ang keywords na mahalaga sa kostumer ko ay isasama mo sa mga blog para mas mabilis mai-akyat ng Google sa search results.

homer nievera 4

6 na Gawaing Marketing Para Mapalago ang Startup Mo

ni Homer Nievera, CDE | Madali sanang palaguin ang startup na negosyo mo kung ang natatanging pinagbabatayn ng mga kostumer ay galling at kalidad ng produkto o serbisyo. Pero sa totoong digmaan ng pagnenegosyo, marketing ang pinaglalabanan. Tandaan na 90% ng mga startup na negosyo ay nalulugi. Kaya narito ang anim na dapat gawin sa larangan ng marketing para sa startup mo –

#1 Alamin ang Marketing Budget Mo

Hindi puwedeng hinuhulaan lamang ang nararapat na budget mo sa marketing. Sa katunayan, dapat alam mo ang kinikita mo para makapag-allocate ka ng porsyento para sa marketing. Madalas, kung nag-uumpisa ka, mga 20% ng net profit ang ginugugol sa marketing. Investment ang marketing kaya maging masinop sa pera.

#2 Kilalaning Maigi ang Target na Kostumer Mo

Paano ba mabebenta ang isang produkto o serbisyo kung di naman ito ilalako sa tamang tao? Ganyan ang dapat mong itanong sa sarili mo sa larangan ng pagnenegosyo at marketing. Magsaliksik ng mabuti. Sa simula, alamin ang mga bagay-bagay na gusto at kailangan ng merkadong nais mong makuha. Hanggang sa makuha ang ang bawat kiliti nila at gawin mga loyal na kostumer.

#3 Magkaroon ng Mas Personal na Relasyon sa Kostumer

Kung madalas mong kaharap ang kostumer mo, mas mainam. Mas mahirap kasing magkaroon ng mainit at personal na ugnayan sa mga online na kostumer. Pillin ang mga sasabihin o mensahe at panatilihin ang mataas na kalidad ng serbisyo. Batiin sila sa mga mahahalagang okasyon ng kanilang buhay at magbigay ng tamang diskuwento kung kaya. Yan ang simula ng pag-aalaga sa kostumer na tatagal.

#4 Magkaroon ng Tuloy-tuloy at Consistent na Pagpapakilala sa Brand Mo

Maaaring maganda ang pagkakakilala sa brand mo sa una. Pero mauungusan ka ng kalaban kung mas nakikita at nakikilala sila say o.Ganyan kasimple ang prinsipiyo na ito. Wag magpabago-bago ng imahe. DSapat, kung saan ka nakilala, tuloy mo lang.

#5 Mag-invest sa Content Marketing

Sa kumpanya kong Mediablast Digital, ang pangunahing serbisyo namin ay ang content marketing kung saan sa pamamagitang mga iba’t ibang digital content (kasama social media, blogs, video at iba pa), ay pinararating namin ang mensahe ng mga brand. Yan ang dapat mo din pagtuunan ng pansin. Kasi ngayon, sa Internet na naghahanap ng produkto at serbisyo ang mga tao. Pati reviews kasi, mahalaga sa merkado kaya content marketing ang kailangan.

#6 Gumamit ng mga Influencer

Di na masyadong uso ang paggamit ng mamahaling celebrity endorser sa panahon ng social media. Sa halip, mga kilalang personalidad sa YouTube, Facebook at Instagram ang mas ginagamit sa pagtulak ng mga brand. Kung nag-uumpisa ka pa lang, saliksikin ang mga influencer sa social media na may 10,000 hanggang sa 15,000 kada buwan. Malaking bagay yan sa marketing ng startup mo dahil bukod sa mura, mabilis pang lumaki ang mga followers nila.

Malaking bahagi ng pagnenegosyo ang marketing. Wag maging kuripot sa larangang ito. Tingnan mo ito bilang investment at bantayan mo ang ROI para dito.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

9 Tips Para Mapalago ang Startup Mo

ni Homer Nievera, CDE

Madaming dahilan kung bakit bumabagsak ang mga startup na negosyo. Pero kesa pag-aaral pa ang lahat ng ito, narito ang siyam na paraan para maiwasan ang pagkatalo mo.

