(Visited 553 times, 4 visits today)
Organisado sa Pagnenegosyo

5 Paraan Para mas Maging Organisado sa Pagnenegosyo

ni Homer Nievera, CDE, CVM | Nararamdaman mo na ang panimulang pagbuhos ng trabaho ngayong simula ng taon? Mas malamig man ang panahon dala ng amihan, umiinit naman ang pagnenegosyo mo.

Yun lang, parang di ka masyadong nakapaghanda kaya dispalinghado ang mga bagay-bagay. Tila kulang ang oras sa isang araw para tapusin ang lahat ng dapat mong gawin.

Kaya naman narito ang ilang bagay na maaaring makatulong sa pag-organisa ng iyong araw at negosyo sa pangkalahatan. Tara na!

#1 Maghanda sa gabi pa lang

Ito nag pinaka maayos na paraan sa paghahanda ng araw mo – ang gabi bago ang kinabukasan. Marahil, marami na ding nakakalimot sa simpleng gawain na ito. Ang iba rin kasi ay naging ugali na ang pagliban sa paghahanda sa gabi para sa mga gawain kinabukasan.

Ang simpleng pagsasaayos ng schedule mo ay malaking bagay ang magagawa dahil na din sa kahandaan ng iyong isipan sa mga gagawin kinabukasan. Halimbawa, may mga meeting ka sa umaga. Di ba mas mainam yung pinaghandaan mo ito nang husto o nirebyu man lang ang presentasyon mo sa gabi pa lang? Malaking bagay yun kasi maiibsan ang pag-agam-agam mo sa umaga.

Kaya gabi pa lang, alam mo na ang mga dapat i-priyoridad kinabukasan.

#2 Mag-invest sa mga epektibong planner

Noong isang linggo, niregaluhan ako ng isang partner ko mula sa Amerika ng isang planner na tinatawag na High Performance Planner. Alam kong mahal ito dahil sikat ito sa mga magagaling na negosante sa Amerika.

Sa totoo lang, mahilig ako sa mga ganitong bagay dahil kahit nasa teknolohiya na ako, medyo old school pa rin ako patungkol sa mga planner. Gusto ko pa rin iyong isinusulat talaga kahit karamihan ng mga bagay sa akin ay nasa apps na o nasa web.

Malaking bagay sa planner ko ang Google Calendar nan aka-sync sa aking cellphone.

Ang mahalaga, anuman ang iyong nakasanayan, basta epektibo sayo, gamitin mo. Kung wala kang epektibong planner, maghanap ka kasi malaking bagay ito sa pagpa-plano ng araw mo at gayundin ang buong taon mo. Sab inga, ang isang pangarap na walang plano at mananatiling panaginip lamang.

#3 Sa umaga magbasa ng mga email

Ang bagay na ito ay medyo struggle sa akin kasi halos 24/7 ang mga negosyo ko. Kahit pa sa umaga talaga ako nagbabasa ng email – kung Pilipinas ang pinag-uusapan, sa ibang parte ng mundo, mga alas-diyes ng gabi ang umaga sa kanila at ako’y nagbabasa din mga email na bubuhos na ng ganung oras.

Ang halaga ng pagbabasa sa umaga ng mga email ay nagsasabing dapat aksyunan ang mga dapat aksyunan sa maghapaon pagkatapos basahin ang mga email. Marami kasi sa mga emails mo ay dapat aksyunan. Kasi kung sa hapon ka magbabasa, lumampas na marahil ang oras na dapat mas marami kang naaksyunan.

#4 Maglaan ng oras sa sarili

Kung sa isang buong araw ay puro ka trabaho, malamang manghihina na din ang utak at katawan mo dahil nawalan ka ng oras sa sarili mo.

Tandaan na ang taong walang pahinga o pagtuon sa sarili, ay mawawalan din ng gana sa pagtartrabaho.

Sa simpleng pagkakaroon ng oras para magkape ng 15 minuto, malaking bagay ito sa aking pag-recharge. Kasalukuyang ala-una na ng madaling araw at gising na gising pa din ako ngayon. Bakit? Naging “me-time” ko ang oras na ito, bago man lamang makatulog. Enjoy kasi akong magsulat para sa pitak ko. Eto sa akin ang aking outlet para maibahagi ang isang parte ng buhay ko sa inyo. Yan ang oras ko sa sarili na inilalaan ko para sa iba.

Kanya-kanyang oras o panahon yan. Ang mahalaga, maglaan ng oras para sa sarili mo. Pahinga din pag may time!

#5 Maglaan ng oras sa kalusugan at meditasyon

Maraming mga tao ang ang nakakaligtaan ang kanilang kalusugan. Kasama na nga dito ang meditasyon kung saan tila kumakalas ka sa gulo ng buhay at negosyo at nakatuon lamang ang iyong isipan at diwa sa sarili mo.

Sa ganang akin, ang inuuna ko sa paggising ko sa umaga ay ang pagdarasal. Ito na din ang aking oras ng meditasyon. Dahil late na akong magising dahil sa gawain ko sa gabi, halos dalawang beses lang akong kumakain na ang tawag pala ay I.F. o Intermittent Fasting. Di ko alam na may tawag pala doon. Normal lang kasi sa akin yun at maganda pala ang naidudulot nito sa katawan.

Ngunit ang pinakamahalaga sa akin sa larangan ng kalusugan ay ang tulog! Kung kulang ka nito, matamlay ka sa buong maghapon.

Kasama sa aking payo ay ang ehersiyo at ang mga bitamina kasama ng maayos na pagkain. Iwasan mo din ang nakaka-stress sa yo.

Pagtatapos

Mahirap maging entrepreneur. Marami kang kinakaharap sa araw-araw. Ngunit, kung kaya mong i-organisa ang iyong araw, lahat magagawa ng maayos at nasa oras. Focus lang at maging komited ditto.

Hanggang sa muli mga ka-negosyo!

Si Homer Nievera ay isang technopreneur. Maaari siyang makontak sa email niya na chief@negosentro.com

Content Writing

Content Writing Is the New Copy Writing

HomerNievera.comContent writing involves crafting content for use in different areas, and often not in a much specific context. Copywriting, on the other hand, involves coming up with content or text that will mostly feature in ads or other marketing stuff.

However, the line between content writing and copywriting continues to grow thinner and thinner by the day, as content writing increasingly becomes the new copywriting.

The Endgame Is the Nature of the Content

Content writing mainly involves coming up with content or text, and this is a bit meaningless until some context is involved. Copywriting has a key focus on adverts and publicity, which sets some differences to copywriting. When content writing has some sense of direction, purpose, or context, then it changes the whole thing.

A marketing context when coming up with content qualifies the end product for use in adverts and other publicity efforts, and this becomes copywriting in some way. In today’s world, where this is happening at scale, then content writing effectively becomes copywriting.

Content Writing Is More Ubiquitous

Content writing has gained a lot of traction in the recent past, and it has surpassed the growth rate of copywriting. Many individuals today focus more on coming up with content compared to coming up with copy for marketing needs. The content that comes from content writing can easily go through modifications and editing to bring up the aspect of marketing, and this is what is happening in today’s marketing arena, and that is why, by the day, content writing becomes more and more of copywriting.

Further, it is also important to note that content is king. Today, many people prefer content to other stuff, as content helps to air and bring important information that is of interest to the readers. In this sense, therefore, content writing has emerged as an area that plays a significant role in marketing and advertisement than copywriting as an advertisement technique.

Reasons For Objectivity

Copywriting has a key end goal of coming up with text for adverts and publicity. This means that most of the content will lean towards advertising and pointing out the best use cases and scenarios of the product, without objectively looking at some downsides as well. While the general rule of advertising is to let the public know the best about the product, keeping them away from some of the shortcomings could also be a very key undoing.

Content writing is the new copywriting because it uses a unique approach in the content creation or content formulation process. It is a bit more objective, and looks at important aspects of the product, without compromising on the marketing and advertising side as well. This makes content writing all-encompassing, and also makes it a more substantial alternative to copywriting, especially in today’s age.

