(Visited 385 times, 2 visits today)
sino si warren buffet

Payo ng 6 na Bilyonaryong Entrepreneur sa Amerika na Dapat Tandaan

ni Homer Nievera, CDE, CVM |  Mas maraming naging biyonaryo sa Amerika noong pumasok ang Internet at lumago ang mga negosyong teknolohiya. Marami din naman ang nalugi noong dulo ng 1990’s at simula ng 2000’s dahil di naman nila kabisado ang negosyong ito.

Ngunit mas maraming naging bihasa na mga imbestor mula sa pagpasok ng 2005 na malamang ay bunga nang mga natutunan nila noong nakaraang dekada.

Narito ang ilang aral at payo mula sa mga tinatawag na “self-made billionaires”— o mga entrepreneur na naging bilyonaryo dahil nagsikap sa kanilang sarilig pagpupunyagi.

#1 Isang sugal ang pagnenegosyo

Para kay David Moskovitz, isa sa mga co-founder ng Facebook, kailangan mong isipin na ang pagnenegosyo ay maihahantulad sa isang sugal na walang 100% na kasiguraduhang pagiging matagumpay.

Lal una daw sa pagtayo ng isang startup – o bagong negosyo, kung saan ang tsansang maging bilyon-pisong negosyo ito ay maliiit lamang. Kailangan ng ibayong pagtitiyaga at hindi daw glamoroso ang gawaing nakapaloob dito. Ayon kay Moskovitz, mas mainam pa nga ang sumama sa isang malaking kumpanya kung pera lang ang habol dahil na din sa suweldo.

Ngunit, sabi niya, ang tingin niya kasi sa pera ay di para ito kamkamin kundi para ito ibalik sa sistema at maraming tao ang makinabang. Si Moskovitz ang founder ng Asana, isang kumpanya na tumutulong mamahala ng mga proyekto at ng Good Ventures na isa namang foundation.

#2 Huwag agad umalis sa trabaho habang nagsisimula sa negosyo

Si Sara Blakely ang bilyonaryong founder ng Spanx, isang kasuotang pambabae. Ayon sa kanya, mas mainam na isaayos muna nang maigi ang itinatayong negosyo hanggang sa maging tuloy-tuloy na ang kita nito na kaya ka nang buhayin.

Sabi ni Blakely, di naman daw naging madali ang pag-uumpisa niya sa negosyo kaya kinailangan niyang magptuloy pa din sa kanyang trabaho hanggang sa maging okay na siya sa aspetong pinansyal.

Ako nga mismo ay ganun din ang nangyari. Hangga’t di kinaya ng aking negosyo ang pang araw-araw naming gastusin, nagpatuloy pa rin akong pumasok sa trabaho. Noong kinaya nang negosyong tustusan ang aming regular na pangangailangan, tsaka na lang ako nag-resign sa pinagtatrabahuhan ko.

#3 Maging mabilis sa galawan sa negosyo

Si John Doerr ay isang bilyonaryong kapitalista na naging imbestor sa mga kumpanyang Facebook, Yahoo, Zynga, Amazon, Google at iba pang matagumpay na mga kumpaya sa larangan ng Internet at teknolohiya. Ayon sa kanya, ang pagiging mabilis sa pagnenegosyo ay nangangahulugang mabilis kang kumilos (tipong, ngayon na!) dahil ang ginagalawan mong industriya ay marami ding kakumpitensya. Para sa kanya, kung sino ang mas mabilis kumilos ay siya din ang magtatagumpay.

Ilang ideya na ba ng negosyo ang iyong napag-isipan at di nasimulan o napalampas – at may ibang gumawa at nagtagumpay? Naku, ako, marami-rami na! At siyempre, lubos akong nanghihinayang dahil sana, ako ang yumaman, hehe!

Tandaan na sa larangan ng teknolohiya napakabilis ng pagpalit nito. Ang kumpanyang Intel ay kilala noon sa paggawa nang mas mabilis na processor para sa PC kada anim na buwan. Kaya marahil ang maraming kalaban nila ay nag-pa-plano pa lamang, samantalang sila, nailabas na.

#4 Tumutok sa mga industriyang malaki ang balik sa iyo bilang negosyante

Ang bilyonaryong si Vinod Khosla ay siya ding co-founder ng isa sa pinakamalaking kumpanya noong dekada 1990’s hanggang 2010 kung saan nabili ito ng Oracle sa halagang $7.4 bilyon. Ayon kay Khosla, dahil na din maraming beses kang puwedeng matalo o malugi, dapat, ang industriyang pipillin mong pasukan ay malaki ang maibabalik sa iyong hirap at puhunan.

Sa isang pitak ko, nabanggit kong ako’y nagsimulang magnegosyo ng Chocnut noong elemetarya pa lang ako. Dahil mahirap magbenta dahil na din sa kumpetisyon sa aming paaralan (gaya ng canteen at mga vendor sa labas ng eskuwelahan), nagsipag ako at nagkaroon nang halos 60% na margin ng kita. Ang lahat ng kinita ko noon sa pagbebenta ng Chocnut ay naging puhunan ko sa pagpaparenta naman ng komiks.

#5 Magkaroon ng sapat na perang matitipid para sa mga emergency

Si John DeJoria ay mas kilala sa produkto niyang alak na Patron ang brand. Ngunit kakaunti lamang ang nakakaalam na ang una niyang nagging negosyo ay may kinalaman sa pagsasaayos ng buhok. Sabi ni DeJoria, dito niya noon naranasan ang hirap sa cash flow. Madalas daw na nahuhuli sila sa pagbabayad ng mga bayarin.

Para kay DeJoria, dapat daw ay may anim na buwang kutsyon ka na cash para di ka mamroblema sa mga bayarin hanggang sa maging maayos na ang cashflow mo.

#6 Mamuhay ng simple at mag-invest sa sarili

Kung meron akong super-idol sa pagnenegosyo, yan si ang super bilyonaryong si Warren Buffet, na may-ari ng Berkshire Hathaway, isang kumpanyang namamahala ng bilyon-bilyong investment ng mga tao at kapwa-kumpanya.

Para kay Buffet, ang pamumuhay nang simple ay isang malaking katangian dahil ito ay nagpapakita ng kababaang loob. Hanggang sa kasalukuyan, nakatira si Buffet sa bahay na kanyang nabili sa halagang $37,500 noon pang 1957. Siya pa din ang nagmamaneho nang kanyang sasakyan hangga’t kaya pa daw niya. Madalas daw siyang bumili nang murang agahan mula sa McDonald’s.