#1 Pokus lang sa iyong merkado

Huwag palipat-lipat ng kostumer na iyong tutukan hangga’t di mo napapalaki ang isa. Magsaliksik ng mabuti kung tunay na nalulutas mo ang problema nila bago ka gumawa ng hakbang para sa ibang kostumer.

#2 Maging flexible

Dahil mabilis mag-iba ang pangangailangan ng merkado, dapat mabilis ka ding maka-adjust. Mas maigi pa nga na saliksikin ang maaaring maging galaw ng merkado kesa habol ka ng habol sa mga trends. Tandaan, hindi ang kostumer ang mag-aadjust sa ‘yo.

#3 Piliin ang tamang kostumer

Maraming bangungot na kostumer. Iwasan ang mga ito at sa halip, gumugol ng mas maraming oras sap ag-aayos ng relasyon sa mga mabubuting kostumer. Maiiwasan mon a din ang bad vibes sa negosyo.

#4 Piliin ang tamang kostumer

Sa pag-establish ng online business, kailangan ng tiyaga at pagsasaliksik ng aayon sa negosyo mo. Di lahat ng ginagawa ng iba ay gagawin mo din. Piliin ang naaayon sa iyong produkto, serbisyo at merkado. Tandaan ang dalawang bagay na ito: “Content is King” at “Service Excellence.”

#5 Mag-invest sa advertising at promotions

Maglaan ka ng budget para mapakilala ng husto ang iyong negosyo sa maraming kostumer na maaaring di mo pa naabot. Mubuti sana kung kaya mong kumatok sa maraming pinto nang di mo naiiwanan ang negosyo mo, di ba? Maglaan ng mula 5%-20% ng budget mula sa benta para sa advertising at promotions.

#6 Magplano

Di dahil may business plan ka na, ayos ka na. Nagbabago ang merkado at ang kalaban. Laging balikan ang naunang mga plano at baguhin ang kailangan.

#7 Piliin ang tamang team

Di ka nag-iisa sa tagumpay. Kaya kailangang mag-asembol ng tamang team para sa paglago mo. Mas mainam yung iba-iba ang mga kakayahan at talent para maraming kontribusyon sa ideya at implementasyon.

#8 Pag-aralan ang kumpetisyon

Lumingon-lingon ka din sa ginagawa ng kalaban mo sa negosyo. Lahat ng startup may pagkakaiba at pagkakapareho. Siguraduhing alam mo kung bakit sila umuungos at bakit hindi. Malaking tulong yan sa pagpaplano mo.

#9 Social media

Palagi kong isisingit ang larangan ng social media di dahil uso, kundi nariyan nay an sa mahabang panahon. Pag-aralang mabuti kung paano ito gagamitin para sa startup mo. Kumunsulta ng expert o kumuha ng consultant kung di mo gamay ito o walang oras para dito. Tandaan na sa social media makikita ang karamihan ng kostumer mo. Marami ka ding malalamang trends tungkol sa produkto mo o serbisyo at an ang gusto ng kostumer at hindi.

Maging mahilig sa pagsasaliksik sa lahat ng oras. Dito nakasalalay ang paglago ng negosyo mo.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

homer nievera 2

3 Bagay na Dapat Malaman Bago Magtayo ng Online Business

ni Homer Nievera, CDE | Malamang, sobrang excited ka ng magnegosyo ng Online Business. At malamang din, ang napiling mong paraan ay ang pagkakaroon ng online na negosyo. Bakit nga hindi? Bukod sa uso ito, malaki na din ang naging sakop nito kaya naman pati ang malalaking retailer gaya ng SM at iba pa ay pumapasok na din.

Ano nga ba ang pruweba na hinog na hinog na ang online business sa Pilipinas?

Kung nakabili ka na sa mga online ecommerce platforms gaya ng Lazada, Zalora, Shopee at iba pa, malamang may alam ka na sa laki ng industriyang ito. Sa mundo, nakilala si Jack Ma bilang malaking negosyante na mula Tsina, nang dahil sa Alibaba. Kaya naman marami ng nahihikayat na sumali sa ecommerce.