The Evolution of Marketing

The business environment is dynamic, and day in day out, new methods, approaches, and systems come into place. There have been changes to the marketing arena as well. Customer choices and preferences change by the day, and this leads to some tectonic changes or shifts in marketing configurations.

With more needs for information and content, content writing is rapidly gaining traction in the marketing space compared to copywriting, and increasingly, content writing is finding its place in the marketing field.

In summary, the unique approach used in content writing makes it difficult to ignore its applicability in adverts and publicity, and it is precisely the reason why it has become the new copywriting.

Lumaki ang Benta

5 Paraan Para Mas Makakuha ng mga Kliyente o Kostumer at Lumaki ang Benta

ni Homer Nievera, CDE, CVM | Sa dami ng puwede mong gawin para makakuha ng mga kliyente para sa iyong negosyo, sumasakit na siguro ang ulo mo.

Malamang din, nagawa mo na ang lahat ng alam mong gawin.

Sa totoo lang, marami pang puwedeng gawin na may kinalaman sa marketing ngunit mahitrap ding mamili at linangin ang mga nakaumang dagdag kaalaman na marami naman sa internet. Kaya naman naglista ako ng ilang magagamit mo na ngayon para sa startup o negosyo mo.

Tara na!

#1 Ayusin ang SEO ng Website mo

Kung may website ka, ang tanong, eh, kung meron bang nakakakita sa iyo kapag nag search sa Google? Yan ang madalas na tanong na mahirap tanungin at ang tingin nang marami ay kailangan ng mga eksperto sa SEO (search engine optimization).

O, sige, totoo namang kailangan itong gawin ng isang eksperto. Ngunit sa simpleng paraan, makakatulong ang pagsulat mo ng mga artikulo sa ilalagak mo sa website mo, patungkol sa iyong negosyo. Puwede naman kasing eksperto ka talaga sa larangan na may kinalaman sa produkto o serbisyo mo. Sa pamamagitan kasi nito, ang algorithm ng Google na mismo ang mag-aayos para Makita ang sinulat mo. Mas maraming artikulo, mas ok.

Ang mahalaga dito ay ang paggamit mo ng mga tinatawag na “keyword” na may kinalaman sa produkto o serbisyo mo. Huwag ka lang sosobra sa limang beses sa pagbanggit kasi di na din ito gusto ng Google.

Sa loob ng ilang lingo o ilang buwan, makikita mo na ang resulta.

#2 Gumamit ng mga Testimonials

Naalala mo ba ang site na Friendster? Kung kasama ka pa sa henerasyon na ito, malamang naalala mo ang paghingi ng “testi” – o testimonial.

Sa panahon ngayon, dahil marami na ang gumagamit ng teknolohiya gaya ng internet, ang pagkuha ng mga testimonial sa mga kliyente o kostumer ay mahalaga. Kung may online business ka gaya ng sa Lazada o Shoppee, mapapansin ang halaga ng positive reviews, di ba?

Tandaan na kung nakikita ng mga tao ang mga testomonyal, na-eenganyo silang bumili sa iyo. Siyempre, dapat tunay ang ang mga sinasabi nila at bawal mag-imbento. Gamitin ang TrustPilot.com para makakuha ng tunay na ratings anuman ang negosyo mo. Puwede mong hingin ang review nila at papuntahin sa site na ito. Kasunod nun, puwede mong kunin ang link ng reviews sa Trust pilot at ilagay sa mga email mo, website at kung saan makikita ng iba.

#3 Balikan ang mga regular at dating kostumer o kliyente

Ang karamihan ng mga nagnenegosyo ay nakakalimot na makipag-ugnayan sa mga regular at dating kliyente o kostumer. Ang pakikipag-ugnayan sa kanila ay malaki ang ang magagawa sa sales mo.

Alam mo bang ang probabilidad na makakabenta ka uli sa dati mo ng kostumer ay mula 60% hanggang 70% kesa bagong kostumer? Di lang yun. Ang mga dating kliyente ay gumagastos ng mahigit 33% sa bagong kostumer.

Kaya kung mag focus ka muna sa dati at regular mong kostumer, mas makakabenta ka. Simple lang kasi yan. Ang mga kostumer mong natuwa sa produkto o serbisyo mo ay siya na ding magdadala ng ibang kostumer. Kasama na din yan sa mga testimonyal na hinahanap mo.

Tandaan na kung masaya ang mga kostumer mo sa ginagawa mo, libreng marketing nay an. Kaya naman responsibilidad mo bilang negosyante and ayusin ang kalidad sa lahat ng bagay.

#4 Magbigay ng libreng workshop o maging tagapagsalita (speaker)

Kung may mga lokal na organisasyon na puwede kang magbigay ng iyong kaalaman, mainam ito bilang marketing mo. Ang ganitong istratehiya ay nakakagawa ng ingay ukol sa pagiging eksperto mo at gayundin ukol sa mga produkto o serbisyo mo.

Madalas kasi, mga consultant sa iba’t ibang larangan ang gumagawa nito. Pero ikaw bilang negosyante ay maraming kaalaman na maibabahagi sa mga kapwa negosyante at sa mga nais makuhang kostumer.

Sa katunayan, marami akong naging kostumer sa mga negosyo ko dahil sa pagiging resource speaker sa mga larangan na aking naibabahagi.

Ikaw, kaya mo ding gawin yun. Magsimulang mag-network sa mga organisasyon.

#5 Gamitin ang social media

Baka naman nakalimutan na ang halaga ng social media. Pero bago mo isipin na mukhang nagawa mon a ang lahat ukol dito, tingnan muna ang paggawa ng iba’t ibang content gaya ng video at podcast at ilarga sa social media.

Kung kaya mong gumawa ng mga video na naglalarawan ng iyong expertise at naibabahagi mo ang mga kaalaman mon a may kinalaman sa negosyo mo, mas ok yun. Gayundin sa paggawa ng mga podcast. Ang pinagkaiba lang naman nila ay yung isa video at yung isa audio. Ang mahalaga ay ang content o yung nilalaman ng nais mong ibahagi.

Pag-aralan muna ang mga istilo na ginagawa ng iba. Saliksikin ito sa Youtube, Facebook at Instagram. Ang iba naman, sa Linkedin gumagalaw.

Pagtatapos

Mahalaga ang sales at marketing sa negosyo. Kailangan mol ang sipagan pa at ang pagiging malikhain upang maibahagi ang iyong mensahe sa mga kliyente at kostumer. Tandaan na di moa gad makukuha ang tamang timpla. Basta tuloy-tuloy lang sap ag experiment at makukuha mo din ang angkop sa negosyo mo.

Lagi kang magkaroon ng kompiyansa sa sariling kakayahan at mag-aral pa sa mga kakulangan.  Magkaroon ka ng sipag at tiyaga at ang maging masinop sa lahat ng bagay.

Buong tapang mong harapin ang bukas. Ipagpatuloy ang positibong pananaw at kilalanin ang kakayahan mong lumago. Higit sa lahat, mangarap para sa kinabukasan kasama ng pagtiwala sa sarili at pananampalataya sa Diyos.

Gogogo!

Si Homer Nievera ay isang technopreneur. Maaari siyang makontak sa email niya na chief@negosentro.com

super entrepreneur

10 Kasanayan na Dapat Meron Ka Para Maging Super Entrepreneur sa 2020

ni Homer Nievera, CDE, CVM | Narito na tayo sa 2020. Excited ka na ba ka-negosyo? Sinaliksik natin ang iba’t-ibang mga payo ng mga matagumpay na super entrepreneur. Tiningnan natin ang kanilang mga gawain at paniniwala. Sampung skills o kasanayan ang ating naipon para maibahagi sa inyo. Tara na at matuto!

#1 Bawal maging nega!

Ito marahil ang pinaka-karaniwan sa lahat nang nabasa ko at napanood, gayundin sa mga nakausap kong mga bilyonaryong entrepreneur. Ang pagiging negatibo sa maraming bagay ay tila isang pinto na nagsasara sa mga oportunidad na pumapasok sa yo.