Noong kabataan niya, mahiyain si Buffet. Kaya minsan, nag-enrol siya sa kursong Public Speaking mula sa kilalang institusyon na Dale Carnegie. Matapos nito, nagkaroon daw siya ng lakas ng loob upang makapag-propose sa kanyang magiging asawa. At mula noon, di na nahihiya pa si Buffet at tuluyan nang lumaki ang negosyo.

Sabi ni Buffet, ang lahat ng iyong matututunan – o edukasyon – ay di na makukuha pa ninuman mula sa iyo. Ni hindi daw ito kayang patawan ng buwis! May katwiran, di ba?

Kaya sa ganang akin, itong payo ni Buffet ang pinaka-mahalaga para sa akin. Lahat ng mga ibang payo na nakasulat dito ay kasunod na din nito.

Tandaan na sa lahat ng bagay, maging mapagkumababa at huwag unahin ang paghangad na yumaman. Mas hangarin ang kaligayahan ng Diyos at kalinisan ng intension sa kapwa.

Sa lahat ng gawain, ipagdasal ang mga ito.


Si Homer Nievera ay isang technopreneur. Mag email lang sa kanya ng mga katanungan ukol sa pitak na ito sa chief@negosentro.com.

 

sino si richard branson

8 Tips Mula sa Bilyonaryong Richard Branson para sa Matagumpay na Negosyo

ni Homer Nievera, CDE, CVM | Papalapit na sa super senior sa edad na 68 si Richard Branson. Siya ang founder ng Virgin Records noong 1970. Marami pa siyang naging negosyo gaya ng Virgin Airlines na lahat ay nagmula sa lugar niya sa London, kung saan naman siya ay naturingang Sir Richard Branson ni Queen Elizabeth noong taong 2000 sa larangan ng pagnenegosyo. May anim na libro na din siyang nailathala.

Narito ang ilang tips mula kay Branson…

#1 Isakatuparan ang iyong mga pangarap

Para kay Branson, ang lahat ay nag-uumpisa sa isang idea – sa isang pangarap. Sabi niya, ang mga taong masayang nagtatrabaho upang maisakatuparan ang kanilang pangarap ay ang mgataong nag-e-enjoy nang husto sa kanilang ginagawa. Sila din daw ang mga taong nagtatagumpay dahil sa tila pagsugal para sa kanilang pangarap na negosyo.

Sinegundahan naman ito ng bilyonaryong si Warren Buffet. Sabi niya, ang mga taong nagtatagumpay sa kanilang gawain ay madalas na sila ay meron ding may pagkahilig dito.

#2 Gumawa ng kabutihan sa kapwa

Sabi ni Branson na ang mga taong hindi gumagawa ng kabutihan sa kapwa ay dwala daw dapat sa pagnenegosyo. Mabigat man ang sinabi niyang ito, ako naman ay lubos na sumasang-ayon dito. Kasi nga naman, kung puro pagkamal ng kayamanan ang iyong pinipuntirya, malamang di ka magagatimpalaan ng tagumpay dahil sa pagiging sakim mo sa pera.

#3 Magtiwala sa iyong mga ideya

Ang isang taong walang tiwala sa sarili niyang produkto ay di niya mapapaniwala ang ibang tao na maniwala din dito. Ito ang sabi ni Branson at may katwiran nga naman ito.

Ang mga sinabing ito ni Branson ay may kinalaman din sa integridad mo at pagpapasunod sa mga tao mo upang maniwala sa yo. Para sa kanya, kung may istratehiyang pang-exit ka, malamang daw ay di ka determinadong magtagumpay anuman ang mangyari.

#4 Isulat ang lahat ng ideya mo

Sa sarili niyang ekspiriyensya, kapag daw di mo isinulat ang bagong ideya mo, malamang, wala na ito kinabukasan. Sabagay, may puntos siya ditto. Ako kasi kapag nagdarasal, nagmamaneho o naliligo ako merong mga ideyang pumapasok sa isip ko. Nakakalimutan ko nga ito kung di ko isinusulat. Gawin na natin ito agad, ok?

#5 Alagaan ang mga tao mo

Maraming paraan upang alagaan ang mga tauhan mo, di ba? Una ditto ay ang pagbabayd sa kanila nang tamang suweldo. Kung di mo naman kakayanin nang ganun, lagyan mo ng insentibo ang bawat isa.

Para kay Branson, mahalaga ang pagpapanatili nang maayos, ligtas at nakakabigay inspirasyon na pinagtatrabahuhan.

#6 Matuto sa pagkabigo

Maaaring maraming mga bilyonaryo na ang nagsabi ukol dito. Para kay Branson, ang pagkakataong natalo siya sa negosyong Vigin Cola sa kamay ng Coke ay nagturo sa kanya na kung babanggain mo ang malaking pader, siguraduhin mong handing handa ka sa pamamagitan ng isang produktong mas mataas ang kalidad.

#7 Lumabas ka!

Simpleng payo lamang ito ngunit napakahalaga para kay Branson. Ayon sa kanya, kung may negosyo, wag kang manatili sa iyong opisina. Lumabas ka at kumausap nang mga tao gaya ng kostumer o mga taong target mong maging kostumer, upang malaman mo ang kundisyon ng merkadong ginagalawan.

Dahil ang anumang datos ang makukuha mo mula sa mga tauhan mo ay mas maiintindihan at maisasapuso kung ikaw din ang nakipagharap sa mga tao mismo.

# 8 Huwag maging balat-sibuyas

Dahil matindi ang labanan sa pagnenegosyo, ang pagbibigay pruweba na tama siya sa kanyang direksyon sa negosyo ang nagtutulak kay Branson para maging matapang at di natitinag sa kritisimo nang ibang tao.

Para sa kanya, kailangang buo ang loob mo bilang negosyante at buong tapang na harapin ang mga pagkukutya man o paghahamon nang mga tao upang maisakatuparan ang tagumpay mo.

Marami pang mga tips si Branson sa kanyang blog at sa mga video na nasa Internet. Saliksikin ito at tingnan kung ano ang mas makakatimo sa iyong istilo ng pagnenegosyo.

