summer

5 Pampalamig na Negosyong Patok Kapag Summer sa Pilipinas

Homer Nievera, CDE | Dama mo ang init ng panahon kapag tag-araw. Nanunuot sa kahit na anumang kasuotan Kung wala kayong aircon, sobrang maalinsangan sa bahay kaya’t mas mabuti pang mamasyal sa mga mall. Kaya naman malaki ang kinikita din ng mga mall na may mga negosyong pang-summer.

Kung gusto mong pagkakitaan ang summer sa Pilipinas, narito ang limang patok na negosyo ma puwede mong gawin:

#1 Halo-Halo

All-time favorite na negosyo ang Halo-Halo. Kahit nung bata ka pa, halos bawat kanto sa inyong lugar ay may tindang Halo-Halo. Marahil alam mo na kung paano ito gawin. Ang simpleng sikreto lang naman diyan ay ang timpla, rekado, at gimik. Kaya ang gagawin muna ay mag-isip ng kakaibang gimik para makakuha ng atensiyon at maiba sa kumpetisyon. Kung may kakaiba kang timpla (siyempre mas masarap kesa iba!), mag-dagdag ng kakaibang rekado na din. Halimbawa, kung lahat ay walang dagdag na ice cream, ikaw meron. O kaya ay yung sa yo ay may keso. Siyempre tingnan mo ang presyo kung aayon sa badyet ng kostumer.

#2 Shake

Kung may kakumpitensiya ka na sa halo-halo, mag-levelup ka sa Shake. Mas mainam kung meron kang blender. Mura na lang naman yun. Gagamit ka nga lang ng kuryente. Pero, siguradong patok yan lalu na’t sariwa ang prutas ang gamit at masarap ang timpla mo. Magsaliksik sa Internet at sa mga mall kung ano ang mga patok sa kostumer. Kung wala kang blender, puwede na din ang Shaker, basta meron kang crushed ice na mabibili. Yun lang, sa blender, kahit ikaw na ang gumawa ng sariling yelo ayus na!

#3 Ice Frappe

Halos kapareho ito ng shake. Ang pinagkaiba ay ang paggamit ng mga ingredient na galing sa kape. Gagamit ka din ng blender dito pero di gaya ng shake na sariwang prutas ang ginagamit, mga powdered na nabibili sa merkado ang gamit. Dahil siguradong mas mura ang ingredients at puwesto mo kesa sa mall, dadayuhin ka. Mas mainam kung may ilang mesa ka para tambayan.

#4 Lemonade

Sa Amerika kilala ang negosyong Lemonade, pero ngayon, uso na sa Pilipinas. May nabibiling pampiga ng lemon para mas mabilis mong makatas ito. Yun lang at ilang pampalasa, ayus na. Gaya ng shake, ang paghalo ng ibang sariwang prutas na kayang makuha ang katas ay mahalaga para mas dayuhin ka. Yung iba, gumagamit ng shaker para mapaghalo ang mga rekado at yelo. Huwag ding kalimutan ang gimik.

#5 Fruits-in-Season

Kapag tag-araw, masarap kumain ng mga prutas na malamig at nakapatong sa crushed ice, di ba? Gawin mo itong negosyo! Ilan lang diyan ang melon, pinya, pakwan, manga, at honeydew. I-display lang ang mga iyan sa harap ng bahay mo, siguradong may bibili.

Marami pang pampalamig na puwedeng i-negosyo pag-summer. Ang mahalaga, unahin ang panlasang Pinoy. Tara, mag-gulaman at sago tayo!

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage. Si Homer ay co-author at co-admin sa HeSaidSheSaidPH.com at Facebook Page na He Said She Said Philippines.

Kumpetisyon

4 na Paraan Para Laging Lamang Ka sa Kumpetisyon

Homer Nievera, CDE | Sa larangan ng negosyo, ang pagiging una sa lahat ng bagay ay mahalaga para sa isang negosyante. Kahit anumang industriya at gaano man kalaki ang iyong negosyo, ang nasa unahan ay lamang sa maraming bagay.

Yun lang, dahil may kakumpitensiya ka, lagi kang nag-iisip ng paraan para di malamangan. Paano nga ba ito gagawin?