Sa totoo lang, di basta lumalampas ang mga oportunidad. Sa katunayan, lagi mo itong nasasagap. Yun lang, dahil nega ka, di mo ito napapansin. Para sa yo, lahat ay problema. Yan ang dala ng negatibong saloobin at pananaw.

Ang madalas na payo ko dito, bukod sa pagkakaroon ng positibong pananaw, ay iwasan ang negatibong kapaligiran kasama na ang pag-iwas sa mga negatibong tao.

#2 Matuto sa nakaraan

Ayon sa isang artikulo sa New York Times, ang nakaraang ating madalas maalala ay di yung mismong mga nangyari. Kundi, ito ay naaayon sa ating nais maalala.

Kung ang pananaw mo ay negatibo o positibo, ito din ang pagkakaalala mo dito.

Kaya kung positibo ang iyong pananaw sa buhay at negosyo, malamang na ang tingin mo sa bawat pagkabigo sa yong nakaraan ay lekson at di kamalasan.

Ito na ngayon ang dapat mong gawin – ang matuto sa nakaraan. Ang taong di natuto sa kanyang mga tagumpay at pagkabigo sa nakaraan ay parang bulag sa kasalukuyan. Huwag aksayahin ang bawat leksyon. Kasama yan sa paaralan ng buhay. ‘Ika nga, charge to experience.

#3 Laging ayusin ang kapaligiran at kasama

Kung positibo ang kapaligiran mo at positibo ang iyong mga kasama sa buhay at negosyo, lahat ay aayon lahat ng sitwasyon ay aayon sa yo.

Ang inspirasyon at idea na nagkakaroon ang mga super entrepreneur ay di dahil sa magugulong sitwasyon. Ang utak ng tao ay kusang gumagana kapag inspirado siya, di ba? Kaya kung ang kapaligiran mo ay di pinanggagalingan nang motibasyon para sa isang negosyo, baguhin mo na ito.

Sa akin, ang mga inspirasyon ko at mga ideya ay nabubuo kapag nag-shower ako o kaya’y nagdadasal. Kapag napapaligiran ako ng tubig, gaya ng sa swimming pool o dagat, nabubuo ang sanga-sangang ideya na aking binubuo sa isip ko.

Kanya-kanyang kapaligiran yan, ayon sa iyong karanasan at nakasanayan. Hanapin mo ito. Basta, wag mong kalimutang ayusin ang mga taong nakapaligid din sa yo. Kasama yan sa dapat ausin o baguhin.

Ang madalas kong ipayo sa mga batang entrepreneur, ay umiwas sa mga negatibong tao at sitwasyon. Gayundin ang pagsama sa mga taong mas magagaling sa yo. Bukod sa positibo ito, may matututunan ka din.

Tandaan lang na di dahil magaling, maayos na kasama. Puwede din kasing puro iligal naman ang Gawain ng mga ito. Nega na yun.

#4 Hanapin ang “bakit?”

Kung ang rason mo sa nais na maging matagumpay na entrepreneur ay upang yumaman lamang, mabibigo ka lang. Ayon sa kilalang guru na si Simon Sinek, kailangan mong magsimula sa tanong na “bakit?” para malaman mo ang layunin mo sa buhay at pagnenegosyo.

Nung nagsimula ako sa pagsusulat sa blogs ko, nais ko lang maibahagi ang mga nababasa ko na alam kong makakatulong sa mga kapwa ko entrepreneur. Mabilis kasi akong makaintindi nang mga nababasa ko at naiaayon ko sa iba’t-ibang sitwasyon. Nang lumaon, dumami ang mga blogs ko hanggang naging negosyo ko na ito. Dahil nasa Ingles ang mga salita, at naitaguyod ko ito sa labas ng Pilipinas, nasa 183 na bansa ang aking mambabasa. Sa pitak na ito ko lamang naibabahagi sa salitang Tagalog ang aking mga kaalaman sa pagnenegosyo.

Sa halimbawang ito, makikita na ang ninais ko lamang ay makapagbahagi ng kaalaman. Nang lumaon, naging negosyo na ito.

Ikaw, ka-negosyo, ano ang layunin mo sa pagnenegosyo at sa buhay?

#5 Simple lang ang lahat

Sa totoo lang, ang buhay at pagnenegosyo ay simple lang. Di naman komplikado ang mga bagay-bagay, ngunit tayo na mismo ang gumagawang komplikado sa mga ito, di ba?

Sa pagsisimula sa isang negosyo, kailangan sa simpleng paraan ay maibahagi mo ang ideya sa pumapaloob dito. Dapat alam mo kung sino ang kostumer mo at bakit siya bibili sa yo. Dapat alam mo din kung nasaan ang kita dito. Sa loob ng isang minuto, kaya mong sabihin ito sa kahit na sinong makikinig.

Kung komplikado ang iyong mga proseso sa umpisa pa lang, baka mahirapan kang palakihin ito. Si Mark Zuckerberg at mga kasama niya ay sinimulan ang Facebook sa pagnanais na gumawa ng direktoryo ng mga babae sa campus nila. Ganun lang yun talaga. Nang magawa na nila ito, marami nang gumamit nito at lumago ang features dahil na din sa kahilingan ng mga gumamit. Nang lumaon pa, nagkaroon na ito ng pamamaraang kumita. At ayun, the rest is history, ‘ika nga.

Isang simpleng tip, ka-negosyo – kung kaya mong ilarawan sa isang papel na napking ang iyong ideya, alam mong simple lang ito.

#6 Ilarawan sa isip ang iyong tagumpay

Marami akong kilalang nag-uumpisang magnegosyo na di nila kayang i-visualize o ilarawan sa kanilang isip ang kanilang tagumpay. Kung di mo kasi tila nahahawakan ang tagumpay sa iyong kamay sa loob ng iyong pag-iisip, mahihirapan kang makamtan ito.

Ang tawag dito ay visualization, kung saan tila lasap mo ang tagumpay. Nakikita mo sa iyong isip kung paano ka nagtatagumpay at ano ang ginagawa mo sa panahon ng tagumpay na ito.

Noong nagsimula na akong magtrabaho, naitatak ko sa isip ko ang larawan ng sarili ko na nakaupo bilang manager ng isang departamento sa isang malaking kumpanya. Sa edad na 22, naging head ako ng isang departamento.

Tandaan na kung kaya mong i-visualize ang isang ideya, kaya mo itong magawa. Ang pangarap mo ay ang iyong hangganan.

#7 Malinaw at epektibong komunikasyon

Kung di ko kayang mailarawan ang iyong ideya sa ibang tao, talo ka na sa umoisa pa lang. Ang malinaw at epektibong komunikasyon ay isang kasanayan o skill na dapat mong matutunan.

Nabubuhay tayo sa isang komunidad na kailangan ng palagiang komunikason sa isa’t-isa. Kahit na online ang iyong negosyo, may komunikasyon pa ding nagaganap sa pamamagitan ng chat, text, email, video at iba pang pamamaraan.  Ang mahalaga ay matutunan mo ang tamang pamamaraan upang makapag-ugnayan ka nang epektibo sa kostumer at partners mo.

#8 Kasanayan sa sales o pagbebenta

Lahat ng may-ari ng isang negosyo ay marunong magbenta. Di puwedeng aasa lang sa ibang tao para gawin ito. Sa konseptong 1-4-3, ang 1 ay nangangahulugang dapat ay makabenta ka sa isang tao bago sabihing entrepreneur ka. Ang 4 ay nangangahulugang ma-deliver mo ang iyong naibenta sa loob ng apat na araw o apat na linggo. Ang 3 ay uulitin mo ang proseso nang tatlong beses.

Kaya di mo puwedeng sabihing di ka mag-se-sales. Mahalaga itong skill na ito bilang super entrepreneur. Marami namang mapapanood sa Youtube at mababasa sa Internet ukol sa tamang pamamaraan nang pagbebenta. Ang importante, pahalagahan mo ito at maging eksperto sa iyong produkto o serbisyo.