Tandaan na sa lahat ng bagay, ang Diyos ang iyong gabay.


Si Homer Nievera ay isang technopreneur. Mag email lang sa kanya ng mga katanungan ukol sa pitak na ito sa chief@negosentro.com.

8 Negosyo Tips

8 Negosyo Tips Mula sa 8 na Bilyonaryo

ni Homer Nievera, CDE, CVM | Sa kasalukuyan, ang maging isang milyonaryo sa Pilipinas ay napakadaling makamit lalo pa’t isa kang executive sa isang kumpanya. Kung ikaw naman ay isang empleyado sa gubyerno, kung ikaw’y isang matapat na kawani, magreretiro kang isang milyonaryo.

Pero ang pagiging isang bilyonaryo ay di ganun kadaling abutin bilang Pinoy. Kailangan mong maging negosyanteng matagumpay. Sa larangan ng teknolohiya, ay lubhang madali kung ikaw ay tulad ni Mark Zuckerberg ng Facebook.

Alamain natin ang ilang tips mula sa mga nagtagumpay sa kanilang larangan sa Amerika.

#1 Bumuo ng Masasayang Kostumer

Ayon ka Tej Kohli, isang matagumpay na bilyonaryong negosyante sa larangan ng real estate, ang pagkakaroon ng mga kostumer na masaya sa kanilang pakikipag negosyo ay isa sa pinakamahalagang bagay sa pagnenegosyo. Mas mahalaga pa raw ito sa pagkakaroon ng maayos na istratehiya sa negosyo, kasunod ng pag-pokus sa personal na benta ng mga tao mo. Para sa kanya, kahit maayos ang lahat sa organisasyon mo, pero di bumabalik ang mga kostumer mo, di ka uunlad. Tama nga naman, di ba?

#2 Matuto sa mga Kabiguan

Sabi ng founder ng Microsoft na si Bill Gates, na mainam na ipagdiwang ang mga tagumpay, ngunit mas mahalang matuto sa mga kabiguan at ito’y pakatatandaan. Sabagay, sa katwirang paulit-ulit mong gagawin ang mga bagay kung saan ka nabigo ay kapareho ng isang hangal na nagnanais na magkaroon ng ibang resulta.

#3 Walang mga Shortcut

Ang bilyonaryong si J. Paul Getty na kilala sa industriya ng enerhiya ay nagsasabing walang napapala na pangmatagalan sa pamamagitan ng pag-shortcut sa maraming bagay. Sa kanyang larangan ng oil and gas (langis) ay nangangahulugan ng kapahamakan s akonting mali bunga ng pagmamadali sa isang proseso na di puwedeng i-shortcut.

#4 Kalimutan ang Perpeksyon

Huwag mong isipin na ikaw ay di mapipigilan sap ag-aangat at ang lahat ng plano ay walang sabit. Ang mas mahalaga, ayon kay Eike Batista, isang bilyonaryong taga-Brazil, ay ang magtagumpay. Kaya kahit na di perpekto ang gagawin mo ang naaayon sa iyong naunang plano. Gawin ang lahat para magtagumpay.

#5 Maging tunay na Entrepreneur

Ang bilyonaryong Amerikano na si John D. Rockefeller ang nagsabing wag mong tahakin ang landas na nilakaran na ng marami. Ang landas na halos walang dumaan ay siya mong pagtuunan ng pansin. Ganyan mag-isip ang tunay na entrepreneur. Magsaliksik at pagbutihin ang pagsisikap hanggang magtagumpay ka.

#6 Wag mong pigilan ang iyong sarili

Ayon kay Mark Zuckerberg ng Facebook, ang pinakamalaking pagtaya sa negosyo ay ang di pagtaya mismo. Kung walang pagtayang gagawin, walang tagumpay na matatamo, di ba?

Kaya wag mong pigilan ang sarili mo sa mga nais mong nais makamit na tagumpay sa larangan ng pagnenegosyo. Tumuloy ka lang na may kasamang pagdarasal at pananampalataya, magiging ayos din ang lahat.

#7 Enjoy ka lang

Sa dulo, hindi ang pagkamal ng salapi o kayamanan ang dapat mong rason sa pagnenegosyo. Dapat, mahalin at mag-enjoy sa ginagawa. Yan mismo ang sinabi at ginagawa ni Tony Hsieh na founder ng matagumpay na online na negosyong Zappos sa Amerika. Kapag nagtagumpay ka na kasi, at pumasok na ang yaman, makikita mo na di na pera ang nagpapagulong sa negosyo kundi ang ibang mga bagay na nagpapasaya sa yo.

#8 Magbigay pabalik sa iba

Sa pagnenegosyo, dapat balanse ang lahat. Ayon kay bilyonaryong negosyante na si Chuck Feeney, ang pagbalanse sa mga ganitong bagay ang mas mahalaga – pamilya, negosyo, and oportunidad para mag-aral at magturo.


Para sa akin, ang balanse sa lahat ng bagay ay siyang mas mahalaga. Ang pagiging matagumpay sa negosyo ngunit pagkabigo sa mga relasyon at pamilya ay nagbabale-wala sa tagumpay sa negosyo.

sa lahat ng bagay, unahin ang Diyos at pamilya.

Si Homer Nievera ay isang technopreneur. Maaari siyang makontak sa email niya na chief@negosentro.com

business donald trump

10 Tips ni Donald Trump para sa Matagumpay na Negosyo

ni Homer Nievera, CDE, CVM | Sa pagbungad ng huling sangkapat (quarter) ng taon, marahil maraming negosyante ang nasa panahon ng repleksyon kung paano pa niya palalakasin ang kanyang benta. O marahil, ang mga nagnanais magnegosyo sa susunod na taon nama’y naghahanap ng mga tips upang maging matagumpay sila.

Sa mga susunod na Lunes, ibabahagi ko ang mga tagumpay-tips ng mga kilalang tao sa buong mundo. Marahil, makakatulong ito sa perspektibo ng isang startup na negosyo o sa mga nasa kalagitnaan na ng pagnenegosyo.

Simulan natin kay Donald Trump, na nakilala bilang matagumpay na negosyante bago pa maging president ng USA.