#1 Pabonggahin ang iyong brand

Para umangat ka sa iba, iangat ang iyong brand. Ang pagkakakilala sa iyo bilang sikat o kilalang brand ay makakatulong ng malaki sa pamamayagpag ng iyong negosyo. Malaking bagay din na maging kilala ka bilang CEO o may-ari ng negosyo.

#2 Gumamit ng mga makabagong paraan ng marketing

Sa kasalukuyan, dalawang makabagong paraan sa marketing ay ang mobile (apps at ads) at paggamit ng video. Maari mong gamitin ang ganitong paraan upang mangibabaw sa iba. Ang paggamit din ng AI – artificial intelligence – ay maaari mo din ikunsidera. Kung ano ang mga bagong paraan ng marketing, pag-aaralan kung aayon sa iyo at paghandaan.

#3 Protektahan ang iyong Intellectual Property (o IP)

May mga negosyong may mga produktong orihinal ang pagkakagawa o imbensyong kailangang maproteksyunan sa mga manggagaya. Kung may ganoon kang produlto, ang pag-rehistro ng iyong IP (patent o copyright) ay mahalaga para sa mga tulad mo. Malaking bagay ito ngunit tandaan na di ka pa rin nakasisiguro kung sa ibang bansa ito gagayahin. Kaya ang importante ay patuloy mong palawigin ang inobasyon. Tandaan din na mas mahalaga ang unang nag-market kesa unang nag-patent kung branding at market leadership ang pinag-uusapan.

#4 Palakasin ang iyong brand sa Internet

Dahil na din sa Internet, maraming paraan na libre o murang halaga para mapaangat ang iyong brand. Ang unang tinitingnan ng mga tao tungkol sa iyong pangalan ay ang Internet. Dito kakailanganin ang tulong ng SEO – Search Engine Optimization – kung saan matutulungang umangat sa search results ng Google ang iyong brand o kumpanya. Gamitin ang social media bilang panimulang estratehiya.

Anuman ang iyong negosyo, laging isipin na di ka nag-iisa. Wala kang monopolya sa ideya kaya’t siguradong may magiging kalaban ka sa negosyo. Ang mahalaga, gawing masinsin ang pag-target mo ng merkado para mas lumiit ang tsansa na may makalaban kang bigatin.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

home-business

5 Paraan Para Magtagumpay sa Home Business Mo

Homer Nievera, CDE | Trapik. Isa lamang yan sa mgaraming dahilan kung bakit naiisip mong trabaho o magnegosyo na lang mula sa iyong tahanan. Maaaring marami kang naiisip na klase ng negosyo na pagtatagumpayan mo. Ngunit sa totoo lang, di basta-basta ang mag-home business. Katulad din yan ng pagpapatakbo ng ibang negosyo na dapat nakatutok ka at may alam ka sa marketing.

Narito ang limang paraan para magtagumpay ka sa Home-Based Business mo:

#1 Gumawa ka ng maayos na schedule

Hindi dahil nasa bahay ka lang, kabisado mo na ang oras ng pagtratrabaho mo. Mahirap din kayang magtrabaho sa bahay kasi maraming sagabal sa oras mo. Kaya ang dapat gawin ay sadyaing isulat ang schedules mo. Gaya ng pagbukas ng kompyuter mo, pagtayo, pagtimpla ng kape, pagkain at iba pa. Isama mo na din ang pag-ehersiyo para di naman saying oras mo.

#2 Ayusin ang problema sa miting at networking

Malaking problema yung nasanay ka na, na mas tahimik ang kapaligiran mo sa bahay at wala ka halos kausap. Dahil kailangan mo din naming makipag-miting at mag-network sa labas di ba? Una, sumali sa mga katulad mong home-based ang negosyo at kung may event na magkikita-kita, pumunta ka. Mag schedule ka din ng ilang meeting sa isang buwan para maging aktibo ka at visible ka sa kliyente at ibang tao. Makipaghalu-bilo ka. Yan ang isa sa sikreto ng tagumpay sa negosyo. No man is an island, di ba?

#3 Alamin ang mga paraan para mas makatipid pa

Alam mo naming dapat mas matipid na ang pagnenegosyo mo dahil nga home-based ka na. Kaso, marami ka pa ring dapat pagtitipiran. Tingnan mo kung kaya mo naming walang aircon paminsan-minsan, o LED na ang ilaw na gagamitin mo. Ako nga, pinalitan ko ang PC screen ko ng LCD matagal na at nakita kong mas matipid pala ito. Ngayon, uso na ang LCD screen sa PC. Ngayon naman, Inverter na ang mga aircon sa bahay at refrigerator.