Kung di mo kayang ibenta ang produkto o serbisyo mo, paano ka kukuha nang taga-benta mo?

#9 Focus, focus, focus.

Kahit ano’ng galing mo sa maraming bagay, kung wala lang focus, sasabog lang ang negosyo mo.

Madalas, marami taong ideya sa maglago nang ating negosyo. Kailangan mol ang linangin ito at alamin ang dapat unahin at mag-focus sa pamamaraan na iyong napili. Parang yung maraming nakabukas na pinto ng oportunidad sa harapan mo at nais mong buksan at pasukin ang lahat. Di puwede talaga iyon. Walang kang matatapos. Puro ka umpisa. Sayang ang panahon.

Sa kabilang banda naman, dapat alam mo din ang iyong hangganan. Huwag kang magpapakasira sa isang bagay na paulit-ulit ka na pero di pa rin tumutuloy ang negosyo o ideya. Dapat, mabilis ka ding mag-pivot o lumiko upang subukan naman ang ibang pamamaraan.

Maraming bese na sumubok si Michael Jordan ng ibang isports pagkatapos ng kanyang karera sa basketball. Naglaro siya sa baseball at golf. Di siya lubusang nagtagumpay dito gaya ng sa basketball. Ang ginawa niya ay nag focus siya sa pagnenegosyo. Ito na ngayon ang kanyang sumunod na karera na siyang lalung nagpa-tagumpay sa kanya.

Magkaroon ka ng focus at mag-commit ka dito.

#10 Repleksyon sa bawat araw

Halos lahat ng kilalang super entrepreneur ay nagkakaroon ng panahon para sa replekson sa kanilang ginagawa sa bawat araw.  Mahalaga ito dahil kailangan mong magkaroon ng tamang direksyon sa pamamagitan ng pagbalik-tanaw sa araw na nagdaan.

Ako kasi, ang oras ng repleksyon ay sa umaga kung kelan ako nagdadasal. Kanya-kanya naman ang paraan at oras na gugugulin sa repleksyon. Ang mahalaga, gagawin mo ito.

Paano ka nga naman maghahanda sa susunod na araw kung di mo man lang nabalik-tanawan at nahimay ang araw na dumaan. Baka kasi ulitin mol ang ang mga pagkakamali o di kaya’y di mapag-isipan ang solusyon sa problema.

Ang sa ganang akin, mahalagang magkaroon ng ispiritwalidad sa repleksyon. Di kasi lahat ng solusyon ay kaya mong maresolba. Kailangan din ng panalangin at pananampalataya.

Pagtatapos

Ang taong 2020 na ngayon pa lang nagsisimula ay maraming tinatawag na plot-twist pa. Ngunit kung mahuhulma mo sa tamang kasanayan ang iyong sarili, mapaghahandaan mo ang kahit na ano’ng pagsubok sa buhay at pagnenegosyo.

Ang pagiging entrepreneur ay sadyang mahirap ngunit exciting. Di man ito para sa lahat, maaari ka namang mag-sideline.

Tandaang di ito para sa mahina ang loob at kulang ang tiwala sa sarili. Magkaroon ka ng sipag at tiyaga at ang maging masinop sa lahat ng bagay.

Higit sa lahat, mangarap para sa kinabukasan kasama ng pagtiwala sa sarili at pananampalataya sa Diyos.

Si Homer Nievera ay isang technopreneur. Maaari siyang makontak sa email niya na chief@negosentro.com

Negosyo

5 Tips para Malaman kung Ano’ng Negosyo ang Papasukin sa 2020

ni Homerun Nievera, CDE, CVM | Magsisimula na naman ang bagong taon at tiyak na kahit paano, nag-iisip ka na namang magnegosyo. Ilang taon ka na bang nagbabalak magsimula? Hirap ka bang magdesisyon o hirap ka lang mamili?

Narito ang ilang tips upang makatulong sa iyong desisyon at sana, makapagsimula na din talaga sa 2020. Tara na!

#1 Saan ka ba nalilinya?

Madalas itanong ko yan sa mga nag-iisip na magnegosyo at di alam kung saan at paano magsisimula. 

May kilala akong dating nagtrabaho sa kumpanya na nagsu-suplay ng kuryente. Kinuha niya ang inihain ng kumpanya na early retirement. Dahil bata pa naman siya at may ilang taon pang puwedeng magtrabaho, sumagi din sa isip niya na pasulin ang pagnenegosyo. Wala siyang kasanayan sa pagnenegosyo dahil isa siyang ganap na inhinyerong pang kuryente at pagtatrabaho lang ang alam niya. 

Ngunit nalaman niyang may mga kontraktor na nag-suplay ng iba’t-ibang uri ng serbisyo. Nagka-interes siya dito at nag-apply. Nakakuha siya ng maliit na kontrata hanggang lumaki na ito. Ngayon ganap na itong negosyo. 

Ang kanyang kasanayan ang naging kuwalipikasyon niya bilang Electrical Engineer na siyang naging lamang niya sa ibang kontraktor. Siyempre, nakatulong ang pagkakilala niya sa mga dating kasamahan sa trabaho. Iba din kasi ang naidudulot ng relasyon sa pagnenehosyo dahil mas magaan ang usapan. 

Kung linya mo lang din naman, bakit di yun ang umpisahan mo? 

#2 Nasaan ba ang puso mo?

Di dahil linya mo ay ok na gawing negosyo. Minsan kasi, nagsasawa ka naman dun kaya naghahanap ka ng isang negosyo na ikatutuwa mo at di yung dating trabaho mo.

Hanapin mo din ang passion mo sa isang bagay.  Kung nasaan kasi anv puso mo, gagawin mo ito nang di iniisip na trabaho ito.

May kilala akong mahilig sa potograpiya at paggawa ng video. Kahit nagtatrabaho siya sa isang call center, makikita mo sa kanyang mga post sa social media na may kakaibang gali g siya sa larangan ng potograpiya at video. 

Isang beses siyang napakiusapang humawak ng potograpiya at paggawa ng video para sa kasal ng kaibigan. Maganda ang naging resulta nito na maraming nag-inquire kung puwede niya ding gawin ito para sa ibang mga events ng mga kakilala at kaibigan ng mga ikinasal. Dumami pa ang mga nag-inquire hanggang sa iniwan na niya ang trabaho sa call center.

Ngayon, ganap na itong negosyo dahil sinunod lang niya ang kanyang puso — o passion.

#3 Baka naman gusto mo munang maging imbestor?

Matagal akong naging salesman sa iba-ibang negosyo at industriya. Ito ang naging susi ko sa pag-uumpisa ng negosyo. Nagamit ko ang skill na ito pati na din ang ilang koneksyon para makapag-umpisa. 

Nang maglaon, naimbitahan na din akong mag-invest sa mga startup. Dito na naiba ang istilo ng aking pagnenegosyo. 

Madalas kasi nasa board of directors ako at nahing adviser sa mga pinag-investan ko. Ito na ang naging isang bahagi ng aking pagnenegosyo.

Kaya naman kung di ka naman magiging aktibo sa pagnenegosyo sa kahit na anong paraan, maaari ka naman maging investor.  Ang kita dito ay sa iba-ibang paraan. Maaaring antayin mo ang exit kung saan tutubo nang ilang beses ang ipinasok mong pera o kaya’y nagpapautang ka lang at sa interes ka kikita.

Kung ganito ang nais mong istilo ng pagnenegosyo, simulan mo nang magsiyasat at maghanap ng mga startup na puwede mong pag-investan. 

#4 Puwede ka ding mag-ahente

Kung nalilinya ka sa sales o mahilig kang magbenta nang kung anu-ano, ang negosyo ng pag-aahente ang para sa yo.

Ilang mga kaibigan ko na ngayon ang matagumpay sa iba-ibang larangan mula insurance at real estate at sa pagaahente ng mga negosyo mismo. Iniwan nila ang kanilang mga tila magagandang trabaho para maging ahente. Kalaunan, gaya na din ng ibang negosyo, lumago ang ang mga ito dahil aa sipag at tiyaga.