Pero bago ka tumalon, narito ang tatlong bagay na dapat mong malaman bago ka sumabak sa online business. Basahin –

#1 Hanapin ang Iyong Merkado

Maaaring may mga napipisil ka ng mga bagay o serbisyo na ikakalakal mo online. Pero ang dapat mo unang pagtuunan ng pansin ay ang merkado na iyong bebentahan. Ang isang merkado ng mga kostumer na dapat mong pagsilbihan ay dapat maliit lamang. Huwag kang magkamaling targetin ang malaking merkado kaagad. Mas maliit mas maiigi. Tandaan na mas Malaki ang merkadong tinatarget mo, mas Malaki ang imbentaryo at marketing ang kakailanganin mo. Mas malaking kapital ang kailangan. At kahit na may sapat kang kapital, maaaring Malaki din ang maging talo mo kung di mo pa kabisado ang bawat aspeto ng merkado mo.

Maging masinsin dito. Halimbawa, kung taga-Makati ang target mo, saang parte ng Makati ba? Sa may Ayala ba o sa may Bangkal? Magkaiba ang panlasa ng mga tao sa mga lugar na ito. Babe ba o lalaki ang target mo? Ano’ng edad? Ganun ka dapat mag-target. Ang madalas kong payo kung tatarget ka ng masinsin sa online, isipin mong ikaw ay nagkakape kasama ang isang taong nais mong bentahan. Tatanungin mo siya at oobeserbahan. Ayon sa datos na makukuha mo, malalaman mo ang klase ng produkto o serbisyo na maihahandog sa kanya. Tandaan, maraming tao ang gaya niya. Yun ang pagsimulan mong gawin – masinsing pagtarget – o sa ingles, niche marketing.

#2 Magsimula sa Iyong Kasalukuyang Kostumer

Malamang, kilala mo na ang iyong maaaring maging kostumer. Dun ka mismo magsisimula. Gaya ng pagsala ng mga pangunahing kostumer, kailangan mo pa ring mag-market sa kanila. Ayon kay Bill Gates, “Content is King!” Yan ang pangunahing gagawin mo. Isaayon ang lahat ng maaari mong maging content gaya ng – artikulo, blog, vlog, at marami pang iba. Dahil nasa online ang iyong merkado, digital marketing ang pangunahing sandata mo sa pag-market sa kanila. Ang social media ay balewala kung di maayos ang programa mo sa content.

Kung nakuha mo na ang lahat ng mahahalagang datos sa unang salang mo sa online bisnes mo, malamang, kaya mo ng palakihin ang bilang ng mga kostumer mo. Tandaan, na mabilis kumalat ang masamang review ukol sa masamang serbisyo online. Kaya ang motto mo dapat: excellent service!

#3 Tamang Mindset ang Kailangan Mo sa Online Business

Ibang-iba ang pagnenegosyo online kumpara sa “brick and mortar” na business. Isipin mo na mahalaga ang masinsin na pag-aaral sa maraming aspeto ng negosyo. Di naman imporatante ang pagiging techie. Ang mahalaga ay ang mindset mo na marami kang kalaban sa atensyon sa online business. Marami ding plataporma na puwedeng gamitin na dapat ding pag-aralan. Huwag kang hihinto sa pagsaliksik sa kung ano ang mga dapat gawin at di gawin online.

Sa pag-establish ng online business, kailangan ng tiyaga at pagsasaliksik ng aayon sa negosyo mo. Di lahat ng ginagawa ng iba ay gagawin mo din. Piliin ang naaayon sa iyong produkto, serbisyo at merkado. Tandaan ang dalawang bagay na ito: “Content is King” at “Service Excellence.”

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

homer nievera 3

Negosentro.com Lands 5th Among Top 15 Best Philippines Business Blogs 2018

by Homerun Nievera, CDE | Great news for readers of my column Negosentro on the only daily business tabloid in the Philippines — Pilipino Mirror! My blog Negosentro.com was voted by Feedspot as among the Top 5 of the Top 15 Philippine Business Blogs for 2018! Anuj Agarwal, founder of Feedspot (which also has an app) sent us an email to confirm the news.
Feedspot helps you keep track of all your favorite blogs, news sites, Youtube channels and RSS feeds in one place. It makes checking your favorite sites as easy as checking your emails.

Just so glad to receive this fantastic recognition.