#4 Pagbabayad at iba pa

Nadiskubre ko na mas mainam ang pagbabayad online at iba pang kaakibat na transaksyon. Ang Paypal ay nagging kaibigan ko bilang paraan ng pagbabayad – papasok o palabas. Ang mga gaya ng GCash at Paymaya ay ilan din sa mga maayos na sistemang komersyo ng pagbabayad o transakyon.

#5 Internet

Hindi ka mabubuhay sa negosyo mo sa bahay kung wala kang Internet – iyong mabilis ha? Kaya naman siguraduhing maayos ang linya mo. Yan ang buhay mo bilang komunikasyon, sa pagsasaliksik at pati na din sa bayaran. Siyempre, ang social media, nangangailangn ng Internet. Yan ang pangunahing pang-market mo di ba?

Ilan lang yan sa mga simpleng paraan upang magtagumpay sa negosyo mo sa bahay. Maging masinop at matiyaga. Darating din ang araw ng tagumpay.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

High-DA-Blogs

These Blogs with High DA Accept Real Guest and Sponsored Posts in One Network

Homerun Nievera | These days, it’s hard to find credible blogs with high domain authority that will accept “real” guest posts and sponsored posts in one network. This means that you only get to talk to just one person to submit your various content (usually for only one website or company).

I’m glad to write for one of those blogs — Negosentro.com. But guess what? Negosentro is now part of a multi-blog network that serves various niches or categories. These blogs are managed or marketed under the Mediablast Digital banner. This makes it easier for content marketers and SEO companies to submit or place their content as they only need to submit practically all of them in one email. Mediablast’s commercial content officer goes by the name of Rover Jones. Albeit being a very busy guy, he is able to juggle work across the sites. But you’ll have to wait for the postings or sometimes send a quick followup email as Mr. Jones is not fond of replying to each and every email — unless your submission is rejected.

Here is the list of those top ranked blogs:

Negosentro.com (DA: 46) – Business, entrepreneurship, tech, property & construction, health
VigorBuddy.com (DA: 34): Health and wellness
FoodFindsAsia.com (DA: 32) – Food, dining, entertainment, travel, leisure
PropertyFindsAsia.com (DA: 30) – Real estate, properties, construction
ExecutiveChronicles.com (DA: 27) – Business, entrepreneurship, tech, property & construction, health
WorldExecutivesDigest.com (DA: 25) – Business, entrep, tech, property & construction, health
GoGaGaH.com (DA: 25) – Tech, gadgets, hobbies, entertainment
HeSaidSheSaidPH.com (DA: 23): Life, lifestyle, women, relationships, dating, poetry
HomerNievera.com (DA: 21) – Startups, business, tech
Fotograpiya.com (DA: 20) – Photography, video, tech, gadgets, media
AsianFoodTourist.com (DA: 18) – Food, dining, entertainment, travel, leisure
PinoyTrekker.com (DA: 16) – Travel and lifestyle
Edusentro.com (DA: 17) – Education, distance learning, LMS
Yomanila.com (DA: 13) – Entertainment, Lifestyle, Leisure, Food, Dating, Tech
GetHealthAccess.com (DA: 9) – Health, Fitness

Oh, and did you notice that I included this blog in the network?  I was happily surprised of my domain authority ranking of 21! Not bad at all, huh?

To get in touch with Rover Jones, just email the dude at email@negosentro.com.

negosyo

3 Simpleng Bagay Para Patakbuhin ng Maayos ang Negosyo

Homer Nievera, CDE, CCM | Ang isang episyenteng operasyon ng negosyo ay pangarap ng bawat negsoyante. Ito ay kung saan ginagawa ng bawat empleyado ng maayos at masinop ang kanyang gawain. Dito, walang nasasayang na oras at bagay-bagay sa pagbuo ng mga produkto. Dito, malinis ang kapaligirang pinagtatrabahuhan at walang nasasayang na kahit na ano  habang naisasakatuparan ang kalidad ng produkto.

Paano ito masasakatuparan?