#5 Puwede ka ding magsimula sa online

Ang karamihan ng mga milenyal na negosyante ay nagsisimula sa mga online na negosyo. Ito na kasi ang nakakasanayan ng henerasyong ito na uri ng pagbebenta at pamimili. Kaya kung nais mong magsimula ng iyong negosyo, dyan mo gawin.

Mula sa Facebook, Instagram, Lazada at Shoppee pa lang, maaari mo ng subukan ang pagnenegosyo sa pamamagitan ng pagbebenta online. 

Ang kailangan mo lang para magsimula ay ang mag-isip ng ibebenta. Maghanda diin ng mga pambalot at iba pang pangangailangan na requirements ng mga online marketplace gaya ng Lazada at Shoppee.

Dapat Tandaan

Ang pagnenegosyo ay di birong gawain. Para ka na din magtatrabaho sa isang kumpanya ngunit ikaw na mismo ang may-ari kaya lahat ay kaya mong gawin dapat.

Sa lahat ng bagay, ipagdasal ang iyong mga desisyon sa araw araw.

Si Homer Nievera ay isang serial technopreneur at maaari siyang makontak sa email niya na chief@negosentro.com.

Entrepreneur

5 Katangian ng Matagumpay na Entrepreneur para sa 2020

ni Homer Nievera, CDE, CVM | Maraming nais maging entrepreneur o negosyante. Pero iilan lang naman ang nagiging matagumpay. Meron kasing mga natatanging katangian ang mga entrepreneur na nagtatagumpay. Kahit paano, nagbabago din ito ayon sa panahon.

Ang tanong, meron ka kaya ng mga katangiang ito?

Kung nais mong magtagumpay sa 2020 bilang isang bago man o matagal-tagal na entrepreneur, narito ang ilang bagay na dapat ay meron ka. Tara na!

#1 Matinding magplano at maghanda

Maraming entrepreneur ang di nagtatagumpay sa kanilang napiling negosyo dahil na rin sa kakulangan sa preparasyon. Kung akala mo kasi ay ganun-ganun lang ang pagnenegosyo, nagkakamali ka. Kung akala mo din ay dahil naging matagumpay ka sa isang negosyo, magtatagumpay ka na sa susunod mong negosyo. Maling-mali po ito.

Ang mga matagumpay na negosyante ay alam na kailangan ng masusing pag-aaral at paghahanda ang anumang Gawain. Kung palpak kang magplano, palpak ang resulta nito.

Ang entrepreneur na maayos magplano ay madetalye at masinop. Ang pagsiyasat sa mga bagay-bagay gaya ng lokasyon ng tindahan, ang pagbibilang ng trapiko (mga kostumer), ang pag-tsek sa kumpetisyon at ang pagsasaayos ng produkto at serbisyo ay ilan lang sa mga gawain na kasama sa maayos na pagplano.

Ang tip ko ay simple. Kung naisip mo ito na maaaring mangyari, malamang, mangyayari nga ito. Kaya dapat paghandaan. Ilang negosyo na ang aking nakitang bumagsak sa simpleng kakulangan ng pagkuha ng insurance. Meron ding mga negosyong bumagsak nang di napaghandaan ang kamatayan ng isang partner. Isipin mo na ang lahat ng puwedeng mangyari. Paghandaan ang lahat ng ito.

#2 Mahaba ang pasensya

Kung sa tingin mo ay dapat lagging nagmamadali ang isang mahusay na entrepreneur, mali ka dun. Ang konteksto ng pagmamadali ay ang paglabas ng isang produkto o serbisyo nang mas mabilis kesa sa kalaban. O kaya ay ang paghahanda para sa tamang timing, na siya ding may kinalaman sa pagiging mahaba ang pasensiya.

Tandaan mo na ang bawat bagay ay pinag-iisipan nang maigi. Lalu na kung may kinalaman sa pagtuturo sa mga tauhan, sa pagkuha ng kapartner, sa pagiging masinsin sa kalidad at iba pa.

Kung ikaw ay nagpaplano o naghahanda para sa iyong negosyo, katuwang nito ang pagiging mapasensiya.

#3 Matindi ang pokus

Ang karamihan ng mga negosyong di nagtagumpay ay may kinalaman sa sabog-sabog na implementasyon ng mga napagplanuhan at gawain. May kinalaman din ito sa kawalan ng pokus ng lider at ng mga tauhan kung saan paiba-iba ang ginagawa.

Ako ay may tinatawag na ADHD kung saan hirap akong mag-pokus sa iisang gawain. Mabilis kasi akong magambala (ma-distract). Kinailangan kong madisiplina at masanay ang aking sarili sap ag-pokus para magtagumpay ako sa aking negosyo. Kapag binabalikan ko ang mga negosyo kong di nagtagumpay, nakikita ko ang aking sarili na di nakapagpokus sa iisang produkto, serbisyo o hangarin.

Kaya naman ang ginawa ko, kumuha ako ng mga kapartner or tauhan na mas may pokus kesa sa akin. Yun ang naging susi para magtagumpay ako.

#4 May motibasyon at puwersa sa sarili

Kung ikaw mismo na bilang lider sa isang negosyo ay nawawalang ng bilib sa iyong gawain at sa sarili, sigurado na ang pagbagsak mo. Ganyan kahalaga ang pagkakaroon ng motibasyon at sariling puwersa para maisakatuparan ang lahat ng dapat gawin upang magtagumpay.

Paano mo maibabangon ang sarili mo sa araw-araw? Tanugin mo ang sarili mo kung bakit mo ito ginagawa. Hanapin mo ang mga rason kung bakit kailangan mong magtagumpay. Yan mismo ang babangon sa iyong sarili at magiging motibasyon mong lumagay sa tamang pag-iisip.

Madalas kong sabihin sa mga taong mine-mentor ko na ang tunay na kalaban nila ay ang kanilang sarili – wala nang iba. Ang tunay na multo o takot ay yung nasa kanilang pag-iisip lamang.

Kung ikaw ay babagsak, matuto kang bumangon agad. Huwag mong iisipin kung ano ang iisipin nang ibang tao. Ang sarili mo ang iyong dapat itaguyod.

Tandaan mon a lanahat ng entrepreneur ay may kinakaharap na takot at kakulangan sa motibasyon sa araw-araw. Ang tanong, sino ang umuungos dahil sa paghatak niya sa kanyang sarili. Bangon!

#5 May lubos na integridad

Madalas lumabas ang salitang “integridad” sa aking mga pitak. Bakit nga hindi? Ang kahit na sinong entrepreneur na matindi ang integridad ay siyang umuungos at nagtatagumpay. Sa dulo, ang taong pinagkakatiwalaan ay nabibiyayaan.

Maging bukas ang pananaw mo sa pagiging matapat sa lahat ng bagay. Maging ito ay sa iyong tauhan, kostumer, kapartner, at lalu na sa iyong sarili.

Pagtatapos

Ang pagiging entrepreneur ay sadyang di para sa lahat. Di ito para sa mahina ang loob at kulang ang tiwala sa sarili.

Lagi kang magkaroon ng kompiyansa sa sariling kakayahan at mag-aral pa sa mga kakulangan.  Magkaroon ka ng sipag at tiyaga at ang maging masinop sa lahat ng bagay.

Buong tapang mong harapin ang bukas. Ipagpatuloy ang positibong pananaw at kilalanin ang kakayahan mong lumago. Higit sa lahat, mangarap para sa kinabukasan kasama ng pagtiwala sa sarili at pananampalataya sa Diyos.

Si Homer Nievera ay isang technopreneur. Maaari siyang makontak sa email niya na chief@negosentro.com

Digital Marketing

What is Digital Marketing and Why You Need It

HomerNievera.comDigital marketing is a way of getting your message out to your online community for products and services.

Most folks under the age of 60 engage with social media at least once a month if not every day, the internet has changed the way we communicate with each other and how we buy our goods. The internet is part of our daily lives and most of us would be lost without using it constantly.