#1 Wag gawin ang bagay-bagay para lang sa pera

Noong nagsisimula si Donald Trump sa kanyang mga negosyo, di kaila sa iba na ang ama niya din ay negosyante. Kaya naman sa totoo lang, di na kailangan pang bumuhos sa pagnenegosyo si Trump, di ba? Ngunit ang tawag ng pagnenegosyo niya ay dahil na din kailangang ipagpatuloy niya ang legasiya ng kanyang ama. Yun nga lang, nahigitan pa niya ito. Kaya ang paghangad sa pagpapatuloy ng legasiya ng kanyang ama ay nagresulta sa pagkakaroon ng mas marami pang pera dahil sa kanyang pokus.

#2 Wag na wag kang bibitaw

Sa dami ng napagdaanang pagkabigo ni Trump, bumangon pa din siya. Itong ganitong saloobin ang naging susi ni Trump para malagpasana ang lahat ng hadlang at nagtagumpay. Alam niya kasing dapat lang niya itong pagdaanan.

#3 Wag kaligtaan ang mga detalye

Paniniwala ni Trump na ang buhay – at pagnenegosyo — ay nangangailangan ng pagtalima sa mga detalye. Para sa kanya, ang pag-iwas sa pagsilip sa mga detalye ay maaring maging multo mo sa mga darating na panahon.

#4 Laging tumutok sa mahahalagang trabaho

Noong mga kalagitnaan ng 1990’s bumagsak ang merkado ng real estate sa Amerika. Kilala si Trump sa larangan ng negosyo dito gaya ng Trump Towers at iba pa. Isang gabi, nais makapanoon ng isang palabas sa Broadway (New York) ni Trump. Noong gabi ding iyon, may isang malaking kontrata na kinaharap ni Trump at ibinilin sa ilang tao niya para tapusin ito, sa halip na siya na mismo ang tumutok. Di nila nagawa ang trabaho. Kinabukasan, bumagsak ang merkado at nalugi siya.

#5 Kumuha ng magagaling na empleyado

Ayon kay Trump, madaling magpaalis ng mga di nagpeperform na empleyado. Pero mahirap maghanap at magpanatili ng magagaling na empleyado. Kaya naman, kapag nakakita ka ng magagaling na empleyado, siguraduhing maalagaan mo sila at maiaangat sa susunod pang mataas na antas.

#6 Magtrabaho ng husto

Kailangan pa bang i-memorize yan? Alam naman na natin na ang taong tamad ay walang maayos na kinabukasan. Kaya wag mag-antay ng bukas kung nasa harapan na ang trabaho. Sani Trump, may kilala siyang nagsabi sa kanya na “The harder I work, the luckier I get.”

Tama nga naman. Magsipag at ikaw ay mabibiyayaan.

#7 Sundan ang iyong pakiramdam o sinasabi ng iyong puso

Sabi ni Trump, di laging utak mo ang gagamitin mo sa pagnenegosyo. Kung minsan, gamitin mo din ang iyong pakiramdam (o instinct). Madalas kasi sinsabi na ng magulang o mga kaibigan mon a wag gawin ang isang bagay, pero sa yo, tila tama nga ito. Sa ganang akin, ipagdasal mo ito. At yun marahil, ang tinatawag na tamang pakiramdam.

#8 Magtiwala sa sarili

Ang kalaban mo ay lagi ang yong sarili. Madalas, ang mismong dahilan ng pagkabigo ay ang di mo pagtiwala sa mga nararamdaman mo at sa mga dapat mong naging desisyon. Sabi ni Trump, sa huli, ikaw lang naman ang magdurusa kung di mo pinaniwalaan ang iyong sarili. May kinalaman din ito sa pag-pokus sa trabaho at sa pagnenegosyo na nnagangailangan ng lubos na tiwala sa iyong kakayahan.

#9 Maging abala

Ayon kay Trump, ang maraming “kalat” sa mesa ay indikasyon na ang tao’y maraming pinagkaka-abalahan. Kapag abala ka nga naman, wala kang panahong gumawa ng kalokohan. Kung di masadong abala, mag-aral o magsaliksik ka man lang. Simple!

#10 Mahalin ang ginagawa mo

Isipin mong ginagawa mo ang isang bagay na asar na asar kang gawin ito. Ano’ng pakiramdam mo? Magagawa mo kaya ito ng tama?

Ayon kay Trump, kapag mahal mong gawin ang isang bagay, lalago ito. Yan ang isang negosyong dapat mong gawin, iyong nagpapasaya say o lagi na tila di ka nagtra-trabaho, di ba?

Masaya kong magsulat at maglathala ng mga makakatulong sa maraming tao. Yan ngayon ang negosyo ko. Mahigit 30 ang aking inilalathalang blogs (o websites) na binabasa ng mahigit na 5M tao sa buong mundo.

Ka-negosyo, wag mong kalimutang pasalamatan ang Diyos sa lahat ng biyayang natatanggap. Lahat yan, kahit tila pagkabigo ay blessings.

Si Homer Nievera ay isang technopreneur. Maaari siyang makontak sa email niya na chief@negosentro.com

Simpleng Taktika sa Marketing

Limang Simpleng Taktika sa Marketing para sa Negosyo

ni Homer Nievera, CDE, CVM | May plano kang mag-launch ng isang produkto sa iyong negosyo. Wala kang halos badyet. Ano ang gagawin mo?

Sa panahon ngayon, basta may akses ka sa internet, makakagawa ka ng epektibong taktika para sa marketing mo. Malamang, ang una mong nasa isip mo ay ang paggamit ng social media. Maaaring tama ka pero di lahat ay nakasalalay doon. Narito ang 4 na taktokang maaaring magamit mo agad.

#1 Magsulat ng Artikulo sa Isang Blog

Maraming nagsasabi na kung maging viral ang iyong post, makakatipid ka sa gastos sa marketing. Ngunit mas mainam magsimula sa pagsusulat ng isang artikulo para sa isang produkto at tsaka mo i-post sa social media.

Panahon ngayon ng Dengue. Ang Dengue ay dala ng lamok. May isa kaming produkto na gawa sa citronella at neem, na natural na gamit kontra sa pagdapo ng lamok sa balat ng tao. Gumawa kami ng ilang artikulo ukol sa mga ingredients na ito, lalu pa at bawal ang mga kemikal na katumbas nito. Nang aming ikinalat ang mga artikulong ito, nagkaroon ng kamalayan ang tao di lang tingkol sa Dengue kundi sa mga natural na paraan para makatulong sa pang depensa dito. Sa mga artikulong inilabas namin, nakasulat ang brand namin na Buzzoff na halimbawa ng produktong may citronella at neem. Kung mabasa mo ito, ano’ng brand kaya ang mas maaalala mo?