#1 Paglilinis

Ang kalinisan ng kapaligiran at lugar na pinagtatrabahuhan ay pangunahing gawain para umayos ang pagpapatakbo ng isang negosyo. Ang paglilinis ng kapaligiran ay sa pamamagitan ng masinop at malalim na paglilinis. Hindinlamang sa pagtatapon ng mga di na kailangang bagay nag-uumpisa ang paglilinis. Dapat, sa lahat ng aspeto ng negosyo, kasama na ang pagtatapon at pag-alis ng mga lumang files sa kompyuter. Siguraduhing malinis din ang mga makinaryang ginagamit, kung meron.

Ang malinis na pinagtatrabahuhan ay nagdudulot ng magandang awra sa opisina at makakatulong pa sa kalusugan.

#2 Pag-organisa

Di lamang kalinisan ang dapat isakatuparan sa iyong negosyo. Kasama na dito ang pagsasaayos ng mga gawain o workflow ng mga tauhan. Ipatupad ang mas maayos at organisadong lugar na pinagtatrabahuhan para maging episyente ang paggawa ng mga empleyado. Dapat madaling hanapin ang mga bagay-bagay sa opisina.

Isaayos na din ang mga files at datos na maaring di mo pa talaga napagtuunan ng pansin. Malaking katipiran ang matatamo sa maraming bagay kung episyente ang iyong mga datos na maaari mong i-analisa.

#3 Maintenance at upgrade

Siguradong makikita mo ang maraming bagay na dapat mo ng i-upgrade o ayusin ang pag-meyntena (maintenance) sa paglilinis at pagsasaayos ng mga bagay-bagay sa opisina. Gawin ang nararapat. Ito na ang pagkakataon mo para baguhin ang sistema o mas pabilisin pa ito.

Mahalaga ding tingnan nab aka kailangan nang training ang mga tao mo kung nabago na ang mga Sistema sa opisina o industriya matapos ang ilang panahon.

Ang pagiging big boss ay di simple. Pero marahil, ang tatlong simpleng bagay na aking naisulat ay makakatulong sa panibagong simula sa negosyo mo.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

negosyo Kumpetisyon

4 na Paraan Para Laging Lamang Ka sa Kumpetisyon

Homer Nievera, CDE, CCM | Sa larangan ng negosyo, ang pagiging una sa lahat ng bagay ay mahalaga para sa isang negosyante. Kahit anumang industriya at gaano man kalaki ang iyong negosyo, ang nasa unahan ay lamang sa maraming bagay.

Yun lang, dahil may kakumpitensiya ka, lagi kang nag-iisip ng paraan para di malamangan. Paano nga ba ito gagawin?

#1 Pabonggahin ang iyong brand

Para umangat ka sa iba, iangat ang iyong brand. Ang pagkakakilala sa iyo bilang sikat o kilalang brand ay makakatulong ng malaki sa pamamayagpag ng iyong negosyo. Malaking bagay din na maging kilala ka bilang CEO o may-ari ng negosyo.

#2 Gumamit ng mga makabagong paraan ng marketing

Sa kasalukuyan, dalawang makabagong paraan sa marketing ay ang mobile (apps at ads) at paggamit ng video. Maari mong gamitin ang ganitong paraan upang mangibabaw sa iba. Ang paggamit din ng AI – artificial intelligence – ay maaari mo din ikunsidera. Kung ano ang mga bagong paraan ng marketing, pag-aaralan kung aayon sa iyo at paghandaan.

#3 Protektahan ang iyong Intellectual Property (o IP)

May mga negosyong may mga produktong orihinal ang pagkakagawa o imbensyong kailangang maproteksyunan sa mga manggagaya. Kung may ganoon kang produlto, ang pag-rehistro ng iyong IP (patent o copyright) ay mahalaga para sa mga tulad mo. Malaking bagay ito ngunit tandaan na di ka pa rin nakasisiguro kung sa ibang bansa ito gagayahin. Kaya ang importante ay patuloy mong palawigin ang inobasyon. Tandaan din na mas mahalaga ang unang nag-market kesa unang nag-patent kung branding at market leadership ang pinag-uusapan.

#4 Palakasin ang iyong brand sa Internet

Dahil na din sa Internet, maraming paraan na libre o murang halaga para mapaangat ang iyong brand. Ang unang tinitingnan ng mga tao tungkol sa iyong pangalan ay ang Internet. Dito kakailanganin ang tulong ng SEO – Search Engine Optimization – kung saan matutulungang umangat sa search results ng Google ang iyong brand o kumpanya. Gamitin ang social media bilang panimulang estratehiya.