Digital marketing has become an essential tool for any online business and if you are not using digital marketing strategies it is unlikely you will have a successful online business.

We will discuss the best way of how to utilize digital media to both get your message out and hopefully increase revenues from your online business.

Engaging with your customers

 Digital marketing allows the online business owner to engage meaningfully with clients through direct communication on social media platforms such as Twitter, Facebook, Snapchat and others. This personal aspect of interaction makes customers more engaged and likely to complete a purchase.

The online business owner can structure effective marketing strategies through the use of social media and all this can be done at a minimal cost.

Last year 48% of all online purchases were directly correlated to Facebook ads, which is a remarkable amount of cash flowing into economies through digital marketing campaigns.

 Competing with the big names

 The cool thing about digital marketing is regardless of the size of your online business you can compete with anyone with very few exceptions.

Having this level playing field presents all kinds of profit-generating scenarios for the online business owner. 

Digital marketing also allows the business to build their brand recognition and become more proactive the same as the big names in online business.

With 80% of all web searches being conducted on smartphones then the evidence is before our very eyes of how powerful digital marketing can be.

 Targeting your audience

At one time in history companies used to take out paid advertising in trade journals and possibly newspapers, the problem with this approach is it’s not specifically targeting your audience.

With digital marketing, you can target your demographic precisely and get the message to the people you intended the message for.

There are even social media platforms for targeting potential high earning individuals. If you take LinkedIn as more than a site to find your next well-paying job it has evolved into a social media platform where messages and advertisements are targeting valuable groups of individuals.

LinkedIn is the perfect example of how targeted digital marketing works at its best.

 Getting value for money

Digital marketing does not have to be expensive, if you don’t have a budget then time and effort on social media platforms will yield results that you would not have otherwise realized.

Paid advertisement s provides a unique entry into a targeting demographics with the use of banner ads and other available tools.

Often you can select the target area and the demographic you want to target, and with one paid ad you could be hitting more than a million people.

If this ad drives a thousand more potential customers to your landing page then it’s easy to see the value in digital marketing.

 Email marketing

Email marketing campaigns can be highly personalized, the best way to conduct email campaigns is to send email drips on a regular basis, the email drips should contain basic information the user may find helpful.

The email should be succinct and no more than 200 words if you want the target to read the content.

john gokongwei

5 Bagay sa Pagtayo at Paglago ng Negosyo Mula kay John Gokongwei Jr.

ni Homer Nievera, CDE, CVM | Kamakailan, halos magkasunod na yumao ang dalawang tinaguriang taipan sa pagnenegosyo na sina Henry Sy Sr. at John Gokongwei. Ang kanilang legasiya ay nananalaytay sa kanilang malalaki at matagumpay na mga kumpanya na maraming Pilipino ang nakikinabang mula sa mga trabahong naibigay nito, at pati na rin sa mga iba’t ibang bagay.

Sa pitak na ito, ilalahad ko ang mga ilang tips na naiwan ni Mr. Gokongwei na siyang nagtayo ng JG Summit Holdings na nakilala sa mga brand na Robinson’s at Cebu Pacific. Tara!

Ang Pagsisimula ni Mr. Gokongwei

Literal na nagsimula si Mr. Gokongwei mula saw ala kung saan noong panahon ng giyera laban sa mga Hapon, naglako ng gulong at kung anu-anong bagay na maibebenta upang maitaguyod ang pamilya sa murang edad na 13. Yumao kasi ang kanyang ama at naiilit ang kanilang mga ari-arian at negosyo ng mga pinagkakautangan nila. Sa Cebu sila noon nakatira.

Wala siyang kamuwang-muwang sa negosyo, ngunit kailangan nilang bumangon kungdi, sila’y magugutom.  Ang unang ginawa ng kanyang ina ay ipadala sa Tsina ang mga kapatid dahil mas mura ang pamumuhay doon, habang si Mr. Gokongwei at ang kanyang ina ay gumawa ng paraan para matustusan ang pagbiyahe ng mga ito.

#1 May oportunidad sa sakuna

Noong nagsisimula si Mr. Gokongwei sa pagtitinda, panahon iyon ng giyera. Ayon sa kanya, naging malaking oportunidad ang ganitong uri ng sakuna dahil kahit na edad 15 lang siya, kaya niyang makipagsabayan sa mga mas matanda pa sa kanya (doble hanggang triple ang diperensya nila ng edad!). Bakit? Kasi sa panahon noong ng giyera, lahat sila ay nasilat at nawalan nang lahat ng meron sila noon. Pananampalataya sa Diyos at sa sarili lang ang meron sila.

Noong nagbibiyahe siya (tinedyer lang siya noon) sakay ng isang batel – na isang maliit na bangka pangkalakalan), tumama ito sa malaking bato at lumubog. Sa kagandahang-palad, ang nilalako noon ng batang John ay mga gulong na dadalhin niya noon sa Maynila. Dahil doon, nailigtas nito ang mga kapwa biyahero at pati na ang kanyang mga panindang gulong.

#2 Kasama ng tagumpay ang sakripisyo

Noong natapos ang giyera, edad 19 na si Mr. Gokongwei. Ang ekonomiya noon ng Pilipinas at ng iba pang bansa na dumaan sa giyera ay umaasa sa mga importasyon dahil na rin sa nasira ang industriya ng paggawa (manufacturing). Sumali na si Mr. Gokongwei sa naturang larangan kung saan nag-angkat siya sa Estados Unidos ng mga tira-tirang tela, prutas, damit at mga lumang babasahin. Ang kagandahan daw nun ay nakakasuot siya ng magagarang damit sa panahong nanliligfaw siya sa mapapangasawang si Elizabeth.

Ang negosyo ng importasyon ng mga bagay-bagay ay siyang nagsimula upang umangat ang kanyang pagnenegosyo. Ito na rin ang naging paraan upang mapa-uwi niya ang kanyang mga kapatid upang mag-aral at makatulong sa pagnenegosyo. Gaya ng mga tradisyonal na Pilipinong Tsino, nagtatrabaho bilang bodegero, kahera, at lahat ng puwedeng maginbg trabaho ng magkakapamilya. Tumira sila noon sa isang dalawang palapag na apartment na siya din naging bodega nila. Pati daw amoy ng mga nabubulok na prutas at gulay ay kasama sa araw-araw nilang pamumuhay.

#3 Tumingin sa hinaharap at paghandaan ito

Nang matapos ang giyera, nakita noon ni Presidente Quirino kinakailangang bawasan ang ang mga importasyon upang makatipid sa palitan ng dolyar at piso. Naisip ni Mr. Gokongwei na kung ganun, sa katagalan, apektado ang halaga ng kanyang mga paninda. Kaya naman nagisip na siyang lumipat sa negosyo ng paggawa o manufacturing.

Ang nakita niyang oportunidad ay sa larangan ng paggawa ng Cornstarch o harinang gawa sa mais. Alam ni Mr, Gokongwei na marami siyang mapagkukunan ng mais dahil sa galing siyang Cebu at marami nito sa Negros noong mga panahong iyon.  Nagtayo siya ng planta sa paggiling ng mais. Nakita din niya na ang harinang mais at glucose ay mahalaga sa industriya ng tela, papel, ice cream, beer at gamot. Tama nga siya sa kanyang bisyon kaya umangat ang industriyang ito.

Nakita din niya ang paglago ng kanilang negosyo ay mas aangat pa kung lalagyan niya ng branding ang kanlang mga negosyo na noon ay nasa larangan na ng kape, tsitsirya at kendi. Tumama na naman si Mr. Gokongwei dahil ang mga brand na Blend 45, Maxx at Jack n’ Jill ay kilala natin.

#4 Alagaan ang integridad

Noong nagbabalak si Mr. Gokongwei na tumungo sa manufacturing, alam niyang kailangan ng malaking kapital para makipag-banggaan sa mga malalaking kumpanya na noon ay namamayagpag. Pumunta siya noon sa China Bank na pinamumunuan noon ni DK Chong bilang president at ni Dr. Albino Sycip na noo’y Chairman ng bangko. Pinautang siya noon ng kalahating milyong piso kahit pangalan lang ang tanging meron noon si Mr. Gokongwei.