The choice for the Best Philippines Business Blogs were culled from thousands of Philippines Marketing blogs on the web using search and social metrics. He asked his thousands of followers to subscribe to these websites “because they are actively working to educate, inspire, and empower their readers with frequent updates and high-quality information.” What a heartwarming affirmation of the painstaking work we do.

Besides landing 5th in the Business Blogs category, Negosentro.com also landed 4th place in the Top 15 Philippines Content Marketing Blogs and 10th place in the Top 15 Philippines Email Marketing Blogs.

Agarwal added, “these blogs are ranked based on following criteria…”

  • Google reputation and Google search ranking
  • Influence and popularity on Facebook, twitter and other social media sites
  • Quality and consistency of posts.
  • Feedspot’s editorial team and expert review

Negosentro.com ranked behind top business blogs in the country such as Entrepreneur Philippines and BusinessWorld.

3 Importanteng Gagawin Bago Mag-launch ng Startup na Negosyo

3 Importanteng Gagawin Bago Mag-launch ng Startup na Negosyo

ni Homer Nievera, CDE | Maaaring gigil na gigil ka nasa naisip mong negosyo. Gusto mo nang mapabilang sa mga mainit na startup at magpayaman ng husto. May mga kinakausap ka ng mga investors at mga co-founder mo.

Pero, teka muna. Handang handa ka na ba talaga? Silipin mo lang itong tatlong bagay na dapat mong :

#1 Mag-ipon Para sa ‘Tag-Ulan’

Oo nga, tag-ulan na ngayon. Ganyan din sa mga unang buwan ng pag-nenegosyo. Dahil di pa siya masyadong establisado, dapat may ipon ka para sa sarili mo. Kaya naman bago ka sumalang, siguraduhing may pera kang panggastos sa araw-araw. Siguro sapat na ang pang anim na buwan. Mabuti na yung sigurado lalu na kapag may emergency. At kapag tumatakbo na ang negosyo, siguraduhing nababayaran mo ang sarili mo ha?

#2 Dapat meron kag Solid na Plano

Ang dami diyan, sinasabing sure ball sila sa negosyo nila. Kapag tinatanong ko kung solid ang plano, sasabihin na ‘Oo’ daw. Kapag hiningi ko nang makita ito, isang pahinang Word na dokumento ang meron. Mas malala yung nasa napkin ang plano.

So ano ang ihaharap mo sa mga investors? Bukad sa simpleng Powerpoint presentation, mas mainam nan aka-Excel na ito para sa mga numero gaya ng budget, etc. Kung wala man lang ganito, hindi solid ang plano. O kaya – walang plano!

Bargain sa palengke ang mga sabi-sabing plano kung walang maayos na nakasult. Kuwentong-barbero, wika nga nila. Tandaan, kung di nakasulat, walang mangyayari dahil di ka seryoso.

#3 Matuto sa Nakaraan

Sa Amerika, mas higit na nakakarami ang mga nagtatagumpay na startup kung ang nagtayo ay edad 50 pataas. Bakit? Kasi malawak at mahaba ang ekspiriyensya nila. Galing na sila sa iba’t-ibang labanan ng pagnenegosyo.

Kung ikaw ay below-40 na edad, mas makakabuting makipag-usap sa mas nakatatanda para malaman ang di dapat at dapat mong gawin para magtagumpay. Pakinggan sila. Kunin mo sila sa board of directors o bilang consultant. Malaking bagay ang may mga ganitong tao sa pagnenegosyo para di ka na mangangapa.

Ang pagtatayo ng startup na negosyo ay di biro. Kahit marami kang kapital, di ka dapat kampante. Ang maayos na preparasyon at 50% na ng tagumpay. Kaya maghanda ng Mabuti. Ayusin ang mga plano at magtanong sa mga eksperto.

Sa huli, wala kang pagsisisihan dahil malamang, nakaumang na ang tagumpay mo!

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

homer nievera 8

5 Usaping Legal na Nakakaligtaan ng mga Startup na Negosyo

ni Homer Nievera, CDE | Lahat ng mga startup na negosyo ay may kanya-kanyang galing. Madalas, ang mga founder at co-founder ng mga startup ay may kanya-kanyang espesyalidad na magagamit sa pagnenegosyo. Kaya nga lang, madalas makalimutan ang usaping legal na sa huli, pinag-aawayan ng mga co-founder ng negosyo.