Anuman ang iyong negosyo, laging isipin na di ka nag-iisa. Wala kang monopolya sa ideya kaya’t siguradong may magiging kalaban ka sa negosyo. Ang mahalaga, gawing masinsin ang pag-target mo ng merkado para mas lumiit ang tsansa na may makalaban kang bigatin.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

jack ma

4 na Bagay na Matututunan Mo Kay Jack Ma ng Alibaba.com

Homer Nievera, CDE, CCM | Kilala si Jack Ma bilang CEO at founder ng Alibaba.com – isa sa pinakamalaking negosyong e-commerce sa mundo. Ayon sa Forbes.com, ang dating guro ng Ingles sa Tsina ay may yaman na nagkakahalaga ng 39.5 bilyong dolyar.

Bukod sa pinagmulang mahirap na pamilya, kilala si Jack Ma sa maraming bilang ng kabiguang makapasok sa maayos na unibersidad sa Amerika gaya ng Harvard at di man lang makakuha ng trabaho sa KFC.

Sa tagumpay ng Alibaba sa larangan ng komersiyo, ito ang ilan sa mga matututunan kay Ma:

#1 Huwag Patulan Lahat ng Oportunidad

Ayon kay Ma, di lahat ng magbubukas na oprtunidad sa mga negosyante ay dapat patulan. Sa halip, kailangan ng masusing pag-aaral. Kaya naman inabot ng ilang taon bago nag-desisiyon si Ma na ipalista sa Stock Exchange ng Amerika. Ang desisyong ito ay lalung nagpayaman sa kanya.

#2 Mag-aral at Palaguin ang Kakaibang Katangian

Alam ni Ma na para umunlad sa buhay, nararapat na siya’y mag-aral at magkaroon ng kakaibang galing kumpara sa iba. Ang kanyang abilidad sa pagsasalita at pagtuturo ng Ingles ay nagging daan ni Ma para lumakas nag loob na makipag-usap sa iba’t-ibang lider sa buong mundo kaya mabilis siyang umunlad.

#3 Kumuha ng Mga Taong Mas Magaling Sa Iyo

Alam ni Ma na di siya ang pinakamagaling na tao sa mundo. Alam din niya ang kanyang mga kahinaan kaya naman una niyang ginawa ay ang sumama sa mga taong magagaling sa iba’t-ibang larangan. Nang magsimula na siya sa negosyo, kumuha siya ng mga tao na may kakaibang mga katangian na higit sa kanya. Isa yun sa mga sikreto ng kanyang tagumpay.

#4 Gawin Lahat Para Matupad ang Pangarap

Si Jack Ma ay di sumuko. Gumising siya sa kanyang pagkakatulog at pinagtrabahuhan ang kanyang panaginip – na magkaroon ng pinakamalaking ecommerce na kumpanya sa buong mundo. Alam niya na ang susi sa tagumpay ng negosyo ay ang di pagtutuok sa kita kundi ang pag-unlad ng kabuhayan ng ibang tao. Ito ang nagtulak kay Ma na paigtingin ang mga Sistema at teknolohiya upang gumanda ang serbisyo ng Alibaba. Nagtagumpay si Ma nang dahil sa patuloy na pagsisikap upang matupad ang kanyang mga pangarap at pangarap ng ibang tao.

Sa kabuuan, di nagpatalo si Ma sa laban ng buhay. Kahit ano ang pagkabigo ang kanyang naranasan sa buhay, nagpatuloy lang siya hanggang sa mabuo ang kanyang mga pangarap at nagtagumpay. Ang mga aral ni Jack Ma ay magagamit din sa ibang aspeto ng buhay bukod sa pagnenegosyo. Ang pagiging masinop at matiyaga ang ilan lamang sa mga isinusulong ni Ma sa mga nais magtagumpay tulad niya.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

 

 

home-business

5 Negosyo na Kayang Itayo sa Bahay Mo Ngayon

ni Homer Nievera, CDE, CCM | Madalas na tanong sa akin ay kung anu-anong mga nagosyo daw ang kayang itayo sa bahay. Sa panahon daw kasi ng teknolohiya, may mga serbisyong kailangan pa din ng mga tao kahit walang gamit na kompyuter o nangangailangan ng Internet.