#2 Paggawa ng Video

Ang mga kabataan ngayon ay halos di na nanonood ng TV. Sa social media na sila ngayon nanonood ng iba’t-ibang video. Kaya naman mas mainam ang gumawa ng sarili mong video kung ikaw ay mag-market ng produkto o serbisyo mo. Siguraduhin mo lang na akma sa merkado mo at di kailangang hard-sell ito.
Isang halimbawa ay ang mga video ng Jollibee na kilalang tagos-sa-puso ang mga tema. Yung mga ganoong klase ng video ay tumatak na sa tao di ba? Pero tingnan mo ang laman ng mga video nila kung saan sa Jollibee outlets silannag shooting, at mga produkto nila ang nakikita. Simple,, di hard-sell, epektibo.

#3 Mobile Marketing

Kung nasa EDSA ka at nakikita mo ang naglalakihang billboard, malamang iniisip na sana kaya mong makipagsabayan sa mga may malaking budget sa patalastas na yun. Kung may isang milyong piso ka, mga isa hanggang tatlong buwan lang yun aabot sa EDSA. Yan ay makikilagsabayan pa sa daan-daang mensahe sa mga billboard sa EDSA.
Pero kung ang ads mo ay nasa cellphone na ng mga tao, lalu pa at sila ay mga commuter o pasahero ng bus, grab at MRT sa EDSA, mahahagip mo sila. Maraming paraan sa mobile marketing na magagamit. Ang pinaka-simple ay ang paglabas ng ads sa mga social apps na nakapaloob sa mga gaya ng Instagram, Facebook, Twitter, Youtube, at marami pang iba.
Sa halagang 40 pesos, kaya mong maglabas ng social mobile ads na aabot sa halos isang libong tao! Ang mainamn pa dito, magagawa mong ayusin ang ‘preferences’ o pag-target sa iyong merkado. Mas masinsin, mas mainam. Di ka aabutin milyon-milyong budget dito.

#4 Paggamit ng Ecommerce Marketplace

Kamakailan, naglabas kami ng produktong Shampoo na gawa sa Gugo at Aloe Vera. Ang tatak nito ay Daila. Nakuha namin ang eksklusibong distribution sa online na merkado. Inuna muna naming ayusin ang e-commerce website kung saan may kakayahang magbenta online. Kasunod nito ay ang pagsasaayos ng aming Facebook Store. Matapos na maisagawa ito, agad kaming nag setup ng Lazada Shop. Sa loob lamang ng 24 oras mulannang mailabas ang produkto sa Lazada, nakabenta kami ng unang apat na produkto naming Daila Gugo Shampoo Bar. Di pa kami nakapag promote nun, nakita agd sa aming online store ang produkto.

Yan ang kagandahan ng pagkakaroon ng produkto o serbisyo sa mga tulad ng Lazada at Shopee. At madali lang mag setup nito.
Ang mas mainam na gawin ay i-konek ang website at Facebook page (store) sa Lazada o Shopee store mo. Upang dun na sila umorder at mabilis kasama ang delivery. Tandaan lang may mga kailangang paghandaan sa Lazada at Shopee gaya ng sariling kahon at pouches na oorderin sa kanila. Ayusin mo din ang fulfillment mg mga order para mabilis ang pick at delivery. Sa banko mo na mismo maghuhulog ng bayad ang mga ito.

#5 Influencer Marketing

Kung may kilala kang maraming followers sa social media at kapareho ng target mong merkado ang followers niya, puwede mong ipa-endorso ang produkto mo sa kanya. Ganyan ngayon ang mabilis at murang oaraan ng pagmarket kesa sa pagkuha ng celebrity o artista.

Madalas pa nga, ex-deal lang ang bayad sa kanila, o produkto o serbisyo lang ang ibinabayad. Maaari ka din mismong maging influencer kung kaya mong magpalaki ng followers mo. Madaling magsimula sa pamamagitan ng pag-demo ng produkto. Cellphone lang at i-video mo, ayus na!

Di kailangang maging mahal ang budget sa pag-market. Gamitin lang ang isa o dalawang paraan na nabanggit ko sa itaas ng pitak na ito at tiyak, may magandang resulta. Kontong pasensiya lang din hanggang sa ma-perfect mo. Magsaliksik pa ukol sa mga ito para mas maging bihasa ka.


Si Homer Nievera ay isang serial technopreneur at makokontak sa chief@negosentro.com.

startup pagkapareho

5 Pagkakapareho ng mga Matagumpay na Startup

ni Homer Nievera, CDE, CVM | Kung babalik-tanawin natin ang mga kumpanya na nasa teknolohiya gaya ng Google, Facebook, Snapchat, Instagram at marami pang iba, lahat sila’y nagsimula bilang tinaguriang startup na negosyo. Ang ibig sabihin, nagsimula sila sa wala. Ang Facebook ay sinimulan sa kuwarto ng dormitoryo ni Mark Zuckerberg.

Sa isang pitak ko, nasabi kong ako’y nagsimula sa pagnenegosyo sa pagbenta ng Chocnut sa mga kaklase. Maraming mga negosyante na may matatagumpay na negosyo na nagsimula saw ala o sa maliit lamang. Ganito ang meron sila —

#1 Seryoso at Marubdob ang mga Founder

Ang pagiging marubdob (o passionate) sa iyong negosyo ang isa sa pinaka mahalagang bagay na magdudulot ng magandang resulta sa iyong startup. Ang pagsimula sa wala ay isang magandang rason kung bakit importane ang marubdob na founder. Lahat ay gagawin dahil ilang buwan — o minsan pa’y taon – bago ka kumita. Yung di ka titigil hanggang di mo nakakamit ang tamang pormula ng tagumpay.

Ang mga founder na sina Elon Musk ng Tesla at Jack Dorsey ng Twitter ay naka-ilang ulit sa pagtatayo ng negpsyo bago sila nagtagumpay.