Narito ang limang bagay na dapat ayusin habang maaga pa lamang, para di magkaroon ng problemang legal sa darating na panahon. Basahin natin:

#1 Kawalan ng ‘Co-founders o Shareholders Agreement’

Sa tuwing nag-sisimula pa lang ang aming diskusyon sa mga mga co-founders o ka-negosyo sa aming itatayong startup, pinag-uusapan na ang kanya-kanyang kontibusyon, pinansiyal man o kakayahan. Simple lang naman ang mga usapan lalu na kung magkakaibigan. Kaso, kapag lumaki na ang negosyo, nag-iiba na ang ihip ng hangin. Ang napag-usapan, nakakalimutan, o di kaya’y iba ang napag-initindhihan pala. Kaya ang solusyon, sa una pa lang, bago mag SEC o i-rehistro ang negosyo, magkaroon muna ng MOA (memorandum of understanding) o Shareholders o Co-founders Agreement na siyang maglalagay sa kontratang legal ang napag-usapan. Sa gayon, may basehan ang mga pinag-usapan, matagal man itong patutunguhan ng negosyo.

#2 Ano’ng klaseng kumpanya ang itatayo

Sa amin, awtomatiko na korporasyon agad ang aming itinatayo (kung nasa Pilipinas ka) bilang personalidad ng aming negosyo. Di dahil startup ka, DTI na agad ang pupuntahan mo. Mas mainam na sa SEC ka mag-file dahil na din sa dami ng benepisyong makukuha ng negosyo mo, lalu na sa paglaki nito. Isang simpleng basehan ay ang klaseng “exit” na nais mo sa dulo. Kung ang exit na piinili mo ay mag lista sa Stock Exchange (IPO – initial Public Offering), nasa karakter ng pagiging korporasyon ang mainam para dito, dahil rin sa maaaring palawigin ang shares ng kumpanya. Meron ding BMBE (Barangay Micro-Business Enterprise) na maaaring gamitin sa mga micro-business dahil may moratorium ito sa mga buwis. Magsaliksik ay pag-usapan ito ng mabuti. Sa mga susunod na pitak ko ilalahad ang mga ito.

#3 Employment Contract

Bawat empleyado ay dapat na may kontrata, kahit isa lang ito. Naka-detalye dito ang deskripsiyon ng kanyang trabahao, sweldo at iba pa. Madalas kasi, napagsisimulan ito ng hidwaan lalu kung lumalaki na ang negosyo. Sa aming kumpanya, may mga ‘work-from-home’ na empleyado kami na nagsimula na part-time o project. Nung tumagal, kinuha na din naming sila at inilahad sa Employment Contract nila na ok lang sa amin na ituloy pa rin ang work-from-home basta may mga output silang ibibigay. Depende na sa inyong usapan ang mga nakalahad ditto. Kumunsulta din sa mga eksperto tungkol dito dahil mahigpit ang Labor Code.

#4 Intelectual Property (o IP)

Kung kilala na ang brand mo o kaya’y alam mong sisikat ito, o may kalakip na kakaibang teknolohiya ito, ipa-IP mo na agad. Ito ang proteksyon mo sa lahat ng iyong negosyo para di ka basta-basta gagayahin. Magagawa naman ito online. Magkaiba ang copyright at patent kaya saliksiking mabuti ang nararapat o bagay sa negosyo o produkto o serbisyo mo.

#5 Government-mandated Benefits

Mula sa SSS, Philhealth at Pag-ibig, hanggang sa pag-file ng buwis, lahat ito ay kailangang pagtuunan ng pansin sa startup mo. Huwag mo itong ibabale-wala dahil may kasamang malaking multa at kulong ditto. Meron ding Data Privacy Act sa Pilipinas. Basahin ito at siguraduhing magawa. Malaking multa din at kulong ang kasama ditto. Tandaan din na may kanya-kanyang data privacy law ang bawat bansa gaya ng sa EU na GDPR na sakop ang sinumang nag-access sa website mo at nasa iyo ang data ng kostumer.

Mas madali at hassle-free ang pagnenegosyo kung ang limang usaping legal an inilahad ko ay masusunod. Marami pang dapat ayusin sa aspetong eto ngunit ang limang ito ay agad na pagtuunan ng pansin.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.