Ang sagot ko naman diyan, ay depende sa skills ng tao at hilig niya ang magsasabi kung saan siya mainam mag negosyo, maging sa pamamahay man niya ito o sa ibang lugar.

Narito ang pitong negosyong mabilis na maitatayo sa pamamagitan lamang ng kaalaman, kaunting puhunan, at maraming tiyaga.

#1 Pananahi

Madalas ang mga dressmaking at tailoring shops ay nagsisimula sa tahanan. Isang makina lang at ilang gamit sa pananahi, ayus na. Mas mainam na mag-aral ng pormal sa Tesda o saan mang vocational na paaralan para mas propesyunal ang paggawa mo.

#2 Repair Services

Sa dami ng mga kagamitang binibili ng mga tao sa iyong komunidad, siguradong marami din ang nasisira at nangangailiangan ng repair services. Mula sa appliances at electronics, hanggang sa repair ng mga sasakyan, puwedeng-puwede itong gawin. Madalas, kaunting gamit lang ang kailangan mo, go ka na. Mag-aral o mag-apprentice din para mas mabilis kang matuto.

#3 Hair and Beauty Services

Likas sa tao ang magpaganda. Kaya naman magandang negosyo ang barberya, parlor, spa at pati na din ang pet grooming services. Madalas, gunting at sukay lang, puwede ka ng magsimula. Katulad ng ibang serbisyo, mag-aral at mag-apprentice para mas maraming experience.

#4 Tindahan

Di lang sari-sari store ang puwede mong itayo sa bahay bilang negosyong pang-retail. Nariyan din ang online store. Dito, ang puhunan ay depende sa lawak at laki ng sakop mong produkto. Alamin ang mga detalye nito sa Internet. Maraming puwedeng pagkakitaan dito gaya ng buy and sell.

#5 Graphic Design, Social Media at Website Services

Hindi ka naman makakaiwas sa teknolohiya, di ba? Kaya naman maraming negosyo ang naitatayo mula dito. Magsimula sa mga tech skills mo at siguradong mapapalaki mo tio. Ang kagandahan sa mga serbisyong ito, kompyuter, Internet at talino lang ang puhunan. Makakakuha ka pa ng mga kostumer sa abroad!

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

DadoBanatao-homer-nievera

How to be you po? – Pinoy Bilyonaryong si Engr. Dado Banatao ng Silicon Valley

ni Homerun Nievera, CDE, CCM |  Noong Sabado, nagsimula ang unang sesyon ng pag-mentor sa aming mga opsiyal ng isang tech startup, ni Engr. Diosdado “Dado” Banatao. Maraming tips na ibinahagi si Banatao sa amin na hango sa kanyang karanasan sa Silicon Valley sa Amerika.

Si Banatao ay isang bilyonaryong Pinoy na nakadisenyo ng mabilis na computer chips na ginagamit ngayon sa halos lahat ng PC. Naibenta niya sa halagang $700 milyon ang kanyang kumpanya sa Intel. Dito siya unang nakilala sa Silicon Valley sa Amerika kung saan nakalagak ang mga magagaling na kumpanyang teknolohiya.

Isang simpleng katanungan ang ibinato kay Banatao ng aming CEO na si Engr. Junjun Fetizanan, Jr. nan gamin siyang nakapanayam bilang parte ng kanyang pagigiing mentor at incubation partner sa aming kumpanyang FAME, Inc – “How to be you po?”

Ito ang kanyang kasagutan sa limang tips upang maging world-class ang iyong startup:

#1 Indintihing mabuti ang merkado.

Isang masinsing pag-aaral ang dapat gawin sa target mong merkado bago ka magsimula ng iyong startup. Hindi ka dapat basta-basta sasalang sa negosyo at gagawa ng mga produkto kung di mo ito nagawa.

#2 Pag-aralan ang kumpetisyon.

Matapos mong pag-aralan ang merkado, alamin ang ginagawa ng kumpetisyon at paano mo maiiaba ang iyong produkto o serbisyo. Kailangan, mas higit pa ang sa ‘yo at mahusay ang kalidad. Minsan, ang pagiging iba sa pamamagitan ng kagamitan ng produkto ay sapat na.

#3 Magagaling na tauhan.

Di kailangan ng maraming tauhan kung sadyang magagaling naman ang makukuha mo. The best and the brightest and wika nga ng iba na kukunin mo. Siyempre, kunin mo din ang masipag, masinop at mapagkakatiwalaan.