Sa mga dumaang taon, nang tanugin si Dr. Sycip kung bakit niya pinautang noon si Mr. Gokongwei, sinabi niya na Nakita niya sa kanya ang sinseridad at integridad.

Sab inga ni Mr. Gokongwei sa isang interbyu sa kanya, na tila mas may alam si Dr. Sycip ukol sa kanya kesa sa siya mismo.

#5 Maging matapang sa pagharap sa kahit na anong bagay sa buhay

Nagsimula ang buhay negosyo ni Mr. Gokongwei sa harap ng trahedya sa murang edad. Kesa malugmok, buong tapang niya itong hinarap. Maraming pagkakataong hinarap pa ni Mr. Gokongwei ang mga hamon sa buhay at negosyo kaya naman siya ay nagtagumpay.

Noong lumaban sa pababaan ng presyo ang mga mas establisyadong manufacturer at multinational laban sa kumpanya niya, nanaig pa rin sila dahil sa buong tapang nilang hinarap ang labanang ito at di natinag. Lumaban sila sa larangan ng kalidad at relasyon sa mga kliyente. Sabi din ni Mr. Gokongwei – paano kung nanatili lang siya bilang manufacturer ng Cornstarch, maaabot kaya nila ang tagumpay nila ngayon? Kung di sila nag-invest sa iba’t-ibang negosyo, lalagi ba ang interes nila sa negosyo?

Pagtatapos

Sa isang interbyu, naibahagi ni Mr. Gokongwei ang ilang bagay sa di lamang puro salita kungdi kanya mismong isinabuhay para magtagumpay sa negosyo. Ito ay ang pagkakaroon ng integridad, sipag at tiyaga, pagiging masinop, at ang pagkilala at pag-angkop sa pagbabago.

Sabi ni Mr. Gokongwei, dapat buo ang loob mong mangarap nang malaki.

Kaya bilang isang entrepinoy, kilalanin ang kakayahan mong mangarap at harapin nang buong tapang ang kinabukasan kasama ng pagtiwala sa sarili at pananampalataya sa Diyos.

Si Homer Nievera ay isang technopreneur. Maaari siyang makontak sa email niya na chief@negosentro.com

pitch

5 Paraan sa Pag-Pitch sa mga Imbestor para sa Startup Mo

ni Homer Nievera, CDE, CVM |  Malapit nang matapos ang taon. Malamang, kung sinusundan mo ang pitak na ito, naghahanda ka na para sa negosyo mo sa 2020.

Kung ikaw ay may startup, malamang din, naghahanap ka din ng pagkukunan ng dagdag na kapital. Madalas, sa mga imbestor ito maaaring makuha. Kaya sa pitak na ito ngayon ay magbibigay tayo ng ilang tips para maging matagumpay ang pitch mo.

Narito ang ilang mahahalagang dapat tandaan –

#1 Elevator pitch

Ang pinaka-mahalagang ma-master kung naghahanap ka ng kapital ay ang tinatawag na elevator pitch. Sa dalawang salita na ito mo malalaman kung ano ang ibig sabihin nito. Na kung ma-imagin mo na ikaw ay nakasakay sa isang elevator at may makasabay kang imbestor, ano ang kaya mong sabihin bilang iyong pitch lalo na at halos tatlong minuto lang.

Mahirap gawin ito kung isiipin dahil sa dami ng gusto mong sabihin, tila di kayang mailagay sa loob ng tatlong minute lang. Ngunit ito ang dapat mong paghandaan dahil sa karamihan ng mga pitch sa buong mundo, ang ganitong uri ang pinaka-una bago umabot sa mismong mahaba-habang presentasyon.

Bilang paghahanda, subukan mong ilagay sa limang pangungusap ang iyong presentasyon at yan ang magiging basehan ng iyong elevator pitch. Nandoon na dapat ang problema na balak mong solusyunan, paano mo ito magagawa, at kung paano ang ROI (return of investment) sa iyong imbestor. Kaya mo yan.

#2 Napkin pitch

Isa ito sa paborito kong teknik sap ag-pitch sa mga imbestor. Bakit? Sa palagay ko kasi, dito nagsisimula ang mga magagandang ideya na aking nagawa at nakapagpalago sa aking mga startup.

Literal ang depinisyon ng napkin pitch. Kung paano mo mailalarawan ang iyong ideya sa paglatag nito sa isang pirasong napkin sa isang retawran, ay ganun din ang paglarawan mo sa isang presentasyon sa pamamagitan ng limang slides sa powerpoint.

Isipin mo na lang na kasama mong kumakain sa restawran ang isang imbestor at sa isang napkin ka lang nagsulat kasama na ang diagram ng iyong pitch. Na sa loob ng limang minute ay maihatid mo ang iyong mensahe kasama na kung paano siya magkakaroon ng ROI.

#3 One-on-one, face-to-face

Ito ang isa sa pinaka-mahalagang paraan ng pag-pitch sa imbestor mo. Ang pagkakaroon ng isang one-on-one at harapang miting ay tinatawag ko ding one-time bigtime na pagkakataon. Dito kasi, maaaring as komportable ka dahil dalawa lang kayo sa miting. Meron kang halos isang oras – o minsan ay mas maiksi pa – na pagkakataong mailahad ang lahat ng nasa isip mo at nasa isang presentasyon mo.

Dito, ang tip ko ay hanggang sampung slides ka lang. Mas kokonti, mas simpleng maintindihan ng imbestor ang nais mong iparating. Dito mo na inilalahad ang paggagamitan ng perang iyong hinihingi.

Tandaan na di dahil mas mahabang oras ay mahaba din ang presentasyon. Ang paggamit ng mas mahabang oras ay para sa diskuyunan at pagkakaintindihan. Kug makapasa ka dito, halos sarado na ang deal mo.

Tandaan mo din na wala kang ibang kasama sa usapan kaya maghanda nang mabuti.

#4 Panel

Kung nakapag-presenta ka ng thesis mo sa kolehiyo sa isang panel, ganun din ito. Ang nararamdamang kaba at ang mahabang preparasyon ay dito mo magagamit. Ang kagandahan lang ay may mga kasama ka na puwedeng mag-presenta din.

Sa hanay ng imbestor, may kasamang mga espesyalista yan gaya ng finance officer at technology specialist. Depende yan sa negosyong papasukan mo, may iba’t ibang tao na maaaring kasama ng imbestor.

Tandaan din na madalas, di lang iisang kumpanya ang nakaharap sa iyo kaya mahalagang magsaliksik nang mabuti kung paanong aayon sa kanila ang negosyong pini-pitch mo.

Handa din dapat ang script ng mga kasama mong magpi-pitch para mas maayos ang flow ng presentasyon.

#5 Video

Ang pagkakaroon ng video presentation o AVP ay mahalaga sa mga imbestor, lalo na’t kakaunti lamang ang oras para maiparating ang mensahe mo. Simple at nasa tatlong minute lamang dapat ang video mo. Nakapaloob dito ang lahat ng gusto mong iparating sa slides para halos 5 slides na lang ang idadagdag mo sa harapang miting o presentasyon.

Ang pag-uusap ukol sa pera ay di na kailangang kasama dito. Sa harapang miting na lang yun.

Ang pag-pitch sa mga imbestor ay di lamang tungkol sa pera o kapital kungdi kasama ang tinatawag na strategic partnership kung saan maaaring technolohiya, ekspertong direksyon at iba pang di kayang tumbasan ng salapi ang maaaring investment nila. Maging masinop sa business plan mo para mas may basehan sila ng desisyon kung iiwan mon a ito pagkatapos ng presentasyon.

Tandaan na sa lahat ng bagay, ang Diyos ang iyong gabay.