#2 Tamang Timpla sa Lahat ng Gawain

Ang mga matagumpay na startup ay nakakahanap ng maliliit na butas sa merkado at ginagawan ito ng solusyon. Dito sila lumalaki. Isang halimbawa ay ang Instagram kung saan Nakita nila ang paglago ng paggamit ng mobile phone. Dahil Nakita nila na ang Facebook noon ay nakatuon sa mga gumagamit ng PC at maraming mga functionalities na ito, nag pokus ang Instagram sa ng Photos lamang gamit ang mobile. Ayun, boom!

Kaya wag masyadong gumawa ng maraming bagay na di mo naman talaga mapagtutuunan ng pansin. Pokus lang at tamang timpla sa bawat galaw.

#3 Pokus sa pagtatapos kesa sa pagiging perpekto

Sa dami ng aking mga natulungang mga startup, ang paying “done is better than perfect” ang isa sa aking paborito. Marami kasing mga startup lalu na sa larangan ng teknolohiya ay naakit ng perpektong Gawain habang ang kompitensyon ay nasa merkado na.

Tandaan na ang teknolohiya ay mabilis magbago, kaya’t pokus ka sa pagsasaayos ng mga timelines mo. Lagyan ng mga phases ang bawat proyekto at tingnan kung saan ang mas mabilis na paglabas sa merkado. Ang mahalaga ay nakikita mo ang mga nagugustuhan ng mga kostumer at nalalaman kung ano ang dapat baguhin o ayusin pa kesa nabuo mon a ang “perpektong produkto” ngunit wala namang nais bumili nito.

#4 Mauna sa merkado

Kadikit nito ang “done is better than perfect” sa pamamagitan ng kasabihang “first to market beats first to patent.” Marami na kasi akong nakilalang mga magagling na imbentor na ang tanging hangarin ay mai-patent ang kanilang produkto at isusunod ang pagbebenta nito. Hindi naman masama ito kung imbentor ka. Pero kung negosyante ka, unahin mom una ang paglabas sa merkado at tsaka mon a isunod ang pag-patent nito. Dahil pag nasa merkado na, mas mapapaganda mo pa ang produkto mo at yun ang ipa-patent mo.

Isang halimbawa ay ang isang teknolihiya naming na isang “transponder” o “black box in the cloud” kung saan inimento ito upang mabigyan ng pagkakataon ang mga maliliit na eroplano na ma-trace nang di kailangan ng mga mamahaling satellite equipment. Sa dulo, mas ginagamit na siya sa mga sasakyang pang-dagat ang pati ang pag trace ng mga nahuhuling isda gaya ng tuna. Yan na ngayon ang merkado na ginagalawan ng produkto na gawa ng FAME (Futuristic Aviation and Martitime Enterprises). Nakilala na ito sa buong mundo dahil sa kakaibang teknolihiya na di dumadaan sa mga telcos. Nag-iba man ang paggamit nito ngayon, mas matibay na ang hinaharap nito lalu na sa pag-patent.

#5 Halaga ng Kultura

Ang kultura ng isang organisasyon ay siyang maglalapat ng kinabukasan nito. Kung may passion ang founder, gayundin dapat ang mga tao sa organisasyon nito. Tingnan mo ang kultura ng mga kagaya ng Google, Facebook at Tesla kung saan ang inobasyon ay itinutulak. Kaya naman ang organisasyon nila ay maunlad at patuloy na umuunlad. Saliksikin ang mga tipo ng kultura na nais mo sa sariling startup.

Bilang isang entrepreneur, ang aking personal na payo ay ang pagbangon mula sa mga pagbagsak. Isipin na ang pagkabigo ay di katwiran para tumigil sa iyong mga pangarap. Tuloy ka lang. Sa pagkabigo ay may aral na matututunan. Higit sa lahat, dasal at pananampalataya ang kailangan. Yan ang wag kalimutan.

Si Homer Nievera ay isang technopreneur. Maaari siyang makontak sa email niya na chief@negosentro.com

Influencer Para sa Negosyo

4 na Gagawin Bago Kumuha ng Influencer Para sa Negosyo

ni Homer Nievera, CDE, CVM | Ano nga ba ang Influencer Marketing? At sino ba ang mga timaguriang Influencer?

Sa panahon ngayon kung saan ang social media ay tila hari ng media, ang paglago ng industrya ng Influencer Marketing ay mabilis na sumunod. Dahil na din sa salitang Influencer, ang mga taong ito ay may malaking base ng tagasumod o tagasaubaybay. Mga 100,000 pataas ang numero na kung saan ikaw ay matatatawag na influencer.
Narito ang ilang paraan para makatulong sa pagkuha ng mga influencer sa iyong negosyo.

#1 Alamin ang merkadong ginagalawan mo

Umpisahan mong saliksiking mabuti ang merkado at industriya kung saan lumalaban ang produkto o serbisyo mo. Kailangan mo munang alamin kung sino ba talaga ang kostumer mo. Alamin kung ano’ng dialekto ang gamit nila, ano ang lugar kung saan sila madalas pumunta at kung anu ano pa upang masuyod mo nang maigi angga impormasyon ukol sa merkado mo. Ito kasi ang magagamit mo para sa pag pili ng influencer.

#2 Tingnan ang galaw ng kumpetisyon

Sa galaw pa lang ng mga kakumpitensiya mo malalaman kung tama ba angga susunod mong hakbang. Halimbawa, sila ba ay may ginagamit na ding influencer? Kung oo, sino ito? Tingnan mo din ang tipo at kalidad ng mga tagasubaybay ng mga influencer nila. Mahalaga ding malaman ang platapormang gamit nila gaya ng Twitter, Facebook, Youtube o Instagram.
Kapag nakalap mo na ang mga impormasyon na ito, mas makakagawa kanng istratehiya.

#3 Pagsasaayos ng istratehiya at mensahe

Ang Pagsasaayos ng iyong istratehiya ay kaugnay mg mensaheng ilalabas mo. Di ka kasi maaaring basta-basta lang kukuha ng influencer kung di mo alam anv boses na nais mong gamitin. Babae ba o lalaki? Bata o matanda? Di ba sa mensahe na nais mong iparating, mag-iiba ang influencer na kukunin mo?
Kaya sa umpisa pa lamang ay dapat masinsin ang pagkakagawa ng istratehiya at mensahe no.