#4 Pagpaplano at eksekusyon

Madalas, sa plano pa lang, malalaman mon a kung magiging matagumpay ka o hindi. Kaya ayusin ito at gawin ng huling tatlong buwan ng taon para handa sa unang sabak ng susunod na na taon. Sa eksekusyon naman ay dapat masinop at may kakayahan ang bawat isa sa mga tauhan.

#5 Pera at iba pang pangangailangan.

Dapat handa ang war chest mo. Huwag basta-bastang sasabak ng kulang sa kagamitan at perang panggastos. Dito madalas bumabagsak ang mga startup – walang kahandaan. Nariyan naman ang mga imbestor na handing tumulong lalu na kung maayos ang bilang 1-4 mo.

Sa lahat ng gagawin, maging handang magpalit ng plano kung di umaayon ang merkado. Laging maging bukas sa mga ideya at suhestiyon ng iba.

Si Homer Nievera ay isang digital transformator at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook.com/thepositivevibespage.

brand-awareness

5 Dapat Gawin Para Makilala ang Brand (o Tatak) Mo

ni Homerun Nievera | Lahat ng negosyo ay nais makilala upang maisakatuparan ang paglago nito. Kung di ka kilala o wala kang tinaguriang “brand awareness” – di ka makakabenta at makauungos sa iyong kakumpitensiya.

Mahalaga ang pagpapakilala ng iyong brand o tatak – maging pangalan man ito ng negosyo o ng isang produkto  serbisyo. Ang reputasyon ng iyong negosyo ay nakasalalay sa isang malakas na tatak.

Narito ang limang simpleng Gawain para mapalawig ang iyong tatak:

#1 Balik tayo sa simpleng pamamaraan

Kapag eleksyon, nagkalat ang iba’t-ibang paraan ng gimik para maalala ang isang kandidato. Ang mga mukha at pangalan nila sa mga t-shirt, bag, bayong, baller, at maging sa mga billboard ay laganap. Ito ang simpleng pamamaraan ng pagpapalaganap ng iyong tatak. Sa katunayan, ang karatula mo sa iyong tindahan ay importante. Maging ang disenyo ng iyong logo at sulat sa tarheta (callning card) ay mahalaga upang maging sikat ang iyong marka.

#2 Pakikipag-partner sa ibang brand

Kung di ka pa kilala, makipag-partner sa ibang brand na mas kilala. Siguraduhin lang na may kaugnayan ang iyong tatak sa kanila at di kayo magkakumpitensiya. Katulad na lamang ng pagkuha ng mga artista bilang endorser. O kaya’y isang medyas at sapatos na brand na magsama sa isang Gawain o promo.

#3 Pagsali sa mga pasinaya o event

Ito ang madalas na gawin ng mga kumpanya dahil naroon na ang mga taong nais nilang abutin para makilala. Ang pagsali sa mga trade show, tiyangge o school fair na may mga taong naayon sa iyong negosyo ay mabilis na paraan ng pagpapakilala ng iyong brand.

#4 Huwag kalimutan ang social media

Mahalaga ang papel ng social media dahil bukod sa libre ito, malaki ang naaabot nito. Siguruhing nakaayos ng naaayon sa iyong tatak ang lahat ng social media pages at accounts niyo. Huwag ipaubaya kung kani-kanino lamang. Maging konsistent sa lahat ng mensahe na ilalagay dito.

#5 Organisahin ang iyong mga empleyado

Ang pinakauna mong mga tagapagsalita para sa iyong negosyo at brand ay ang iyong mga empleyado. Siguraduhing alam nila ang mga basikong impormasyon ukol sa iyong brand para sila na mismo ang makakasagot kung may magtatanong sa kanila. Kung may iba pang di nila dapat sagutin, ipaalam sa iyo (kung ikaw ang boss) o sa taong kuwalipikado.

 

homer-nieveraSi Homer Nievera ay isang digital evangelist at founder ng Negosentro.com na tumutulong palawigin ang kaalaman sa Internet at teknolohiya para maiangat ang kabuhayan ng mga Pilipino. Kung may katanungan, magpadala ng mensahe sa email@negosentro.com o hanapin siya sa Facebook sa @thepositivevibespage. Ang mga kopya ng nailathala nang pitak ay nasa @gonegosentro sa Facebook at sa HomerNievera.com.