Si Homer Nievera ay isang technopreneur. Mag email lang sa kanya ng mga katanungan ukol sa pitak na ito sa chief@negosentro.com.

business travel negosyo

Magtagumpay Bilang Entrepreneur Habang nasa Biyahe (at sa Harap ng Matrapik na Siyudad!)

ni Homer Nievera, CDE, CVM | Nitong nakaraang linggo, kagagaling ko lang sa mahabang bakayson kung saan tatlong bansa ang aking pinunatahan kasama ang aking maybahay. Isang buwang bakasyon na din iyong maituturing.

Meron akong iba’t ibang negosyo na kailangan ng aking personal na atensyon sa araw-araw. Ang isa dito, halos 24/7 ang kailangang oras sa akin.

Noong dumating naman ako noong isang linggo, nasabak agad ako sa mga miting. Ang di ko alintana, dahil nasanay ako sa maayos na biyahe sa ibang bansa, tila nanibago ako sa mga trapik na aking nadatnan. Yun lang, kahit paano, nakapaghanda ako.

Pero teka. Di isang buwan na nasa bakasyon ako at laging nasa biyahe? Paano na lang ang personal na atensyon na kailangan ko sa mga ito? Paano ako naka-adjust agad sa loob ng ilang araw sa trapik?

Narito ang ilang bagay-bagay na maaari nyong mapulot bilang mga tips para kung nakabiyahe man kayo o dahil sobrang trapik sa siyudad ng Metro Manila (at saan man gaya ng Cebu!).

#1 Yakapin ang Katotohanan

Ang unang dapat mong gawin ay ang pagyakap sa katotohnan na sadyang matrapik na sa siyudad lalo na ngayong panahon ng kapaskuhan. Magreklamo ka man, tandaan na ang mga kabi-kabilang sale ng mga malls ay kasama sa kanilang negosyo at napag-isipan na nilang mabuti yan. Ang trapik sa kanila ay tila paraan na din ng marketing – positibo man o negatibo ang dating nito sa kostumer.

At tayo naman bilang maliit na negosyante ay nararapat lamang na umayon sa sitwasyon at gawing positibo ang isipan at aksyon.

#2 Ang butihing Smartphone

Malaking pasalamat na lang sa aking butihing smartphone. Naka Android po ako at ang gamit ko ay ang brand na Huawei. Sadyang mabilis ang phone na ito at dahil Android, maraming apps ang puwedeng paggamitan na libre. Dahil na rin ito’y smart phone, madaling magamit sa negosyo man o sa pagbiyahe bilang turista. Napakaganda po kasi ng kanyang camera (likod man o harap) na nagagamit ko sa maraming bagay. Kung nasa bakasyon, magaganda ang mga litrato at video habang sobrang laki ng memory nito (128gb!) at mahabang gamitan ang baterya. Ang sikreto naman ay kung buong araw ka na nasa labas, magdala ka lang ng magaan na portable na charger. Ang 10,000 na mAH ay ok na.

Heto pa. Noong nasa Europe ako, wala akong dalang laptop. Dahil ako’y manunulat para sa mga iba’t-ibang blog, kailangan kong maging nasa-oras sa pagbigay ng aking mga artikulo man o column (gaya nito). Sa pamamagitan ng Notes (o Notepad) sa aking smartphone, kaya ko nang magsulat at isumite kapag may wi-fi na. Madalas kasi, mga ilang oras din ang biyahe sa iba’t ibang lugar doon.

#3 Apps

Sa pagsalang mo sa daan sa Metro Manila, malamang, may gamit kang app na Waze, di ba? Paano naman, mas alam ng Waze kung saan matrapik sa particular na oras. Kaya magagawa mong makadaan sa mas mabilis na lugar patungo sa paroroonan.

Gayundin ang Google Maps kung saan nagamit naming ng husto kung nasa ibang bansa kami (gaya nang sa Korea) kung saan di naming alam eksaktong paraan ng pagbiyahe. Susundan mo lang ang sinasabing dapat daanan at pati kung ano ang mas mabilis na sakyan, ay ok ka na.

Ang isang app na madalas ko ding gamitin ay ang Google Translate noong nasa Hong Kong kami. Paano naman, di mo alam basahin ang mga nakasulat sa karatula, kaya itatapat ko lang ang app, at mai-sasalin na agad ito sa wikang Ingles na setting ko.

Dahil sa may Grab sa iba’t-ibang bansa sa Asia, magagamit mo din ito sa pagbiyahe kung sadyang di mo kayang lakarin. Sa U.S., Lift at Uber ang gamit namin. Sa Hong Kong, Uber ang uso.

Dahil na din sa pagsasaayos ng aking kalusugan, ang Health app ng aking Huawei ay ginagamit ko sa pagbibilang ng ilang steps ko dahil nais kong makamit ang 10,000 steps sa isang araw.

Naisasaayos ko ang aking mga dokumento (Word, Excel, PDF, etc.) sa pamamagitan ng WPS app. Madali din akong makapag-share ng files gamit ang Google Drive na meron ding hiwalay na app para madaling buksan sa smartphone.

Marami pang gamit ang apps sa smartphone, mula sa schedulder hanggang sa “Goodnight” app na dala ng Google kung saan pinapatulog ako ng mala-bukid na tunog at iniiskedyul ang alarm sa paggising. Maging masinop lang at alamin ang mga apps na babagay sa yo.

 

#4 Laptop

Ang gamit kong laptop sa araw-araw ay ang Macbook Air (13 inches). Magaan at maliit kasi ang laptop na ito at di nag-down. May kamahalan man, ay sulit talaga. Nilagyan ko ito ng Microsoft Windows at Office para kaya kong mai-sync ang aking laptop at PC, pati na rin ang aking smartphone.

Kung ikaw naman ay nasa larangan ng musika, magagamit mo sa pag-edit ng musika at video ang Macbook Air.

Sa Hong Kong, kung saan mahaba-haba ang biyahe at pananatyili sa isang lugar, Malaya akong nakahabol sa mga deadline ko, gamit ang laptop. At dahil na din sa mgaan ito, kayang-kayang ilagay sa backpack.

Kaya sa pagbiyahe man sa ibang bansa o sa Pilipinas, pumili nang makakasundong laptop.

 

#5 Wifi at Data

Balewala naman ang mga gadgets at apps mo kung wala kang koneksyon sa wifi man o data habang nasa biyahe di ba? Dalawang payo ang dala ko sa inyo na siguradong pasado.

Ang una ay ang pagkuha ng SIM na aayon sa tagal ng iyong pananatili sa isang lugar, lalu na’t sa ibang bansa ito. Sa Hong Kong, Singapore, Korea at iba pa,  kumukuha kami ng isang local SIM sa mismong airport shops. May mga bundles dito na pang apat hanggang sampung araw. Napakamura ng mga ito at kadalasa’y may unli-data. Sulit talaga!

Ang isa pang super ganda ng serbisyo ay ang SkyRoam. Lalu na’t nung nasa Europe at U.S. kami (pati sa Korea at Cambodia), maganda coverage nito. GFumagamit ng Satellite ang SkyRoam kaya ang data mo ay kayang suportahan.

Kumuha ka ng 24/7 na serbisyo sa ilang araw na pagbiyahe sa kahit na anumang parte ng mundo, basta sabihin mo lang din kung saan ka bibiyahe, ay ayos na.

Kapag via NAIA 3 ang pagbalik mo na paliparan, may dropbox ang SkyRoam doon kaya di mo na kailangang makipag-ugnayan sa kanila para maibalik ang device nila.

Puntahan mo lang ang website na https://bigskynation.com/ para maka-arangkada ka na agad.

 

Pagtatapos

Bilang entrepinoy, wala tayong dahilan upang di magampanan ang kailangang trabaho o komunikasyon kahit saang lupalop ka mapadpad. Ang mahalaga, gamitin mo ang teknolohiya para maging episyente ang pakikipag-ugnayan sa mga kostumer man o tauhan mo.

Sa lahat ng bagay, magpasalamt ka sa Diyos!

Si Homer Nievera ay isang technopreneur. Maaari siyang makontak sa email niya na chief@negosentro.com