#4 Pagkuha ng partners

Ang Whalar.com ay isa sa dalawang kumpanya sa mundo kung saan nakapaloob ang paggamot nila ng tinaguriang API ng Facebook, Instagram at Snapchat. Dahil dito, madali nilang makuha ang mga istatistika upang malaman ang mga numero ukol sa isang influencer. Malaking bagay ang kumpanya na ganito dahil mas mapapabuti ang pagpili sa influencer na naaayon sa target mong resulta. Kaya mahalagang kumuha agad ng matitinong partner para sa kampanya mo.
Kung sa tingino naman na kaya mong kumuha ng influencer mo, go lang. Siguraduhin lang na kaya mong rendahan at makukuha mo ang mga istatistika nila.


Si Homer Nievera ay isang serial technopreneur at makokontak sa chief@negosentro.com.

Produktibo sa Negosyo

4 na Paraan Para Tumaas ang Pagiging Produktibo sa Negosyo

ni Homer Nievera, CDE, CVM | Kung sa tingin mo ay maayos ang iyong pagnenegosyo, silipin ang produksyon na ginagawa ng mga tao mo at sistema. Dito mo makikita na kahit paano, may maiaangat pa ang pagiging produktibo ng negosyo mo.

Narito ang ilang paraan para makatulong –

#1 Pag audit ng iyong operasyon

Ang unang dapat gawin ay ang pag audit ng buong operasyon mo. Madalas, may m..ga kinagawian na akala mo ay maayos na. Ngunit sa ikalawa at ikatlong pagtingin, may ikakabuti pa pala. Kung mapapansin niyo ang McDonald’s kung saan may mga branches na may mga kiosk kung saan di ka na agad pipila sa counter para umorder kundi doon mo na i-input at puede ka nang magbayad agad o kaya”y antayin matawag ang numero mo para sa counter magbayad.

Ang mga ganyang kumpanya ay nag aufit ng kanilang operasyon at nakakita nang may maiaangat pa sa pagpapabilis ng sistema sa pag order upang umiksi ang pila sa mga counter.

#2 Tamang training sa mga tao

Madalas, ang kakulangan aa training sa.mga tao ay nagdudulot ng mga di epesiyenteng operasyon. Kung sa tingin mo ay simple lang ang solusyon dito, sa totoo lang, di ganun kadali. Bakit? Kasi kailangan mo munang alamin ang mismong uri ng kakulangan at intindihing mabuti ang ito. May tinatawag na Training Needs Analysis (o TNA) na isang uri ng pag analisa sa pangangailangan na training ng mga tao. Saliksikin sa internet kung paano ito gagawin.

#3 Pagsasaayos ng kapaligiran sa pagtrabaho

Minsan, ang kaayusan sa pinagtatrabahuhan ay sapat na upang umangat ang produksyon sa opisina. Kung masikip, mainit at magulo ang isang opisina, di ba parang ayaw mong magtagal doon? Kadalasan pa nga, mainit ang ulo ng mga tao. Baka pinagmumulan pa ito ng bangayan.

Kaya naman ngayon pa lang, isaayos ang opisina sa lahat ng bagay. Ilagay sa tamang lugar ang mga bagay-bagay lalu pa’t sagabal sa maayos na pagtatrabaho ng mga tao. Kung may sira, ayusin. Kung may kalat, ligpitin. Kung kailangang palitan ang kulay ng mga dingding, gawin mon a din. Ang mahalaga, inspirado ang mga tauhan mo. Tiyak yan, lalaki pati benta mo!

#4 Gumamit ng teknolohiya

Baka sabihin mo, ayan na naman si Homer. Laging may kasamang teknolohiya sa pagnenegosyo. Kung nasa 1980’s pa tayo ngayon, malamang di mon a halos mababasa ang ganyang wika patungkol sa teknolohiya. Kasi noong araw, kundi mahal, walang magagamit. Ngunit sa panahon ngayon, wala kang mapupuntahan kung di ka gagamit ng anumang uri ng teknolohiya sa negosyo mo. Ang simpleng PC o mobile phone ay malayo ang mararating ng negosyo mo, di ba?

Kaya kung nagdadalawang – isip ka pa kung gagamit ka ng teknolohiya sa negosyo, malamang, huli ka na sa sa mga kakumpitensiya mo. Ayun, iinit nga talaga ulo mo!

 

Sa panahon ngayon, sa dami ng kakumpitensiya, kailangang ituon ang pansin sa pagiging produktibo sa negosyo. Wag ka nang mag atubili. Go lang ng go!

 

Si Homer Nievera ay isang serial technopreneur at makokontak sa chief@negosentro.com.

Makapagpatakbo ng Maayos na Negosyo

3 Simpleng Paraan Para Makapagpatakbo ng Maayos na Negosyo

ni Homer Nievera, CDE, CVM | Ilang beses mo na bang pinag-iisipan ang lahat nang nababasa at napapanood mong mga video ukol sa tamang pagpapatakbo ng iyong negosyo? Minsan, di ba, parang nakakalito na ang buhos ng lahat ng impormasyon?

Kaya naman naisip kong maglista ng tatlong simpleng paraan para mo mapagtakbo nang maayos ang iyong negosyo. Narito na.

#1 Simulan sa solidong pundasyon

Gaya nang isang tahanan o gusali, dapat matibay ang pagkakagawa ng pundasyon ng iyong negosyo. Sa umpisa pa lang kasi, dapat nasa tama ang pagkakahulma nito. Umpisahan natin sa solidong Business Plan. Ang isang maayos na Business Plan ay nakasalalay sa mga parte ng iyong plano. Gaya na lamang ng tamang produkto o serbisyong nakatuon sa iisang uri ng mammimili o kostumer. Ang pagsimula dito ang magdidikita kung saan patungo ang negosyo mo.

Ang pagkakaroon ng mga istraehiya upang lumawig ang iyong negosyo at makaabot sa lahat ng nais abuting kostumer ang dapat isunod sa pundasyon mo. Tingnan mo din ang galaw ng kumpetisyon at paano mo mauungusan sila. Magsaliksik. Yan ang simula ng isang maayos na pagnenegosyo.

#2 Pagsasaayos ng kaperahan

Lahat ng usaping pinansyal ang susunod sa pagpapatakbo ng maayos na negosyo. Di kasi basta-basta uusad ang negosyo mo kung kulang ka sa pondo o kapital.

Unahin ang paggawa ng tinatawag na Sales at Pinasyal na Forecast. Dito mo malalaman ang kakailanganin mong pondo at benta para maisaayos ang badyet mo. Di lang pangangalap ng sapat na pondo ang kalinangn mo kundi ang pagsasaayos din ng operasyon para masinop ang paggastos mo. Kapag naayos mo na ang bahaging ito, may laban ka na.

#3 Paggamit ng iba’t-ibang teknolohiya

Sa simula pa lang ng pagpaplano mo, gumagamit ka na tiyak ng Internet, wifi, PC at mobile phone. Di ba teknolohiya yan? At dahil dyan, mas napapabilis ang pagnenegosyo mo. Isipin mon a lang sa panahon ng kabataan ko na walang kompyuter at Internet. Paano na di ba?

Ang teknolohiya na babagay at makakatulong sa pagnenegosyo mo ay marami. Mula sa apps sa phone hanggang sa mga software gaya ng sa accounting at nandyan. Saliksikin mo ang ang mga babagay sa yong negosyo, di ba?

Para sa akin bilang mandirigma sa larangan ng marketing, mahalaga ang teknolihiya sa pagsasagawa ng mga programa ko sa halos katiting na badyet. Halimabawa dito ay ang paggamit ko ng social media kung saan halos wala kang gagastusin sa panimulang programa sa marketing dito. Ang mas mahalagang parte ng social media para sa akin ay ang mga tinatawag na metriko kung saan nalalaman ko kung epektibo ba o hindi ang aking mga gawain sa social media. Sa maraming lugar ng marketing ay may kaakibat na teknolohiya. Paano pa kaya sa larangan ng operasyon at manufacturing.

Bilang negosyante, para maging epektibo ka sa negosyo, wag kang masyadong maraming iniisip agad nang di mo pa nagagawa ang tatlong nabanggit ko.

Nawa’y makatulong ang pitak na ito lalu na’t papunta na naman sa Budget Season ang buwan ng Setyembre para sa mga kaperahan para sa darating na 2020.

Siyanga pala, shoutout lang po sa aking mga ka-negosyo sa Admadz at EPlayment na sina Faith Abano (Chairman ng AdGenius Inc.) at Karlos Naidas (CEO ng Eplayment) para sa kanilang mga presentasyon sa kakatapos na Asia CEO. Gayundin kay Jean Sarana na head ng marketing ng CESAFI, sa matagumpay na opening ng naturang patimpalak sa Cebu.

 

Si Homer Nievera ay isang technopreneur. Maaari niyo pong makontak si Homer sa chief@negosentro.com.

Libreng Marketing ng Isang SME

3 Simpleng Paraan Para sa Libreng Marketing ng Isang SME

ni Homer Nievera, CDE, CVM | aituturing ba ang negosyo mo bilang isang SME? Sabihin na lang natin na kaya ka nagbabasa ng pitak na ito ay dahil nais mong matutunan ang mga bagay-bagay bilang isang negosyante sa kategoryang ito. Kung ganun na nga, narito ang mga tips ko para mai-marekt ka nang maayos.

#1 Email Marketing

Sa panahong teknolohiya, di pa rin maluluma ang paggamit ng email. Sa pagbukas ng mga account sa social media man o sa banko, mahalaga ang email, di ba? Kaya naman kung may listahan ka ng mga kostumer mo o kaya’y mga target mong kostumer, maaari ka ng magsimula gamit ang mga email nila.

Tandaan lang na di basta-basta ang nilalaman ng isang email. Dapat tandaan na personal ang paggamit nito kaya ang pangalan ng kostumer ay dapat na binabanggit, sa una pa lamang. Puede na din ang Mr./Mrs. o anumang titulo gaya ng Atty., Engr., at iba pa. Paggalang sa tao na tinatarget mo ang gamit ng mga titulong ito.

Ang susunod na laman ng email mo ay ang pagpapakilala sa kumpanya mo. Dapat, sa loob ng tatlong pangungusap, maiintindihan na nila kung sino ka at ano’ng ginagawa mo. Ang isusunod agad na laman ng email ay ang pagbanggit ng maaaring problema ng kostumer at paano mo ito maaayos. Sa dulo, magpasalamat ka at humingi ka agad ng appointment.

#2 Social Media

Kung may email ka man o wala ng kostumer, sunod mong ayusin ay ang Facebook Page mo o anumang account mo sa social media. Tandaan na di personal na account into kundi isang Business Account. Dahil na din mas maraming features kang magagamit kung pang negosyo ang gagamitin mong account.

Ang maaaring dahilan sa pagbuo ng social media account ay ang posibildad na may mas ma-target kang wala naman talaga sa listahan mo ngunit kapaerah ng mga iba mo ng kostumer. Kaya kasing ma-target ito sa pamamagitan ng tinatawag na “preferences” na ayon sa datos ng social media gaya ng Facebook.

Ang unang paggamit ng social media ay tinatawag na Customer Service – o serbisyo para sa kostumer. Mas mabilis ang pagsagot lalu na’t sa Comments o Messenger nagpunta ang kostumer.

Kung sa sales (o pagbenta) mo naman gagamitin ang social media, di madali itong gawin. Ang madalas kong ginagawa ay ang pag-boost ng mga post. Subukan mo to. Halagang 40 pesos lang naman kada boost ng post.

#3 Networking

Ang networking o ang pagkikita-kita ng mga taong maaaring may pangangailangan sa isa’t isa ay nangyayari pa rin ngayon kahit maraming nasa social media? Bakit? Kasi mas mabilis mong ma-close ang isang negosyo kung kaharap nyo ang isa’t isa. Mas mabilis kasing nabubuo ang tiwala sa isa’t isa.

Paano ba sinisimulang ang networking? Madali lang ito. Kung may mga organisasyon ang ginagalawan mong negosyo, ang pagsapi man at ang pakikisalamuha sa mga ka-industriya mo ay simula na ng networking.

Sa mga pagtitipon, siguraduhing may dala kang Business Cards (tarheta). Ito kasi ang madalas na nagpapalitan sa isang Networking Event. Hanapin ang mga skeydul sa ibang ibang anunsyo gaya ng Facebook o Instagram o Twitter. Sa Internet, mas malawak mo itong masasaliksik.

Tandaan na di naman mahirap magsimula sa marketing bilang isang SME. Kailangan lang na lagi kang nag-aaral. Samahan mo ng dasal at umpisa na an patungo sa tagumpay.

Si Homer Nievera ay isang technopreneur. Maaari siyang makontak sa email niya na chief@negosentro.com